آذربايجان ناغيللاري بولگه لر سرويسي:بير گون وار ايدي? بير گون يوخ ايدي. بير دانا حلالزاده قردش وار ايدي? بير دانا حرامزادا? شهرده داها ايش يوخ ايدى. بونلار دئيرلر: نه ائله‌يک? نه ائله‌مه‌يک؟ دئيرلر: دوراق گئدك بير آيرى شهرده ايش تاپاق. بونلار دستماللارينا چؤرك باغلارلار? دوشرلر يولا. ناهار چاغي يئتيشرلر بير سويون باشينا. حرامزادا قردش دئير: چؤره گيني آچ يئيک. آخشام دا منيمکين يئيه‌ريک. حلالزاده قردش بير سؤز دئمز. دستمالين آچار باشلارلار يئمه‌گه. سونرا گينه دوشرلر يولا. آخشام چاغي يورغون-آرغين يئتيشرلر بير يئره. حلالزاده قردش دئير: قردش? ايندي ده من آجام. گتير چؤر?گيندن يئيک. دئير: اوغلان? گئت ايشينين داليجا! چؤره ک آنجاق مني گؤره‌ر. بو? نه قدر ايللاه ائلر? اولماز. آخيردا بونلار ساواشارلار. حلالزاد? قردش بير طرفه گئدر? حرامزادا قردش بير طرفه.حلالزاده آج? سوسوز گلر يئتيشر بير مغاره يه? دئير گئجه ني بورادا دالدالانيم سحر دوشوم يولا. گير?ر مغاره يه گؤر?ر هئچ کيم يوخدو. بيردن-بيره گؤر?ر آياق سسى گلير? تئز قاچار گير?ر بير دالدا يئره گيزله‌نر.گونبولدويا-گونبولدويا بير دانا آيي گلر بير آز سونرا تاپييلديا-تاپبيلديا بير قورد? سونرا بير تولکو. بونلار گلرلر اوتورارلار مغاره نين ايچينده.قورد دئير: آيي قرده‌ش? کئفين برک کؤک دي? نه وار؟ دئير: نه اولاجاق? بير دانا خرابه تاپميشام آلتي بوتون خزانه‌دي. گونده گئديرم اورا بير-ايکي تپيک وورورام گونبولدور. سونرا قولاغيمي داييرام قولاق آسيرام.قورد دئير: بس? مندن خبرين يوخدو. پادشاهين قيزي نوخوشدو. هر نمنه حکيم گتيريبلر اولماييب. داواسين من بيليرم. بير دانا سورو وار? ايچينده بير قره قويون? او قويونون بئينين قورودسان? قيزين بورنونا پوفله سن? قيز توخدار. من گونده گؤز ائله‌ييرم اونو قاچيردام. آمما حيف کي? چوبان گؤز وئرير? ايشق وئرمير. منيم ده شوق-ذوقوم اونادي.تولکو دئير: ائله ده قولاق آسين منه? بير دانا تپه وار? اونون يانيندا بير آقچا سيچان يوواسي وار. بو آقچا سيچان گونده قيزيللاري يوواسيندان چيخاردار سر?ر گون قاباغينا اوستونده مللاق سالار. منده اوتورارام تپه‌نين باشيندا اونا تاماشا ائله‌رم. بونلار بير قدرده دانيشاندان سونرا باشلارين قويارلار ياتارلار.اوغلان اؤز-اؤزنه دئير: آي آلاه? نئجه اولايدي من سحر چاغي ساغ-سالامت بورادان چيخيب گئد?يديم!سحرچاغي آيي گونبوويا-گونبولدويا گئدر? قورد تاپبيلدايا-تاپبيلدايا. تولکوده گئدر. اوغلان چيخار ائشيگه? گئدر تپه‌نين يانينا. گؤر?ر بلي? تولکو قردش اوتوروب تاماشا ائله‌يير سيچانا. بير داش آتار تولکونون قابيرقاسينا. تولکو دابانا قووت قويار قاچار. سيچان قيزيللاري گون قاباغينا سريب اوستونده مللاق ساليردي. اوغلانين سسين ائشيتجک قاچار گير?ر يوواسينا. اوغلان گلر قيزيللاري گؤتور?ر دولدورار جيبينه گئدر سورونون يانينا. بير قدر پول وئر?ر قره قويونو آلار. باشين کسر. لشين وئره‌ر چوبانا. گتير?ر بئينين قورودار تؤکر بير شوشه‌يه. گلر شاهين عمارتينين قاباغيندا باشلار: حکيمم? طبيبم!شاهين آداملاري چيخار دئير: اوغلان اينديه‌جه نمنه حکيم گليب بو قيزي توخدادا بيلمه ييبلر? شاه وئريب باشلارين کسيبلر. گل قوي چيخ گئت!اوغلان دئير: اولسون? من ده باجارا بيلمه‌سم? مني ده اؤلدورتسون.اوغلانى گتير?رلر ايچريه. دئير: هامي اوتاقدان چيخسين. هامي چيخار. قيزيلان اوغلان تک قالارلار. اوغلان شوشه‌ني چيخاردار? بير آز پوفلر قيزين بورنونا? قيز آسقيرار دورار آياغا. شاه گؤر?ر قيزى توخدادي? سئوينديگيندن بيلمز نه ائله سين. دئير: منى ايسته‌ين بونا انعام0 هر طرفدن اوغلانين باشينا قيزيل ياغديرارلار. شاه دئير مندن بيرزاد ايسته!اوغلان دئير من هئچ زاد ايسته‌ميرم? دئديگين کيمي قيزيني وئر منه بير ده شهرين ائشيگينده کي خرابه‌ني.شاه دئير: اولسون? قيزيمي وئرديم سنه. خرابه ده سنين.اوغلان گلر خرابه‌ني سؤکدور?ر. خزانه‌ني چيخاردار. سونرا بير دانا گؤزل-گؤيچک عمارت دوزلتديره‌ر? شاهينکيندان دا آرتيق? قيزي دا آلار.بير گون کوله فرنگي ده اوتورموشدو گؤر?ر حرامزادا قردش جيريم-جيندا ايچينده ال-آياق نه شيخدا اورادان کئچير. اونو يانينا چاغريتديرار.دئير: اوغلان مني تانيرسان؟دئير: قوربانين اولوم? يوخ!دئير: من هامان آدامام کي? بير تيکه چؤره‌کدن اؤترو مندن آيريلدين.بو اوغلان بير باشين قاوزار دوروست باخار گؤر?ر اؤزودو.دئير: سن نه ائله‌دين بئله دؤولتلي اولدون؟اوغلان باشينا گلن حال-قضيه‌ني بونا دئير.دئير: من ده گئتسم اولار؟دئير: بيلميرم.حرامزادا قردش دورار گئدر مغاره‌ده گيزله‌نر. بير آز سونرا گونبولدويا- گونبولدويا بير آيي گلر. سونرا تاپبيلدايا-تاپبيلدايا بير قورد. سونرا تولکو. بونلار بئکئف-بئداماق اوتورارلار يئره. بيردن تولکو دئير: قردشلر? بيز اوندا کي بورادا دانيشيرديق حتما بير نفر بني آدام قولاق آسيرميش. دورون بوراني بير آختاراق.دورارلار آياغا. مغاره ني آختارارلار. اوغلاني تاپارلار? بودارلار.
بولگه لر سرويسي:بير گون وار ايدي? بير گون يوخ ايدي. بير دانا حلالزاده قردش وار ايدي? بير دانا حرامزادا? شهرده داها ايش يوخ ايدى. بونلار دئيرلر: نه ائله‌يک? نه ائله‌مه‌يک؟ دئيرلر: دوراق گئدك بير آيرى شهرده ايش تاپاق.