شهره ايلک باخشيدا اوجا ئولر و آپارتمان لاري گورورم. حسابسيز کتاب سيز ساختمانلار کي گويه گالخمش و هچ گانونا اينانجي يوخدور. حال بو کي منيم شهريمين حيکايسي آتلارن اوزگورجه کوشوشدورمالاري ايله دوليده. منيم شهريم داغيده .غرور دولو ! منيم شهريم دريا ئيده . ماس ماوي . هر موجي حيات چائريشيده. سامانلقلار اولدوزلارلا دولورده. آما زامان گچدي و اينده او يشيل شهريمده ، اصيل آزاد گوشان آتلار يرينه احساس سيز دمير تيچه لري جورورم . آرتق آتلاره اوخشاماخ يرينه بو دمير لرله هم صحبت اولموشوق.بلکي ده گوي مرحمت ايلر ده ياغش ياغارسا ، آرتق آسفالت گوخوسوندان باشکا بير شي حيس الماق اولماز. البته که شهيرجي ليقين اوزونه گوره چوخلو مزيت لري وار. بودا انکار اولونماز بير حقيقت دير . بشر تاريخ بويو راحاتليق پشينده اولموش . اله کي آز ايش چوخ راحاتليق اولماسيني ايستر.اورموداکي ديکينتي لرو ئو دوزلتمه لره گوز آتديقيمزدا، اله بينالار گوروروق کي ، بلکي ده اله يوکسلمه لرينه هچ احتياج يوخده. بويله بير بينالار ، برج لار و اوجا ئولربويوک شهيرلرو ياييلماقي اوفوقي اولما ايمکاني اولمايان يرلرده مناسيب اولور. حال بوکي اورمو دا اوفوقي يايلما ايمکاني مقدور دييل و بويله بير يوکسلمه لر مردمون احتياجلاري نا گرکسيزدير.بو مردم اسکي دن اله بير يرده ياشيب لار کي هر زمان اونلارا آزادليق وريب و تمايل لر چوخلوباغچه لي ئولره واردير. حال بو کي هچ احتياجي اولمايان بير فرهنگ دعوت سيز شهره دولوب و منطقه ده ير آلب دير. انسانلاريميزبو آپارتماني ئولرده ياشامايا مجبور اولوب و روح لاري نين آزادليق و طبيعت احتياج لاري ني بو آپارتمانلاردا حبس اليبلر.بير دن کاذب بير هيجان سونوجوندا اسکي حياط دار ئولر گجه ايله ويران اولوب و آپارتمان سازي سوداسي ، وام يادا بورج ايله بير نچه سقف يوکسلديب و يولون ياري سيندا اوتورلنيبلر و باقلي گاپيلارلا باش باشا گاليبلار. بو ئولره تقاضانين اولماديقي و مردم دا خريد قدرتينين اولمامازليقي دا بير طرف دن باعث اولدو بو ديکيملر ياري يولدا اوتورلنسين .شهره بير گوز آتديقي ميزدا راحاتجا گورمق اولور کي ، شهرين کهنه قسمتي سرعت ايله ويران اولوب يادا اوتورلنيب دير.کهنه ئولر متروک اولوبلار. بويوک آنا – آتالار ئولريندن تبعيد اولونوب و يرلرينه بوش آپارتمانلار اکيليب. سيزجه بو هيجانا احتياج واريده؟ سيزجه اهالي نين ئو احتياج لاري ساده جه بو يوللا حل اولماليده؟ سيزجه بو ساختمانلارين اوجالماسي برنامه اوزونده اولوب دور؟بونا توجه المه ليق کي هر شهرين بويومه سي و مدرنلاشماقي چوخلو فايدالار مردما وره بيلير اما بو پيشرفت و مدرنلاشماق منطقه نين کولتور و فرهنگي دوئرونتوسوندا اولمالي دير.بير شهرين دوزلمه سي ، بويومه سي و ئولرين دوزلمه سي منطقه نين اوزونه خاص اصوللاريلا اولمالي دير. شهرين قديمي و اسکيميش اولرينه اصول اوستونده مقاوم سازي و مرمت الماقيلا راحات جا شهرين اسکي شکليني گورويا بيليريز. بويله جه شهرين آمانسيز اوجالان و اله ده بوش گالان ئولر يرينه ، امنيت لي و دوزگون ئولر، داها شاد و راحات ئو صاحب لري دولدورابيلير.فرهنگيميزه دايانان ئو دوزلتمه اصوللاريلا مدرن بير شهره صاحب اولابيليريق ، اما طبيعت اتيين ده آچيلان ، داغلاريميزين غرورونا دايانان و درياميزين آرامشين ده بير شهر اولاراق. اورمو شهري وطنيميزين اسکي شهرلرين ده بيري اولاراق گورونمالي و توريسم صحنه لرينه حاضرلانمالي دير.اورمو شيراز کيمين ديئر کلانشهرلريله قياسلاندردئمزدا گوروروز کي بو شهر اهالي سينين فرهنگي ني سکونتگاه مساله سينده نظرده آلب دير. اله کي شهرين هر يرين ده حياط لي ئولر گوروروز، کي نارنج آقاچلاري اونلاردان باش گوزوب .البته کي بو شهرده يوکسلن ئولروساختمان لاري دا گوره بيليريز . اما بو بنالار شهرين احتياج لاري ني گارشي لاماق اوچون ديکيلميش دير و شهرين اصل چهره سي ني ايترمير.هر ايکي قسمت ده تعادل وار و دوئرو احتياج لار نظرده آلنميش دير.بيزيم ايستديق لريميز داغلاريميز ، درياميز و يشيليق لر کناريندا ياشاماق ايله بيرليخده ، دنيانن تکنولوژيسينن ومدرنيته سيندن فايدالانماق . اورمو شهرينده قدر مهندس لر يتيشيب دير و بو استعدادلاري اقليم و فرهنگ معمارليقي ميزدا کوللاناراق ، مدرنلاشماقي داها ملايم و سليقه ميزه ياراشديراراق شهريميزده سرگيليه بيليريز. کند لريميزي ياشاتابيليريز. دوزگون مديريت ايله دليل سيز گوچ لارا مانع اولوروز. شهر حياتيني ايستمين کندلرده ياشايان همشهري لريميزه راحاتلق وراجاق امکانات وريليرسه شهره گليب و تورباقدان اوزاق او اوجا ئولرده ياشاماق يرينه ، اوز گوزل حياتلاريني ياشارلار. ائر کي هر شي اوز يرينده گالارسا تزه نسله راحاتجا ير آچيلابيلير. بويله جه شهر حياتي داغلاريميزه احاطه المز و او ماس ماوي درياميز سولوب گوز ياشينا دونمز. دنيانين بويوک شهرلري نين اصولونو اورموموزدا ياشاتماق ايسترسق ، اوز ايستديق لريميزدن گوز يومماق زوروندا اولوروز و بودا هچ بيزيم آزاد ياشاما ايستکلريميزي گارشيلاماز.اورموم معمارليق و شهرجيليق اصولوندا فرهنگ عاميليني نظرده آلماق داها راحات ياشاماق دليل لريندن بيري اولاراق حدسيز اوجالمالار و ديکيلمه لره مانع اولوب و سرمايه لرين داها مناسب و عايدلي يوللاردا خرج اولماسينا سبب اولا بيلير. بو سرمايه لر توليد قسمتينه گچيب شهرين اقتصادينا يارارلي اولور و اشتغال مشکليمز حل اولابيلير . حال بو کي بوش و ياريم گالمش ئولر دوزاتماق ،کاذب ايشلردن بيري اولاراق تورم و ئو قيمتيني دليل سيز گوزويوب شهريميزين اقتصادينا ضرر وورا اولور. ائر کي شهر معمارليقيندا هر ايکي سليقه نظرده آلينيرسا ، سچيم داها راحات اولور و شهريميز ، داغلاريميز ، اکيميميز و درياميز آذري فرهنگينين سمبل لاري گالاراق گلجق نسيل لره اعاده وريلير.
شهره ايلک باخشيدا اوجا ئولر و آپارتمان لاري گورورم. حسابسيز کتاب سيز ساختمانلار کي گويه گالخمش و هچ گانونا اينانجي يوخدور. حال بو کي منيم شهريمين حيکايسي آتلارن اوزگورجه کوشوشدورمالاري ايله دوليده. منيم شهريم داغيده .غرور دولو !