کئچلين خزينه تاپماسي

کئچل گليب جوتي آتاسين¬دان آليب سورمه¬ گه باشلادي. ده¬ ده ¬سي ناهار يئمک اوچون ائوه گئتدي. آما چوخ يورغون اولدوغونا گؤره، ناهار يئيه¬ ندن سونرا يوخوسو توتوب، ياتدي. کئچل ياريم ساعات جوت سوردوک¬دن سورا گؤردو ده¬ده¬سي گلمه¬ دي. اؤز يانيندا دئدي: بونلار مني بو يول ائله ايشه چکمک ايسته¬ ييرلر. ياخشيسي بودور جوتو سالام بير داشا سينديريم داها بونلار توبه ائله¬ سين¬لر منه ايش ميش دئمه¬ سين¬لر.بو خييال ايله بير بؤيوک داشي نظره آليب جوتو ايليشديردي اونا. اؤکوزلره بير ايکي آغاج يئتديردي. اؤکوزلر گوج وئرديلر آما کئچه لين شانسيندان جوت سينماق يئرينه او يئکه¬ليک¬ده داش يئرين¬دن قووزانيب بير طر¬فه ديغيرلاندي و آلتين¬دان بير قويو آچيلدي. کئچل گؤردو قويونون ايچي دولودور بؤيوک بؤيوک قيزل خوملاري ايله. خوملارين بيري¬نين آغزيني آچدي، گؤردو لعل و جواهير ايله دولودور.

آذربايجان ناغيللاري
بولگه لر سرويسي:کئچل گليب جوتي آتاسين¬دان آليب سورمه¬ گه باشلادي.
 ده¬ ده ¬سي ناهار يئمک اوچون ائوه گئتدي. آما چوخ يورغون اولدوغونا گؤره، ناهار يئيه¬ ندن سونرا يوخوسو توتوب، ياتدي. کئچل ياريم ساعات جوت سوردوک¬دن سورا گؤردو ده¬ده¬سي گلمه¬ دي. اؤز يانيندا دئدي: بونلار مني بو يول ائله ايشه چکمک ايسته¬ ييرلر. ياخشيسي بودور جوتو سالام بير داشا سينديريم داها بونلار توبه ائله¬ سين¬لر منه ايش ميش دئمه¬ سين¬لر.بو خييال ايله بير بؤيوک داشي نظره آليب جوتو ايليشديردي اونا. اؤکوزلره بير ايکي آغاج يئتديردي. اؤکوزلر گوج وئرديلر آما کئچه لين شانسيندان جوت سينماق يئرينه او يئکه¬ليک¬ده داش يئرين¬دن قووزانيب بير طر¬فه ديغيرلاندي و آلتين¬دان بير قويو آچيلدي. کئچل گؤردو قويونون ايچي دولودور بؤيوک بؤيوک قيزل خوملاري ايله. خوملارين بيري¬نين آغزيني آچدي، گؤردو لعل و جواهير ايله دولودور.
کئچل فيکره دوشدو. دئدي: من بو قضييه¬ ني ده¬ ده-نه¬ نه¬ مه دئسم اونلار مني ايشله¬ ده ¬جک¬لر. ياخشيسي بودور کي بو يولدان گئچن¬لردن بيريني چاغيريم خزينه ¬ني اونا وئريم تا اؤزوم راحات اولوم. بو خييال ايله يولدان گئچن ايکي آتليلاري سس¬له ¬ييب دئدي:آي آغالار! گلين بورا، سيزه بير ياخشي سؤزوم وار!آت¬لي¬لار آت¬لارينين باشيني کئچه¬ له ساري دؤندرديلر. آما کئچل بيردن پئشمان اولوب اؤز-اؤزونه دئدي اي دئله غافيل! سنين آتان آنان گئجه گوندوز مال کيمي ايشله ¬ييب، آخشاما دک تر تؤکور، آرپا چؤره¬ گيني دويونجا تاپيب يئيه بيلمير. ايندي اينصاف ده ¬ييل من بير بئله قيزيلي موفته ¬سينه وئريم اؤزگه¬ لر آپارسين. بو زامان آت¬لي¬لار يئتيشديلر. کئچل داها بير سؤز تاپيب دئيه بيلمه ¬ييب، گوله ¬رک دئدي:- هئي ... آغالار! من ايستيرديم سيزدن سوروشام کي بو قيرميزي اؤکوز بو قه  ¬ره اؤکوزون نه¬ مه ¬نه¬ سي¬دير؟
آت¬لي¬لار باخيب گؤزله¬ ريني آغارداراق آت¬لاريني دؤنده¬ ريب گئتديلر. کئچل دئديگي سؤزلردن پئشمان اولدو. دئدي: کئش کي وئره ¬يديم آپارايديلار، يوخسا، ده¬ ده نه¬ نم بونلاري داشييان¬دا مني ده ايشه چه¬ که¬ جک¬لر. اودور کي دوباره آت¬لي¬لاري سس¬له ¬ييب دئدي:آغالار! گلين بو سه ¬فر دوزوني دئيه ¬جگم.آت¬لي¬لار دئديلر: بو کئچل سؤزسوز ده ¬ييل. گئده¬ ک گؤره¬ ک نه دئمک ايسته ¬يير. دوباره کئچه¬ لين ياني¬نا گلديلر.اونلار گلين¬جه گئنه¬ ده آتاآناسي¬نين کاسيب¬ليغي يادينا دوشوب پئشمان اولدو کي نييه بير حال¬دا کي آتاآناسي بو چتين¬ليک¬له روزگار گئچيرديرلر بير بئله خزينه¬ ني وئريم اؤزگه آدام آپارسين؟ اودور کي گئنه ده اونلاري اله سالاراق دئدي:آخي منيم ده ¬دم دئيير کي بو قيرميزي اؤکوز، بو قه ¬ره اؤکوزون عمي سي اوغلودور. من ايستيرم گؤروم کي سيزين باشيز چيخار، گؤره¬ سيز کي بونلار دوغرودان¬دا بير-بيرله¬ ري ايله قوهوم دورلار يا يوخ؟آت¬لي¬لارين بيري حيرصله ¬نيب قمچي ايله بئش-آلتي ده¬نه کئچه¬ لين کل¬له¬ سينه ووروب يولا دوشدو. کئچل گئنه¬ ده ايشلمه¬ گين قورخوسون¬دان دئدي: قوي چاغيريم وئريم آپارسين¬لار، راحات اولوم. آتام آنام جهنم! من کي ايشله¬ ميرم. اولار قازانيرلار من يئييرم. مه ¬نه نه وار کي اولار چوخ زحمت چکيرلر. اودور کي آت¬لي¬لاري بير ده سس¬له¬ ييب دئدي:گلين بو سئري لاپ دوغروسون دئيه¬ جه¬ گم!آت¬لي¬لارين بيري دئدي: "گل گئده¬ ک ايشيميزده. بو کئچل بيزي اله ساليب". او بيري دئدي: "يوخ! بو کئچل¬ده بير سؤز وار! آما قورخور کي بيزه دئسين. بو دفعه حتمن دئيه¬ جک¬دير". بير ده آتلاري دؤنده¬ ريب کئچ¬له ط¬رف گلديلر. آما کئچل گئنه ده آتا-آناسي¬نين بدبخت¬ليگيني، يازيقليغيني يادينا ساليب پئشمان اولدو. آت¬لي¬لار گليب کئچ¬لي ديله توتولار کي قورخماسين، هر نه بيلير دئسين!کئچل دئدي: آخي من سيزدن قورخورام.
آند ايچين کي مني وورموياجاقسيز، دوزونو دئييم. آت¬لي¬لارايکيسي ده آند ايچديلر کي ايشله¬ ري اولموياجاق. کئچل دئدي:سؤزون دوزو بودور کي من سيزي اله سالميشام. لاپ ساده¬ سي سيزي سه ¬ريميشم. آت¬لي¬لار آند ايچديک¬له¬رينه گؤره بيرزاد دئمه¬ ييب آتلاري¬ني قوووب اوزاقلاشدي¬لار. کئچل فيکرخييال ايچين¬ده ائوله رينه گلدي. آتا-آناسي دئديلر: کئچل! پس نييه اؤکوزلري اؤز باشينا بوراخيب گلدين؟کئچل دئدي: گلميشم سيزه بير منفعت¬لي سؤز دئيه¬ م. آما، بو شرط ايله کي مني ايشلتمي¬يه¬ سيز. آتاآناسي دئديلر: ياخشي ايشلتمه¬ ريک! دئ گؤره¬ ک نه وار؟کئچل دئدي:- بير ده¬نه قيزيل خ¬زينه¬ سي تاپميشام. آما اؤزوز داشيمالي¬سيز.
من اليمي ووران ده¬ ييلم. آتا-آناسي دئديلر کي عيبي يوخدور! سن گل يورغاني چک باشان يات. هئچ کيمه ده دئمه! بيز گئجه ايله قيزيل¬لاري ائوه داشيياريق. کئچل خ¬زينه ¬نين يئريني دئييب، باشي¬ني چکيب ياتدي. هاوا قارانليق¬لاشان¬دان سورا اه¬رآرواد چووال و کيسه گؤتوروب قيزيل¬لاري ائوه چک¬مه¬ يه باشلادي¬لار. آما، س¬حره آز قالان گؤردولر کي هاوا ايشيقلانير. لاکين هله قيزيل¬لار قورتارماييب¬دير. آناسي گليب کئچ¬لي اوياديب دئدي:- بالا! بيز قيزيللاري داشيييب قورتارميشيق، فقط بير آزجا قالير. آما، ايندي هاوا ايشيقلانار هاممي گؤره ¬رلر، قيزيل¬لار اليميزدن چيخار. دور بيرايکي آياق¬دا سن کؤمک¬ليک ائله. دها قوول وئريريک کي بوندان سورا هئچ واقت س¬نه ايش دئمي¬يک. کئچل غورولداناغورولدانا دوروب بير بالاجا توربا گؤتوره ¬رک اونلار ايله قيزيل داشيماغا باشلادي. هاوا ايشيقلانين¬جا ايشله ¬ريني قورتارديلار. آما، کئچ¬لين جاني آجيش¬ميش¬¬دي. اؤز يانين¬دا دئدي:
عيبي يوخدور! من بونون عوضيني آچارام. من بيليرديم کي بو ايشين آخيردا منه زيياني يئته¬ جک¬دير. اودور کي بو خييال ايله، بير ده¬نه خوم قاپاغي و هر خوم¬دان دا بير-ايکي قيزيل نومونه گؤتوروب داغارجيغينا دولدورب باشي¬نين آلتينا قويوب دوباره¬ دن ياتدي، کي صاباح آپاريب شاها گؤرسه ¬ديب ق¬ضيييه¬ ني دئسين. آما، آناسي کئچلي ياخشي تانيييردي. گؤردوکي کئچل چوخ اويان بويانا ويرنيخير. بيلدي کي بير خييالي وار. کئچ¬لي يوخو آپاران¬دان سورا گليب داغارجيغي ياواشجا باشي¬نين آلتين¬دان چکيب چيخارت¬دي. گؤردو هاميسي قيزيل¬دي. اونلاري بوشالديب يئرينه ساخسي سينيغي داغارجيغا دولدوروب خوم قاپاغي¬نين يئرينه¬ ده بير سينيق کاسا قويوب داغارجيغين آغزيني باغلاييب کئچ لين باشي¬نين آلتينا قويدو. س¬حر کئچل يوخودان دوروب داغارجيغي گؤتوروب بير باش شاهين سارايينا يوللاندي. قراوول¬لار قاباغيني کسديلر. کئچل هاي-کوو سالدي کي: بابا قويون گئديم ايچه¬ ري¬يه! من بير خ¬زينه تاپميشام.شاه سس کويو ائشيتديک¬ده خبر آلدي کي نه اولوب¬دور.
دئديلر بير کئچل اوغلان گليب دئيير خ¬زينه تاپميشام. شاه دئدي: قويون گلسين. کئچه¬لي دربارا اؤتوردولر. شاه سوروشدو کي نه وار؟کئچل دئدي:- قوربان! من بير خ¬زينه تاپميشديم. گئجه آتام و آنام داشيييب ائوه آپاريبلار.شاه دئدي: هاردان معلوم کي سن دوز دئييرسن!؟کئچل دئدي:قوربان! نومونه ¬له¬ ريني گ¬تيرميشم.شاه دئدي: چيخارت گؤرک!کئچل داغارجيغي¬نين آغزيني آچيب يئره بوشالتدي. بيردن گؤردو کي هاميسي ساخسي سينيغي¬دير. شاه دئدي: تاپديغين خزينه بودور؟ کئچل گؤردو کي به¬تر بؤرک باشينا گئچيبدي. گئنه آخماقجاسي¬نا گوله¬ رک دئدي:- هه... هه... هه... قوربان! دوزو بودور کي سيزين خانيم بو ساخسي سينيقلاري¬نين سايي¬جا بيزدن اون شاهي¬ليق پول و بو سينيق کاسا دولوسودا اون بورج آليب.
نه واقت¬ديرکي گ¬تيريب وئرمير. مني ده دربارا قويمورلار. اودورکي خ¬زانه¬ ني باهانا ائله ¬ييب گلميشم کي بورجلاريمي خانيم¬دان آلام.شاه آجيقلانيب دئدي:آپارين بو آخماغا يوز شاللاق وورون. کئچل شاللاقلاري يئديک¬ده هاواري گؤيه چيخدي. دئدي: شاها دئيين دوزونو دئمک ايسته¬ ييرم.شاه امر ائتدي وورماسين¬لار گؤره¬ک نه دئمک ايسته¬ يير. کئچلي دوباره شاهين ياني¬نا گتيرديلر. شاه دئدي:کئچل نه دئمک ايسته¬ ييرسن؟کئچل دئدي:قوربان! ايستيرم دئيه¬ م کي بو شاللاقلار مني اينجي¬دير. طلبيميزي وئرميسيز، وئرمه¬ يين! اؤزومو باري اؤتورون قويون گئديم.شاه و¬زيره باخيب دئدي: ائله بيل بو بدبخت ديوانه¬ دير!و¬زير دئدي: قوربان! بو آدام ظاهيرده سؤزلو آداما بنزه ¬يير.شاه دئدي کي بيرمئيدانا بؤيوک بير تپه سامان تؤکوب کئچلي اونون آراسي¬نا قويوب سامانا اود وورسون¬لار. سامانين آجي توستوسو کئچ¬لين بوغازينا دولوب، آز قالدي کي بوغولسون. چيغيريب دئدي:- قوربان! بو دفعه دوزونو دئيه¬ جه¬ گم.کئچلي گئنه ده شاهين يانينا آپارديلار.
 شاه دئدي:دئ گؤروم نه وار؟کئچل دئدي قوربان! سيز چوخ حيرصلي¬سيز، مني اذيت ائدرسيز. آند ايچين کي اذيت ائله¬ مييه¬ جک¬سيز دئييم.شاه آند ايچدي کي اذيت ائتمه¬سين. کئچل دئدي:لاپ دوزو بودور کي قوربان! ايسته¬ ديم گليب سنين درباريوي ياخين¬دان گؤره¬ م.شاه آند ايچديگينه گؤره بير سؤز دئمه¬ ييب، امر ائله¬ دي کئچ¬لي درباردان ائشيگه اؤتوردولر. کئچل داغارجيغيني گؤتوروب ائوله¬ رينه گلدي گؤردو ائوله¬ رين¬ده هئچ زاد يوخدو.
بير ده باخيب گؤردو آناسي قشنگ ليباس¬لار گئييب و جواهيرلر ايله اؤزونو بزه ¬ييب گلير. کئچل دئدي: آنا! بس ائويميز هاني؟آناسي دئدي:اوغول! شه¬رين او طر¬فين¬ده ايکي عالي عمارت آلميشيق. بيري ده¬دن ايله منيم کي، بيري ده سنين تک اؤزونکو-دور. نئچه که¬نيز و نؤکر ده توتموشوق کي سنه خيدمت ائله¬ سين¬لر. سن فقط يئ و يات! آيري ايشين اولماسين. ايندي گل گئت حاماما ته ¬زه پالتارلارين گؤنده¬ر يم گئي گئت اؤز قصريوه.

منبع :