آذربايجان ناغيللاري بولگه لر سرويسي: بو،گولنار خانيمدي، باشين اؤرتوب ياتميشدي. مليک مممد سوروشدو:- بس بو کيمدي، بوردا ياتيب؟قيز دئدي:- او سني بو گونه سالان آدامدي. دوز قيرخ گوندو کي، من اونونلاچارپيشيرام. آخيردا من ايسمي-ازم اوخويوب اونو ياتيرتميشام.قيز ديل ايله مليک مممه‌دي آلداديب گؤتوروب قاچدي. بونلار قاچماقدا اولسونلار، سنه کيمدن خبر وئريم گولنار خانيمدان.گولنار خانيم بير واخت آييلدي، باخيب گؤردو کي، آي دادي بيداد، هئچ کس يوخدو. ائله او ساعت بيلدي کي، قيز نامرد چيخيب. دوروب تئز چيخدي کي، چاتيب احوالاتي مليک مممه‌ده دانيشسين، گؤردو کي، خئير، اونلار بير سس منزيلينده گئديرلر. دالدان چاغيردي، اونلار دؤنوب باخديلار. مليک مممد قيزدان سوروشدو:- او کيمدي؟قيز دئدي:- آمانين بير گونودو کي، گل قاچاق! او، همين سني اوغورلاييب گتيرن ديودي. ايندي ده بو قييافته اؤزون ساليب.يازيق مليک مممد ده بونا اينانيب باشلادي قاچماغا.گولنار قوودو، بونلار قاچدي، آخيردا گولنار او واخت چاتدي کي، بونلار مينيبلر قنداهار طرفه گئدن بير گمييه، گمي ده ائله هاندا-هاندادي کي، يولا دوشسون. گولنار نه قدر يالواردي، گميچي بونو گمييه گؤتورمه‌دي کي، گؤتورمه‌دي. نامرد قيز گولناري بو چؤللو-بي‌يابانداقويوب، اونون ياري ايله قول-بويون چيخيب گئتديلر.گولنار خانيم قالدي بوردا. بورا گمي آياغي ايدي. بير نئچه واخت بورداقالاندان سونرا بير تهر بير گميچييه يالوار-ياپيش ائله‌ييب گمييه ميندي کي، تا قنداهارا کيمي گمي‌نين نؤکرچيليگين ائله‌سين. بو مينواللاگليب چيخدي قنداهارا. گيردي شهره، يوللا گئديردي، گؤردو کي، بير دَ‌ييرمانچي آت يئرينه اؤزون قوشوب داشا فيرلادير. گلدي بو دَ‌ييرمانچي‌نين يانينا، دئدي:- دَ‌ييرمانچي قارداش، مني قيزليغا گؤتوررسن؟دَ‌ييرمانچي دئدي:- آي بالا، بير آرواديم وار، يئددي قيزيم، هئچ اونلارين چؤرگين چيخاردا بيلميرم. سني نئينه‌يه‌جه‌يم؟گولنار دئدي:- دَ‌ييرمانچي قارداش، سن گل مني گؤتور قيزليغا. من سنه ياخشي خئيير وئره‌رم. من چوخ ياخشي خلي، خلچه توخويانام. منيم خلچه‌لريم چوخ باها گئدير.چوخ دانيشيقدان سونرا دَ‌ييرمانچي گولناري گؤتوروب آپاردي ائولرينه.بونلار بوردا قالماقدا اولسونلار، سنه کيمدن خبر دئييم، مليک مممدله قيزدان.بللي، خبر چيخدي کي، مليک مممد گلير. تا پادشاهين گؤزو دونياني گؤرمه‌دي. شهر بضادي، قوشون آتلاندي، چيخديلار پيشوازا. مليک مممدله قيزي گتيرديلر شهره.مليک مممد احوالاتي آتاسينا دانيشدي. آتاسي گؤردو کي، اوغلونوقورتاران بو قيزدي. اوزون قيزا توتوب دئدي:- آي قيز، منيم بالامين تاپيلماغينا سن سبب اولموسان، ايسته گؤروم مندن نه ايسته‌ييرسن.قيز دئدي:- منه دونيا مالي لازيم دئييل. من يوخودا مليک مممه‌دين شربتين ايچميشم. مني بير نوراني شخص اونا اورجاه ائله‌ييب. من گرک اونا گئدم.هرچند قيز مليک مممه‌ده لاييق دئييلدي، آمما قاليب معطل قيرخ گون، قيرخ گئجه توي ائله‌ييب بونلاري ائولنديرديلر.گولنار خانيم دَ‌ييرمانچي‌نين ائوينده بو احوالاتين هاميسيني اؤيرندي.بير گون اونا دئدي کي:- آي آتا، دَ‌ييرمان ايشلتمکدن بير شئي چيخماز. سن منه بير آز يون آل، من بير خلي توخويوم، آپار سات!دَ‌ييرمانچي گئديب بير آز يون آلدي، بير ده هجت-مجت آلدي گتيردي،وئردي گولنار خانيما. گولنار خانيم باشلادي بير خلي توخوماغا. اؤزو ده تا لعله ايستانبولا گلن گوندن بئله باشينا گلن قضا-قدري باشلادي ناخيش ايله يازماغا بو خلچه‌نين اوستونه.بو بورادا توخوماغيندا اولسون، بير طرفدن مليک مممد تاپيليب،بير ده کي، توي ائله‌ييب دئيه، شهرين بؤيويو، کيچيگي، هره اؤزونه گؤره خلت آليب گونده گئديرديلر موبارکباد ائله‌مه‌يه. بو شهرده لوتوعباس آديندا بير دللک وار ايدي. بونون لوتولوغونو هامي بيليردي. اؤزو ده هميشه بؤيوک-بؤيوک آداملارلا اوتوروب دوراردي. مليک مممدله ده گئت-گلي وار ايدي.بير گون گونورتا چاغي بيردن بونون بئينينه دوشدو کي، گل بير گئت مليک مممه‌دين کئيفين خبر آل. چيخدي مئيدانا کي، بير خلت آلسين.گؤردو کي، بير قوجا کيشي بازاردا ياخشي بير خلي ساتير. آمما خلي ده دوغرودان قشنگ شئيدي. ائله ايکي گؤز ايسته‌يير کي، اوتوروب اونا تاماشا ائله‌سين.آمما کيشي خليني چوخ باها دئييردي. اودور کي، هئچ کس آلميردي. لوتوعباس فيکيرلشدي کي، سن اؤله‌سن، ائله بو مليک مممه‌ده لاييق شئيدي،سالار اؤز آروادي‌نين اوتاغينا. تا نه بيلسين کي، آروادي قوتور خورتدانين بيريدي.غرض، پولون وئريب بو خليني آلدي، دوزلدي يولا. بيرباش پادشاهين قوناق داشي‌نين اوستونه. گليب خبر وئرديلر مليک مممه‌ده کي، بس لوتو عباس اوتوروب قوناق داشي‌نين اوستونده.بلي، پلت قاپيسين آچديلار، لوتو عباس دا بويوردو ايچري. گلدي مليک مممدله گؤروشدو، خليني ائله اورادا قويوب بير آز صؤحبت ائدندن سونرا چيخيب گئتدي. صاباحيسي دوکاندا، موشتريلرين يانيندا باسيب باغلاييردي کي، آي بئله گئتديم مليک مممه‌دين يانينا، آي بئله اللي تومنه بير خلي آليب آپارديم، نه بيليم بئله مليک مممد منه دئدي کي، سنين انامين هاميسينکيندان ياخشيدي.ائله بو سؤزده ايکي ياساوول گيردي دوکانا کي:- لوتو عباس سنسن؟- بلي، منم.- دونن او خليني شاهزاده‌يه سن گتيرميسن؟لوتو عباسين ديلي توتولدو:- بلي، من گتيرميشديم.- شاهزاده بو ساعت سني ايسته‌يير.عباس لاپ ال-آياغين ايتيردي، دئدي:- يقين خلي اوغورلوقموش، اوستو آچيليب. ايندي من او قوجاني هارادان تاپاجاغام.ياساووللار اونو گؤتوروب گلديلر مليک مممه‌دين حضورونا.مليک مممد دئدي:- عباس، بو خلي‌نين بير تايي دا وار، يئرده ده اولسا، گؤيده ده اولسا گرک اونو تاپاسان منه.لوتو عباس بونو ائشيتجک توخدادي؛ باش اوسته، - دئييب چيخدي. بيرباش اؤزون سالدي مئيدانا. گؤردو همين قوجا بورادادي، يون آلير. توتدو ياخاسيندان کي:- گرک بو ساعت خلي‌نين تايين تاپاسان.قوجا دئدي:- خلي‌نين تايي وار، آمما اوزاق يئرده‌دي، گرک بير نئچه گون گؤزله‌يه‌سن.قوجا گئديب احوالاتي گولنارا دئدي. گولنار دا ائله او گون ايکينجي خليني کسميشدي. آنجاق حکايتي قصداً قورتارماميشدي. او يئرينده ساخلاميشدي کي، قيرخينجي گون، يوخو اونا اثر ائله‌يير، او ياتير، قيز باشلايير قورآني اوخوماغا.قيز دئدي:- بو خليني بئش يوز تومندن اسکييه وئرمزسن.قوجا دا ائله‌جه ائله‌دي. لوتو عباس بير آز هنده-منده ائله‌مک ايسته‌دي کي، اوجوزلاشديرا، قوجا دئدي:- چوخ او يان بو يان ائله‌ييرسن، هئچ ساتميرام.لوتو عباس معطل قاليب خليني بئش يوز تومنه آلدي، آپاردي وئردي مليک مممه‌ده. مليک مممد اوخويوب دئدي:- عباس، بيري ده وار، گرک اونو دا تاپاسان.گولنار خانيم گئجه‌ني-گوندوزه، گوندوزو-گئجه‌يه سالميشدي. بو اوچونجو خليده حکايت قورتاريردي. اؤزو ده اورادا يازميشدي کي، بو ساعت قوجا دَ‌ييرمانچي‌نين ائوينده قالير.مليک مممد بو خليني ده اوخوياندان سونرا احوالاتي آتاسينا عرض ائله‌دي. قوشون آتلاندي، گئتديلر قيزي گتيرمه‌يه. لوتو عباس دا قاباقدا گئديردي. آمما کي، نه قدر ائله‌ديلر، دَ‌ييرمانچي دئدي:- وئرمه‌رم کي، وئرمه‌رم.آخيردا دَ‌ييرمانچيني دا گتيرديلر قصره.نامرد قيزي باغلاديلار بير دلي قاتيرين قويروغونا. بلي، تداروک باشلاندي تويا. گولنار خانيم دئدي:- يوخ، سنين لعلن اوردا منيم آتامين گيروووندادي. گرک قاباقجا اورايا گئدک.بلي، قوشون آتلاندي، بؤيوک جلال-دسگاهلا بونلار دوشدولر يولا، ايستانبولاطرف گئتمه‌يه.بونلار گئتمکده اولسونلار، سنه کيمدن دئييم، ايستانبول پادشاهيندان.اونلار آخي ايکي ايله شرط کسميشديلر کي، گولنار گلمسه لعله‌ني اؤلدورسونلر.ايکي ايل تامام اولدو، پادشاه گؤردو يوخ، گولنار گلمه‌دي. امر ائله‌دي کي، لعله‌ني آسسينلار.وزير بير دونياگؤرموش قوجا، عاغيللي کيشي ايدي. زمين-ادب اؤپوب خاهيش ائله‌دي، بير آز دا گؤزله‌سينلر. بو گؤزله‌مکله دوز ايکي ايل ده گؤزله‌ديلر.دؤرد ايلين تاماميندا پادشاه دئدي:- يوخ، تا آسديراجاغام.وزير هر نه قدر خاهيش ائله‌دي، پادشاه قولاق وئرمه‌دي. مئيدان قورولدو، پادشاه غضب پالتارين گئييب چيخدي مئيدانا. لعله‌ني گتيرديلر.ائله ايپي بوغازينا کئچيريرديلر کي، مشريق طرفدن باشدان ديرناغاجان توزا بولانميش بير قاصيد گلدي. بو، مليک مممدله گولنار خانيمين گؤندرديگي قاصيد ايدي. گولنار خانيمدان نامه گتيرميشدي. قوشون آتلاندي،چيخديلار پيشوازا. تا آتا ايله قيزين لعله ايله مليک مممه‌دين گؤروشمه‌لريني اؤزونوز حسابلايين. پادشاه باشلادي کي، من گرک قيزيمين تويون بورادا ائله‌يم. لعله ده باشلادي کي:- يوخ، گرک اؤز ويلايتيمده اولا.آخير وزير زمين-ادب اؤپوب دئدي:- ايندي کي، بئله‌دي، قيرخ گون بورادا ائله‌يک، قيرخ گون اورادا.ائله‌جه ده اولدو.اونلار يئديلر، ايچديلر قاريديلار. سيز ده يئيين، ايچين، قارييين. سيز ده ساغ اولون، من ده. سيز يوز ياشايين، من ايکي اللي. هانسي چوخدو سيز گؤتورون،هانسي آزدي منه قالسين.
بولگه لر سرويسي:قنداهار پادشاهي‌نين مليک مممد آديندا بير اوغلو وار ايدي.
بولگه لر سرويسي: بو،گولنار خانيمدي، باشين اؤرتوب ياتميشدي. مليک مممد سوروشدو:- بس بو کيمدي، بوردا ياتيب؟قيز دئدي:- او سني بو گونه سالان آدامدي. دوز قيرخ گوندو کي، من اونونلاچارپيشيرام. آخيردا من ايسمي-ازم اوخويوب اونو ياتيرتميشام.