بوگون نه گؤزه‌ل گوندو

بولگه لر سرويسي:قاباق کي گون ائشيتميشديم کي اؤلکه‌نين درمان قاييرما انيستوتونون تدقيقاتچيلاريندان بير گوروپو »کاغيذبازليق«‌ين ضيدينه اولاراق بير درمان دوزلديب‌لر.بئله قرارا گلديم کي بو درماني آپاريب »کاغيذ بازليق«آ آليشميش ايشچي‌لرين بيري‌نين اوزه‌رينده سيناييم.بونا بينان انيستوتا گئتديم.اونلار، تام احتيرام‌لا همان درماندان اوچ حب منيم ايختيياريمدا قويدولار.انيستوتدان چيخيب بير باشا بير اداره‌يه گئتديم.چون کي من بو درماني همين اداره‌نين »کاغيذ باز« مودورونون اوستونده سيناياجاقديم.

بولگه لر سرويسي:قاباق کي گون ائشيتميشديم کي اؤلکه‌نين درمان قاييرما انيستوتونون تدقيقاتچيلاريندان بير گوروپو »کاغيذبازليق«‌ين ضيدينه اولاراق بير درمان دوزلديب‌لر.بئله قرارا گلديم کي بو درماني آپاريب »کاغيذ بازليق«آ آليشميش ايشچي‌لرين بيري‌نين اوزه‌رينده سيناييم.بونا بينان انيستوتا گئتديم.اونلار، تام احتيرام‌لا همان درماندان اوچ حب منيم ايختيياريمدا قويدولار.انيستوتدان چيخيب بير باشا بير اداره‌يه گئتديم.چون کي من بو درماني همين اداره‌نين »کاغيذ باز« مودورونون اوستونده سيناياجاقديم.
مودورون کاتيبي، اوزون ساچلي، گوده بيغلي بير کيشي ايدي.او باشيني يوخاري قالديرمادان ، قيزيل ديشلرينين آراسيندان چيخيب گلن، ميريلتي‌يا اوخشار بير سسله دئدي: »مودورو جناب‌لاري هئچ کيمي‌قبول ائتميرلر«
ائله بو آندا ، اداره‌نين چايچيسي قوجا قادين، الينده‌کي زيريده بير ايستيکان چاي‌لا، مودورون اوطاغي‌نين قاپيسينا ياخينلاشدي.او اوطاغا داخيل اولماميشدان قاباق، من اونون بير آن غفلت ائتدييندن بهره‌لنيب، »کاغيذ بازليق«آ‌ ضيد اولان حببين بيريني، تئز مودورون چايينا سالديم.سونرا اونون اوطاغي‌نين يانيندا آدديملاماغا مشغول اولوب و گؤزلديم کي گوروم نه اوز وئرير؟ بئش دقيقه کئچمميشدي کي، بيردن مودورون اوطاغي‌نين قاپيسي آچيلدي و مودور جنابلاري، ائني بويون باسميش، گوده ميريق هئيکلي ايله ديغيرچاق کيمي‌ديغيرلانا ـ ديغيرلانا اوطاغيندان چيخدي.مني گورن کيمي، ائله بير جور منله ياناشدي کي، گويا من اونون مودورويم.اوز ـ گوزونده مئهريبان بير گولوش ناخيشلانميشدي.مئهريبانجاسينا دئدي :
ــ عزيز دوستوم من امينم کي سيز مني گؤ رمک اوچون گليب سيز ويقين کي بو اداره نين موراجيعت چي لريندن سيز و نسه بير ايسته يينيز وار .من تام ووجودوم لا ، سيزين ايختييارز دايام و ائده جه يينيز امير لري گوز له ييرم .
اونون بوتون اوز ـ گوزونوندن و داز باشي نين هر يئريندن شادليق پيرت لاييردي.او منه ساري گله ـ گله قولاريني ائله آچميشدي کي ائله بيل تکجه مني يوخ ، بلکه بوتون ترقي سئور اينسانلاري قوجاقلاييب باغرينا باسماق ايسته ييرد ي.مني سالام ـ صلوات لا اؤ ز خو صوصي ايش اوطاغينا آپاريب يوموشاق بير موبلين اوستونده اوتور تدو و ائشيکدن گلن يئل مني اينجيتمسين دئيه ال ـ آياغيني داغيدا ـ داغيدا اوطاغين پنجره سيني باغلاييب دئدي:
ـ عزيز دوستوم من سيزن اوچون نه خيدمت ائده بيلرم؟
ــ‌ من بير تصديق نامه ايسته ييرم کي …
ـ بير تصديق‌نامه ؟ من سيزين اوچون بير دوجين تصديق‌نامه تقديم ائده‌رم .
ـ اير مومکونسه بو تصديق‌نامه‌ني بير هفته‌يه‌جن منه مرحمت بويورون .
ـ عزيز جانيوا آند اولسون اولماز، باخ ائله لاپ اينديجه من بو تصديق‌نامه‌ني سيزه تقديم ائده‌رم .چوخ يوخ بير اون دقيقه دؤزسه‌نيز، من سيزين تصديق‌نامه‌زي حاضيرلايارام .
سونرا اوتاقدان چيخيب کاريخديغيندان قاپيني دا باغلامادي و ائشيتديم کي او اؤز کاتيبينه بئله دئييردي:
ــ آخي سن نييه مني گؤرنده بو جور ديک آتيليرسان؟ خواهيش ائديرم کي سيز، عاجيزليگي ايفاده ائده‌ن تبسومو اوزوزدن آتين گئتسين .منيم بئله يالتاقليقلارا تابيم يوخدور. آخي نييه بو اداره‌نين بير نفرده بئله موراجيعت‌چيسي يوخدور؟ تئزليکله، بوتون جاماعات ييغيلان مکانلارا، ايدمان خانالارا، زنگ ائله و دئنن کي هر کسين نه ايشي وارسا تئزليکله بو اداره‌يه موراجيعت ائتسين. باخ ائله من بورداکي بو موراجيعتچي‌نين ايشيني يولا سالاندان سونرا ، فحله‌لرين، کندلي‌لرين و ضيالي‌لارين هر نه ايستکلري اولسا جانلا ـ باشلا يئرينه يئتيره‌ر‌م . من اؤزوم ده ناهار واختي اوغلوم »پئتيا« درس اوخويان مکتبه گئديب، اورانين مودورو ايله، بو حاقدا صؤحبت ائله‌رم . بو آندا قوجا قادين مودورون اوتاغينا بير دانادا چاي گتيردي. من قرارا گلديم کي مودورون چايينا، او حب‌لردن بيريني ساليم .آنجاق کاريخديغيمدان، حبين ايکيسيني‌ده بيردن سالديم چايا. مودور جناب‌لاري اوتاغا گيريب چايدان بير قورتوم ايچدي. صير ـ صيفتي قاباقکيندان داها چوخ ايشيقلاندي. اوزونو منه ساري توتاراق دئدي:
ــ باخ اينديجه سيزين تصديق‌نامه‌نيز حاضير اولار. بوگون نه گؤزه‌ل گوندو.‌هاوا ياز عطيري ساچير. گؤي اوزونده کي بولوت پارچالاري قريبه گؤزه‌لديلر! گونشين شوعالاري دوواردا نه گؤزه‌ل رقص ائله‌يير(مودورون کاتيبي دفتره داخيل اولدو.) هه ائله لاپ ايسته‌ديگيم تکي‌دي. تئزليکله، او تزه بينا ايسته‌ديييم مکتوبو جير آت قوي گئتسين. باخ، ائله من ده، سن ده، ايپانوف دا، ائله لاپ او يالتاق »اون کول چکين« ده بوتون اداره ايشلريميزي ائله بو بينادا گؤره بيلريک. بيز اداره‌نين اوضاعسيني سهمانلامالييق. ميثال اوچون، گرک کي بو مستخدمه قادينين اوضاعسي ياخشيلاشسين. ائله »کيريلتسئف«ين‌کي ده. اونون عاغلينا نه گلير قورخمازجاسينا دئيير. او هئچ زادي سايمازدان بيزيم اداره‌نين اوضاعسيندان چوخ يئرلي و ديرلي تنقيدلر ائدير.
مودور جنابلاري چايي گؤتوروب بير قورتوم دا ايچدي. »کاغيذبازليق«آ ضيد اولان درمان اوز اثريني چوخ گؤزه‌ل باغيشلاميشدي. مودور تئلفونون دسته‌ييني تله‌سيک گؤتوروب، بير نومره‌ني توتاراق دئدي:
ــ »ماشا« !؟..دانيشان منم. داها آيين اوليندن خرجيني يوللارام گلر. اير خوشلاييرسان‌سا خرجين‌له بيرگه‌ سنين اوچون بير هديه‌ده يوللارام.
مودور جناب‌لاري چايدان بير قورتوم دا ايچندن سونرا اونون احوالاتي لاپ دا ماراقلي اولدي. اؤز کاتيبينه زنگ ائله‌ييب دئدي:
ــ بيرينجي بو کي باشيني يوخارييا قالديريب لاب دوز ساخلا. ايکينجيسي ده »ائيوانوفي« ايشينين اوستونه قايتار؛ آخي او اداره‌نين اوضاعسيني تنقيد ائتديگي اوچون من اونو ايشيندن چيخارميشديم. اونون اؤده‌نيلمه‌ميش معاش‌لاريني دا اؤده‌يين. »ماتيوا«‌ ظاهيرا اؤزو، اؤز مئيلي ايله ايشدن چيخيب گئتميشدي، آنجاق ائله ده‌ييردي. اونو دا ايشينه قايتارين. مودور جناب‌لاري بير قورتوم دا چاي‌دان ايچدي. اوندان سونرا نه اوز وئرديسه داي منيم خبريم اولمادي. چونکي بيردن ــ بيره هر شئي سيخ بير دومانا بوروندي…
البته سيز ديققتلي اولماليسيز کي منيم حئکايه‌مين عونواني»ياي گئجه‌سي‌نين يوخوسو« ايدي.

منبع :