کؤکوموز، قودرتيميز ختايي مؤعجوزه سي

شاه ايسماييل ختايي شرواندا گولوستان قالاسينين آلينماسينا چوخ واخت و قووه صرف ائديله جه ييني گؤروب بوتون سرکرده لريني، تانينميش سيلاحداشلاريني باشينا توپلاييب اونلارا ياشينا سيغيشمايان بير سوال وئرميشدي: "سيزه گولوستان لازيم دير يوخسا ايران؟" هامي بير سسله ايران دئميشدي.

بولگه لر سرويسي:شاه ايسماييل ختايي شرواندا گولوستان قالاسينين آلينماسينا چوخ واخت و قووه صرف ائديله جه ييني گؤروب بوتون سرکرده لريني، تانينميش سيلاحداشلاريني باشينا توپلاييب اونلارا ياشينا سيغيشمايان بير سوال وئرميشدي: "سيزه گولوستان لازيم دير يوخسا ايران؟" هامي بير سسله ايران دئميشدي.
بوندان سونرا جاوان ايسماييل" ائله ايسه يولوموز تبريزه دير". سيزلري سانکي صفوي ايمپرياسينين بوتون گله جک طالعييني حل ائتميشدي. شاه ايسماييلين تبريزه گلمه سي و ايران صفويلر دؤولتينين يارانديغيني اعلان ائتمه سي تاريخي منبعلرده، اونون اوزونه ياراشان شکيلده، پارلاق بير جومله ايله ايفاده اولونوب:" او، تبريزه روح بدنه قايدان کيمي گيردي".
 شاه ايسماييل ختايينين شخصيتيني و پوئتيک روحونو، کيمليگيني گؤسترمک اوچون بوندان گؤزل و توتارلي بير ايفاده تاپماق چوخ چتيندير.
ختايي ايران توپراغينين هم جاني، همده جيسميدير. 38 ايلليک قيسا عؤمرونون سون ايلي کدرلي کئچميشدي. چالديراندان سونرا بير داها اوزو گولمه ميشدي.
لاکين چالديران دؤورونه قدرکي ختايي عؤمرو عاغلاسيغيلماز بير مؤعجوزه دير، شيمشک چاخيشيدير، مئته اور آخيشيدير، اينسان گوجو و ايمکانينين سون حددينده ياشايان بير عؤموردور.جاوان واختيندان مودريک و قطعييتلي ايدي.
 اون دورد ايلده ايرانلي دونيانين اَن قووتلي دؤولتلريندن بيرينه چئويرميشدي. اونون آيري دوشن ويلايتلريني بيرلشديرميشدي. ايران بؤتوولشميش، جانلي قودرتلي بير بدن کيمي ياشاماغا باشلاميشدي. ختايي، عئيني زاماندا، بؤيوک شاعير ايلهامي ايله بو بدنين، بو وطنين پوئتيک روحونو ياراديردي. دينجليک بيلمه دن، گئجه-گوندوز مملکتينين اطرافيندا آت جوولان ائتديريردي و گئجه-گوندوز ده بو بوتوو مملکتين خوشبخت گونلريندن فرحلنير "گولزاري-وحدت بولبولو" کيمي اونون اودونا يانير، شوعله لننه - شوعله لننه ده يوردون باهاريني-قيشيني، مرد ايگيدلريني، مودريک اوستادلاريني، گوزللريني، اوزلمز اينام و عقيده سيني ترننوم ائديردي. اينسان کيمي طالعي اونو شاعير يئتيشديرميشدي، لاکين نسلينين، يوردونون طالعي اونو دؤيوش مئيدانينا آتميشدي.قلم توتمالي اولان اَلي قيلينج توتموشدو. دؤيوشه- دؤيوشه دوشونوردو، دوشونه-دوشونه دؤيوشوردو.
بيز يئني آذربايجان شعريني واقيف دن باشلاييريق. منجه يئني آذربايجان شعريني، يعني، هم روحجا هم فورماجا بو گونکو هجا شعريميزي مايالانديران ايلک قايناقلاري واقيف دن چوخ-چوخ اولده، او جومله دن ختايي نين قوشما، گرايلي و وارساغيلاريندا آختارماق لازيمدير.ختايي نين بو جور شعرلرله، اونون پارلاق، تميز پوئتيک ديلي و مرد پوئتيک روحو ايله بوگونکو، پوئزيياميز آراسيندا بئش يوز ايله ياخين واخت اؤتدويونه اينانماق اولمور.
بو ديل ده، بو روح دا واختا يئنيلمه يندير، آشيلانماياندير، اؤلومسوزدور.ختايي ايرانين قيلينجي و قلمي، عسگري و نغمه کاري، شاعير اورکلي حؤکمداري و اَر نفسلي شاعيري دير. بو معنادا او تاريخيميزده تکرارسيز، عوضسيز بير شخصيتدير. اونون سيماسيندا خالقيميزين، اَن گؤزل، اَن پارلاق جهتلري توپلانيب. بونا گؤره ختايي منيم اوچون- اصا ايران تيمثاليدير....
ختايي يوکسک معنوي و فيزيکي تربيه آلميشدي. اوشاق ياشيندا قولوندا سرکرده گوجو، باشيندا آغ ساققال آغلي واردي. بو گون بير آز ييپرانميش سسلنسه ده، او، سؤزون اصل معناسيندا هر طرفلي شخصيت ايدي. نسلسنين، خالقينين قودرت-غئيرت بايراغيني مردليکله اوجالدان ايسماييلين اوشاق کؤکسونه شير اوره يي دويونوردو.سيل-سوپور قلبيني، ائوين پاک ائيله،مؤمين آيناسينا دومان گرکمز.ياخود:.... گوزگوسو پاک اولمايانين چاره يوخدور پاسينا.و يا:....
يولون اَيريسيني گئتمه دوغرو يولا نظر ائيله –بو ختايي نين معنوي تميزليگه نئجه يوکسک قيمت وئرديگيني گؤسترن ميصراعلاردير.بودور سؤزوم سنه من دن امانت:کونول ييخما، ولي، ائيله عيمارت.بو ختايي نين ياخشيليق، نجيبليک ايده آلي دير:قيرميزي تاجلي، بوز آتلي،آغير بير لشکر نيصبتلي،يوسيف پئيغمبر صيفتلي
غازي لر دئيين شاه منم!-بو بند ختايي نين هم قودرتلي، هم ده ظاهيري گؤزلليک و باطيني کاميلليگيني گؤسترير.جسورلوق، دونمزليک و بونونلا ياناشي ظريفليک، حساسليق، تميزليک! بونلار ختايي فنومن لرين قوشا قانادي دير.من تاريخي شخصيت کيمي اوندا ضعيفليک گؤرمورم. اگر شيعه ليک-سوننوليک مسئله سينده سؤز گئديرسه، بو، ختايي دن خئيلي اول باشلانميشدي.
چالديران دؤيوشوندن سؤز گئديرسه، سولطان سليمين تحقيرآميز مکتوبلاريني و آنادولودا قيرخ مين صفوي طرفدارلاريني اؤلدورتدورمه سيني خاطيرلاماليييق. ختايي بؤيوک شخصيت ايدي. ووقاري اونا قارداشلا  دؤيوشدن قاچماق ايمکاني وئرمه دي. بو، قوصور يوخ، فاجيعه دير! چالديران دؤيوشو تورک خالقلارينين تاريخينده اَن آغريلي صحيفه لردن بيريدير.
 فاروق سومر يازير کي، چالديراندا ايکي آيري ميللت بير-بيرينه قارشي گلمه ميشدي. مئيداندا اوز- اوزه گلن، اصلينده ، عئيني اوشاقلاري، قارداش، عم اوغلي، دايي اوغلو ايديلر، ياريسي صفوي، ياريسي دا عوثمانلي بايراغي آلتيندا " الله! الله! " دئيه – دئيه ايگيدسه سينه ووروشوردولار.
 بو حقيقتي بيلمه دن چالديراني درک ائتمک اولماز. چالديران حاکيمييت اوغروندا موباريزه مئيداني ايدي و تاريخده ميليون دفه اولدوغو کيمي، خيانت مردليگه، حيله قووه يه اوستون گلدي.
غريبه شخصيتي، مغرورلوغو بوندان سونرا سياسي حياتدان اوزاقلاشديرير. منجه، او، گوج تاپا بيلسه يدي، سونراکي اون ايلليک حياتيني آيري جور، داها فعال ياشايا بيلردي.بو اوزاقدان- اوزاغا يورودولن فيکيردير. ختايي نين اؤز منطيقيني بيلسه يديم، يقين کي، بئله دئمزدي....
ختايي شخصيتي باره ده آز و ضعيف يازيلماسي نين سببي بللي دير. بوردا، بير عاليمين دئديگي کيمي "حقيقت قوزوسو سياست قوردونا اسير دوشوب". آمما ياراديجيليغين دَيرينجه، لاييقينجه اويره نيلمه مه سي ادبيات شوناس عاليملريميزين، گوناهيدير.
ختايي طالعيي – ايران تاريخينين اَن پارلاق صحيفه لريندن بيريدير.بونا گؤره ده تاريخيميزه هر جور موناسيبت او دقيقه ختاييه موناسيبته چئوريليب. تاريخيميزين اويره نيلمه سي و قيمتلنديريلمه سي ياخشيلاشديقجا ختايي ده ديکليب قالخاجاق و اَل چاتماز بير يوکسليگه اوجالاجاق، اوشاقلاريميزين آند يئرينه دؤنه جک.هردن اؤز-آؤزومدن سوروشورام: ختايي اؤز عؤمرونو کيشي کيمي ياشاييب گئتدي. ايراني بيرلشديردي.

منبع :