بولگه لر سرويسي: نريمان آتـين جيلوونو دارتاندا، آت ياواشي‌يـيب، يورقالادي. سونرا گليب زمي‌نين قـيراغـيندا ديک دايانـيب، اوزون بير کيشنه‌دي.
حبيب فرشباف
ترلان سسه طرف دؤنوب، نريمانا ياخـينلاشدي. نريمان زمي‌يه باخا- باخا:
– به‌به، به‌به برکتلي اولسون- دئـينده، ترلان اونون سؤزلريندن وجده گليب، دؤنوب يـئنه‌ده زميني گؤزدن کـئچيردي …
«قوتانلـي» يوردو آران اولدوغوندان اکيني تـئز يـئتيرردي. ترلان سحر تـئزدن گليب زميني يوخلايـيب، قايـيتماق ايسته‌ميشدي، آنجاق اکيني گؤردوک‌ده اوندان آيريلا بيلمه‌ميشدي. مئه اسديکجه قـيزيل سونبول‌لر دنيز کيمي دالغالانـيردي. ترلان بو منظره‌ني سئـير ائتديکجه اوره‌يين‌ده مين‌لر آرزي جوشوب داشيردي …
نريمان آت اوسته اييليب، زمي‌دن بير نـئچه سونبول قوپارتدي. او، ايکي الي‌نين کفه‌سينده سونبول‌لري اؤوکه‌له‌ييب، سامانـي‌نـي پوفله‌دي. بوغداسي‌نـي آغزينا آتـيب:
– ماشاللاه- ماشاللاه قريبه بوغدادير- دئـيه زارافات يانا:
– ايه ترلان نـئجه‌دير سن ده بو ايل بير توي چـيخارداسان! – دئـينده.
ترلان »اشي سن کي منيم اوره‌يي‌مي بيليرسن! خوراسان نذيريم وار« – دئـييب، دريندن بير کؤکس اؤتوردو.
نريمان »ايه اوره‌يي‌ني سيخما بو ايل گـئدرسن اينشاللاه، کؤمه‌يين يوخدورسا صاباحدان گليم بيچک«- دئـينده، ترلان:– »يوخ قادالـيم، خانـيش صاباحدان گله‌جک« – دئدي.
نريمان ترلان‌دان آيريلـيب، بير-بير زمي‌لرينه باش چکه- چکه بوتون کؤوشني دولاندي. او، اؤروشو، زمي‌لري سئـير ائتديکجه فرح‌لنيردي. يال- ياماجدا هله ده باهار طراوتي وار ايدي. بيلديرچين‌لرله توراخاي‌لار سس سسه وئرميش‌ديلر. کهليک‌لرين نغمه‌سينه کهليک اوتو عطري قاريش‌ميشدي. طبيعت اينسانـين اوزونه گولوردو. نريمان چينارين کؤلگه‌سينده کهرين تؤوشونو بير آز آلـيب، چـينقـيل‌لـي بولاق‌دان دا دويونجا سو ايچدي. او، بوتون يول اوزونو اوغلو ائليارين تويونو نـئجه دبدبه‌لي کـئچيرمه‌سينه فيکيرلشيردي … دوغروسو بو ايل آمباستا نـين بوتون فضاسي‌نـي توي- دويون خيالـي بوروموشدو. هله کيمي‌سي ايندي‌دن گـئديب آشيق عبدالعلي‌دن پايـيز وعده‌سيني ده آلميشدي. نريمان آت اوستونده اوخويا- اوخويا کنده ياخـين‌لاشيردي. بيردن بير گورولتو اونو ديک دايانديردي. آرخايا دؤننده، گون باتان طرفده بير ايلديريم شاخـيب، کـئچدي. دالـيجا يـئنه‌ده گؤي گورولدادي. او، قاپ قارا بولودلاري گؤرنده آتدان ائنيب، بير سيغار ائشدي. قارا بولودلار کيشنه‌يه- کيشنه‌يه آمباستا کؤوشنينه طرف ايره‌لي‌له‌ييردي. نريمان سيغاري سيغارلا آلـيشديريب اوتوردوغو يـئرده قورويوب قالميشدي. او، بير آن بئله گؤزونو قارا بولودلاردان آيـيرا بيلميردي.
ايندي شيمشک‌لر سانکي اونون اوره‌يي‌نين باشيندان شاخـيب، کـئچيردي. نريمان، آتي يـئده‌يينده چکه- چکه، دالغـين حالدا يـئريمه‌يه باشلادي. او، ايندي داها نه قوش‌لارين سسيني ائشيديردي، نه ده تازا بيچيل‌ميش اوتلارين راييحه‌سيني دويوردو. اونو قارا- قارا فيکيرلر چولقاميشدي. بيردن کندين گيره‌جه‌يينده اوشاق‌لارين سسيندن اؤزونه گلدي. مدرسه داغـين اته‌يينده يـئرله‌شيردي.
او، نه زامان کنده چاتديغـينـي بيلمه‌ميشدي. نريمان بير آن آياق ساخلايـيب، اوغلو ائلياري کيلاسدان سسله‌دي. اوشاق‌لارين آرخاسي کوچه‌يه طرف ايدي. کلاسين‌هاي کويوندن کيمسه اونون سسيني ائشيتمه‌دي. نريمان يولونا دوام ائتدي …
???ايمتيحان گونلري ايدي. معلم تخته‌ده يازديغـينـي اوشاق‌لار تـئز- تـئز دفتره کـئچيرديلر. بيردن قارانلـيق بوتون کيلاسي چولقادي. بير آزدان ايلديريم شاخـيب کيلاسي آغ- آپپاغ نورلا بويادي. دالـيجا گؤي گورولتوسو دام- داشي تيتره‌تدي. معلم سسدن ديکسينيب، دالـي دؤننده گؤزو آخـير سيرادا سليمانا ساتاشدي. او، تـئز- تـئز آرخايا دؤنوب نيياران باخـيشلارلا پنجره‌دن بايـيرا باخـيردي. معلم اونون آدينـي سسله‌ينده او، يـئنه ده يازماغا باشلادي.ايلديريم‌لار دال بادال شاخـيب، دالـيجا گومبولتولار سانکي يازي تاختاسيندا پارتلايـيردي. معلم هله ده درسه دوام ائديردي، آنجاق ايندي بوتون اوشاق‌لار تـئز- تـئز گـئري دؤنوب بايـيرا باخـيردي‌لار. اونلارين داها بوتون ديققتي‌هاوايا يؤنلميشدي. معلم نه قده‌ر چالـيشيردي‌سا، کيمسه درسه قولاق آسميردي.
بيردن نـئچه دولو تاققاتاق شوشه‌لره توخوناندا، سليمان آغلاماغا باشلادي. بو آن اوشاق‌لاردان بير نـئچه‌سي ده اونا قوشولدولار.
معلم بو احوالاتدان هئچ نه باشا دوشموردو. او، داها درسي بوشلايـيب اووسونلانميش کيمي تخته‌نين قاباغـيندا قورويوب قالميشدي. نهايت اؤزونو اله آلـيب، اوشاق‌لاري ديله توتماق ايسته‌دي:– قورخمايـين! نه‌دن قورخورسوز؟ دولو آداما نـئـيلرکي؟ بير آز ياغـيب ايندي کسه‌جک، چـيخـيب گـئدرسيز ائولريزه.
اوشاق‌لار سانکي معلم‌ين سسيني مطلق ائشيتمه‌ييرديلر. دولو شيديرغي‌لاشديقجا اونلارين دا آغلاشماسي شدتلنيردي.
معلم سليمانا ياخـين‌لاشيب، اليني اونون باشينا چکيب – سليمان بؤيوک اوغلان‌سان … سن نييه آغلايـيرسان» – دئمک ايسته‌ييردي. سليمان:
– آغا! يازيق آتام مشهده حاضيرلاشيردي. بوتون اکينيميزي دولو ووردو – دئسه ده، يـئنه معلم هئچ نه باشا دوشه بيلمه‌دي؛ تکجه ائلمناز گليب اوغلونو کيلاسدان آپاراندا اونون ديرناقلانميش ياناق‌لاري‌نـين قانـيندان‌هانسي بير فاجيعه‌نين باش وئردييي‌ني باشا دوشدو. سليمان‌ين دالـييجا بوتون اوشاق‌لار پنجره قاباغـينا يويوروب اوزلريني شوشه‌يه دايادي‌لار. اونلارين گؤزلري دولونون ياغماسي ايله برابر گؤز ياشي ياغديريردي. بيردن جئـيران:
– آي ننه، آي ننه گل آشاغـي- دئـيه، شوشه‌ني دؤيج‌له‌دي. معلم پنجره قاباغـينا ياخـينلاشدي. ارکناز خالا باشينا قوران آلـيب، دام اوسته دايانميشدي. ائولردن دولونون آلتـينا ارسين آتـيلـيردي. بوتون کند بير- بيرينه چاخناشميشدي. بير نـئچه نفر اللريني گؤيلره اوجالديب بولودلارا يالواريردي. تويوق- جوجه چـيغـيرا- چـيغـيرا اويان بويانا قاچـيردي. کندين بوتون داملاري آغ آپپاغ آغارميشدي …
هاچاندان-هاچانا دولو سئـيرک‌له‌ييب، کسن کيمي بوتون کند اهلي ائولردن ائشييه تؤکولدولر. قنبر عمي بارماغـينـي بولودلارا توشلايـيب فله‌يين چرخيني سؤيوردو. قادين‌لاردان کيمي‌سي ياناق‌لارينـي ديرناق‌لايـيب، سينه‌سينه دؤيور، کيمي‌سي ده ساچ‌لارينـي يولا- يولا اوخشايـيردي. آردي وار
آذربایجان غربی بهترین حلقه اتصال ایران با اروپاست
گسترش سایت تکثیر گوزن زرد ایرانی در فندقلو نمین
بیش از ۴۰ درصد زیتون ایران در این استان تولید می‌شود
دشمن به دنبال ضربه زدن به هویت اسلامی است
اتفاق تلخ برای خبرنگار تبریزی پیش از جلسه وزیر اقتصاد
خانواده‌های ایثارگران نیازمند اقدامات جهشی و اولویت‌دار هستند
پیکر مطهر ۶ شهید گمنام وارد ارومیه شد
تمرکز جهاد کشاورزی زنجان بر آبیاری نوین و ترویج محصولات جایگزین
مدیران باید با جدیت کامل وظایف قانونی خود را انجام دهند
نایب‌رئیس مجلس از قطعه ۵ آزادراه مراغه–هشترود بازدید کرد
درباره عصر آذربایجان