آذربايجان ناغيللاري بولگه لر سرويسي:صبح ياخين لاشارکن گونش گؤزل اوزوني داغلارين داليندان يوخاري چکه رک ايستي ايشيغيني دنيزه ساچيردي. باليق لار داشلارين ديبينده ن چيخيب بوتاي اوتايا گئده رک يئمک آراييرديلار.گونلرين بير گونونده، دنيزده بالاجا قارا باليق دوغولور. قارا باليق دونيا اوزونه گلندن چيممک باجاراردي.او گونده دنيزده گزيب، آيري باليق لارلا اويناردي.بير گون، دوستلاريلا اوينارکن بير بؤلوک قيرميزي باليق گليب،يانلاريندان کئچدي. قارا باليق حسرتله قيرميزي باليق لارين رنگينه باخيب، اؤزويله دئدي: کاش من ده قيرميز بويالي اولايديم. زامان کئچديکجه قارا باليق باشا دوشر باليق لارين آراسيندا دئييشيکلر وار. بونلار قاراديلار، قالان باليق لار آيري بوياداديلار. قارا باليق اؤز بوياسيني هئچ سئوميردي، کؤنلو ايسته ييردي آيري بويادا اولا.آيري باليق لاري گؤرنده اؤزونو اونلارين بوياسينا چيخارديب اونلار ايلا دولاناردي. آتا آناسي اونون بو ايشينده ن چوخ اينجيرديلر. امما قارا باليق سايمادان اوز ايشينه داوام ائله ييردي. قارا باليق آتا آناسيندان باشقا رنگه بويانمالاريني ايسته ييردي. امما آتا آناسي دئيرديلر:قارا شينلي باليغيميز گول چيچکلي باليغيميز شيرين ديللي باليغيميز بيز، اؤزوموزو آيري بويايا بوياساق دا يئنه قارا باليق ساييليريق.قارا باليق آتا آناسينين رنگيندن اوتاناراق، تصميم دوتار داها اونلار ايلا ياشاماسين. قارا باليق اؤز بوياسين دئييشديريب قيرميز بويايا بورونور.گونلرين بيرينده قيرميزي باليق لارلا اويناييردي، آتا آناسيني اؤز اؤنونده گؤردو.امما يولداشلارينين يانيندا، اونلارين رنگيندن اوتاناراق سايمادان اويونونا داوام ائيله دي. اؤره گي آتا آناسيندان ساري برک چيرپينيردي.آتا آناسي اوزاقلاشديقجا، قاراباليق اونلارين داليسيجا باخيب اوزويله دئييردي: نه اولاردي منيم آتا آنامدا بو قيرمز باليق لارين آتا آنالاري کيمي قيرمز و گؤزل اولايدي. اوندا بير بيريميز ايله ياشايارديق ،چيمرديک، اوينايارديق و... . بونلاري دوشونرکن بيردن باليقچي نين تورونا ايليشدي.آتا آناسيني سسله دي. آتا آناسي، بالا قارا باليقين سسيني تانيييب، نيگران سسه ساري اوزدولر. امما قارا باليغي تانيماييب، اوردان اوزاقلاشديلار.هامي باليق لار بالا باليغين آتا آناسينين اونا يارديم ائتمه سيني گوزله ييرديلر.قيرميزي باليق اؤز بالالاريني ساييب، بيلدي تورا دوشن باليق اونون اوشاقي دئييل قورخوسوندان اوشاقلاريني گؤتوروب، اوردان اوزاقلاشدي. قاراباليق چاليشيردي تئزليکجه اؤز رنگينه دونه. آتا آناسي اونو تانيييب يارديمجي اولالار.امما چوخ زامان اولوردو اؤزونو قيرميز بويايا بوياميشدي. باجارا بيلمه ييردي اوز بوياسينا دونه.بير داها اورکدن آتا آناسيني سسله دي. آتا آناسي بالاسيني تانييب، تور يوخاري گئتديکجه اونلاردا تورون داليسيجا چيميرديلر، چوجوقلارينا يارديمجي اولالار. باليق تورون ايچينده حسرتله آتا آناسينين چاليشماسينا باخيب، کئچميش گونلريني خاطيرلاييردي…آتا آناسي تورا يئتيشمه ميش، باليقچي تورونو يوخاري چکدي.سون آندا بالا باليق اومود سوزو،حسرتله آناسينين گؤزلرينه باخيردي. تورو يوخاري چئکنده باليغين، آناسين گؤزلري دولوب، خاطيرلادي بالاجا قارا باليق چيلله گئجه سي نئجه عائله سيني بوراخيب آزادليق ايچين دونيانين تانيماسينا چالشيب جانيندان کئچدي...
بولگه لر سرويسي:صبح ياخين لاشارکن گونش گؤزل اوزوني داغلارين داليندان يوخاري چکه رک ايستي ايشيغيني دنيزه ساچيردي.