بولگه لر سرويسي:بشريتين ان قديم ياشاييش مسکن‌لرين‌دن بيري اولان آذربايجان جغرافي مؤوقعيتينه گؤره شرقله غربين قووشاغيندا، چوخ ايشلک تجارت يول‌لارينين اوستونده يئرلشيب، گؤزل و زنگين طبيعته، ال وئريش‌لي ايقليم شرايطينه ماليک‌دير کي، بو دا اؤز نؤوبه‌سينده اونون اها‌لي‌سي‌نين هله ايلك تمدن دان چوخ-چوخ اول بديعي مدنيتي‌نين چوخ طرفلي اينکيشافينا شرايط ياراتميش‌دير.يعني اوزون عصرلر بويو حياتدا ياشاماق اوغروندا موباريزه آپاران قديم اجدادلاريميز، طبيعتين سيررلريني اؤيرنه-اؤيرنه تدريجن اؤز مدني اينکيشافينا زمينه ياراتميش، عادت-عنعنه‌لر، سؤزلر، آدلار، دانيشيق، معيشت اشيا‌لاري و ... گئتديکجه اينکيشاف ائده‌رک تکميللشمه‌يه باشلاميش‌دير. دئييم‌لرين بير چوخلو‌سو تاريخين سيناغين‌دان چيخا بيلمهميش، بير چوخو ايسه زامان-زامان جيلا‌لانا‌راق بو گونوموزه گليب چاتميش‌دير.