سئحيرلي قوش
آذربايجان ناغيللاري
1395/03/23
آذربايجان ناغيللاري
بولگه لر سرويسي:گونلرين بيرينده بير پاديشاهين مارال آديندا گؤزل بير قيزي وارايدي. مارال بيرگون يوخودان دوراندا گؤزو ساتاشير آغ بير گؤوَرچينه.
گؤورچين ائله اونا باخيردي کي ائله بير ايللردي اونو گؤرمويوب. مارال ايستير اونو دينديرسين کي گؤورچين اوچوب گئدير. صاباحکي گون گينه گؤرور گؤورچين اوتورور پئنجره‌نين قيراغيندا و گؤزون تيکير اونا. مارال ايستير اونا ياخين گئده کي قوش گئنه اوچوب گئتدير. سونکي گون گينه او قوش گليب قوندي دوز همان يئره. مارال کي بوگون پئنجره‌ني آچيخ قويموشدي بالا- بالا باشلير اوننان دانيشماغا.
گؤورچين ده بو حئين ده قنات چاليب قونور تاخچي‌يا. مارال ايستير اَلين آتا قوشو توتا کي قوش اونون الماس سيرقاسين گؤتوروب باشلير اوشماغا و ائودن چيخير.
سونکي گون آمما مارال نه قدر اونو گؤزلور اوننان خبر اولمور. سوراکي گون نر گينه خبر اولمور و مارال او قوشون قوصصه‌سين‌نن نه دينير نه دانيشير. فقط او قوشو ايستير کي سيرقاسيني گؤتوروب يوخا چيخيبدي.پاديشاه شَهَره جار سالير کي هرکس قيزي‌نين الماس سيرقاسيني تاپا اونا بؤيوح بير جاييزه وئره‌جَحدي. آمما آيلار گئشدي هئش کسدن خبر چيخمادي. مارال بيرگون شاه‌دان ايسته‌دي کي شَهَرده بؤيوح بير حامام دوزَلده و و مارال دا گيزلين حالدا او حامامدا اولا کي گؤره کيم اونون سيرقاسيني قولاغينا آسيب.آمما اونون دا فايداسي اولمادي و نه قوش دان خبر اولدي نه سيرقادان. بيرگون چوخ قوصصه‌لي حالدا اؤز حالينان گئديردي کي شهرين ائشيييندن باش چيخاتدي و گؤزو ساتاشدي صفالي بير باغا. باغدان خوشو گلدي و گيردي ايچري بيرآز دينجلسن کي وسط ده بير بؤيوح حوووض گؤردو. بير آغاجا دايانيب او گؤزللييي تاماشا ائليردي کي بيردن بيره او آغ گؤورچيني گؤردي.گؤورچين سويون کناريندا قانادلارين بير بيرينه چاليب بيردن بيره جيلد عوضله‌دي. گؤزل بير اوغلان اولدي و دوشدي حوووض دا چيممه‌يه. سودان چيخان‌نان سورادا باشلادي اونون سيرقالارينان دانيشماغا و دئدي: » آي آللاه نولاردي کي بو سيرقالارين صاحيبي ايندي بوردا اولاردي« مارال بو سؤزو ائشيتمَح همي گئدير قاباغا و دئيير: » من بوردايام. دئه گؤروم سن کيم سن ؟ «اوغلان کي سَوينجَح دن بولمور نه دييه ديلي توتار توتماز دئيير: » منيم زيندگاننيغيم چوخ عجيبدي. من بير شاهزاده‌يديم. بيرگون ائله بو باغدا اوتورموشدوم کي گؤيدن قيخ گؤورچين يئندي. سورا هاميسي جيلد عوضلي‌ييب گؤزل پري لره چؤندولر. دوشدولر حوووض دا چيممه‌يه کي بيردن بيره گؤزلري منه ساتاشدي. ائله حيصلنديلر کي آز قالديلار مني اؤلدوره‌لر. تاکي آند ايشديم من ده گوناه يوخدي و اونناردان قاباخ من ائله بو باغدايديم. مني باغيشلاسالاردا آمما مني طيليسمه سالديلار. بولمورم او گون نردن نئچه ايل گئچيب آمما بولورم کي چوخداندي. بو نئچه ايل ده پري‌لرده مني اؤز قارداش لاري کيمي بولوللر، آمما طيليسميمي ده سينديرميللار. بيرگون سني گؤروب سنه عاشيق اولدوم و بو سيرقاني دا بير ياديگار کيمي اؤز يانيمدا ساخلاديم. نييه کي ايجازه سيز بيرده اورا گلنمزديم.مارال دئدي:»ايندي کي بئله دي گه من‌نن گئدح. «
اوغلان دئدي: » بو ايش او زامان مومکون دي کي پريلر ايجازه وئره‌لر. يوخسا ايستر ايسته‌مز گينه دوشه‌جه‌يم گؤورچين جيلدينه. صاباح اوننار بورا چيممه‌يه گله‌جح‌لر و سن گرح اوننارا ياخينلاشيب و دييه‌سن کي منه عاشيق سن و اونسوز اؤزومو اؤلدوره‌جه‌يم. بلکه رحمه گليب و سئحريمي باطيل ائلييه‌لر. «
سورا اوغلان بير قوش اولوب اوشدو گؤيه و گؤزدن ايتدي.صاباحکي گون پريلر سودا چيميب بير بيرلريني سولوردولار کي مارال اؤزونو اوننارا گؤرستدي. اوننار مارالي توتوب دئديلر کي بو باغ سئحيرلي بير باغدي و آدامنار بورا دولانمازلار. سن نه جور بو باغي گؤروب سن گليب سن بورا بيز مَطَليح. ”مارال باشلادي اؤز سرنيوشتيني دئمه‌يه و شاهزاده‌يه نئجه عاشيق اولماسيني ديله گتيرمه‌يه. همي ده يالوار ياخارا کي اگر اونون سئحري باطيل ائلييه‌لر. پريلر کي محبته چوخ ارزيش قائيل ايدي‌لر اونون سؤزونو قبول ائليييب و دئديلر گئت ائوه کي صاباحلاريم حتمن شاهزاده‌ني گؤره‌جَح‌سن.صاباحکي گون مارال اؤز اوتاغيندا ايدي کي گؤردو او گؤيرچين گينه گليب گؤزون اونا تيکيب. گئتدي قاباغا گؤره پريلر نه دئييب لر کي بيردن بيره گؤورچين قاناد چاليب جيلد عوضله‌دي. مارال گؤردو شاهزاده‌دي و اونو باغرينا باسدي. سورا دئدي: »_اؤز ائوينه خوش گليبسن و گه گئدَح آنا دده‌م ده سني گؤرسون.«چوخ چَحمه‌دي کي شاهزاده‌نن مارال توي ائليييب خوش گون‌نر باشلاديلار.
منبع :