بولگه لر سرويسي:ايرکي بير گون سحر تزدن ، گون چخمادان گاباخ شهريميزين بيمارستان لاريندان بيري اولان امام رضا بيمارستانينا يا دا فاطميه درمانگاهينا و يا... باش وورساز امينم کي گوردوقويوز سيزيده هر کس گيبي ناراحات اداجاخدير. ساعات 6 دان گاباخ نوبت ده اولان خسته انسانلاري گوره بيلماخ بوطور يرلرده چوخلو گورونن بير منظره دير. بونلارين آراسيندا اوشاقلاردا وار کي نيه اوردا اولدوخلاري ني بيلميللر. شهرين ديئر منطقه سينده فاطميه درمانگاهي وار. بو منظره ني اوردادا گوره بيليرسينيز . حتي بوناندا آقرتر شي لري. درمانگاهين گاپلاري باقليده و ناخوشلار سويوخ هاوادا ساعات 5 دن گاباخ نوبته دوروبلار. وسيله سي اولانين وضعيتي البته کي اولميانان ياخجي ده . بو بير قانون ده طبيعتي ميزده دير !ساعات 7 اولونجا ياواش ياواش کارمندلر گليرلر و گاپلار آچيلار . مريض لر ساختمانا گيررلر. و بو دفعه ايستي هاوادا منتظر اولما شانسلاري اولدوخلارينا سوينيرلر. دفترچه لر نوبته گويولار . بيرازدان بير کارمند يتيشير و دفترچه لرين نوبت لري ني ثبت الر . البته گاباخدان تانيشلارين دفترچه لري ثبت اولمالي کي تزدن منتظر اولان همشهري لريمين نوبتي اولسون . ساعات 8 قدرده دکترلرين گلملرينه گوز ديکيب منتظر گالارلار. ساعات 9 دا ياوااااااااش ياواااااااش مريض لرين ويزيتي باشلار .بو آد آپارديقيميز ايکي مرکز تامين اجتماعي بيمه سينين مرکزلريدير . مملکتيميزده تانينان و اعتبارلي بير بيمه مرکزي کي همشهري لريم بو بيمه دن فايدالانماق اوچون بو زخمتلره دوشوللر.سيزجه بويله جه تانينان بير مرکزين بو وضعيتي دوزلتمه تواني يوخدور ؟ يادا همشهري لريمين بداوا ويزيت اولماق اوچون صبح 4 دن سويوخ هاوادا منتظر گالماسيندان خبرسيزديرلر ؟ بيلماق اولماز بلکيده مسئول لاريميز خبرلري يوخدور کي همشهري لري نه وضعيتي تحمل الير. نه ده اولسا اونلار 8 دن گاباخ ايش لرينده اولما امکان لاري يوخدور . اوندان سونرادا ناشتا يماق وقتي دير و صبحانه عطري ايشه گوشولماقلارينا مانع اولور . بلکي گورسه لر و بو صف لرده دورسالار بير اسلامي مملکت ده وانقلابي ميزين بايراقي آلتيندا ياشايان ملتيمه بله داورانماق حق لري اولماديقيني بيليرلر. بير بيمه شرکتي اوچون کي اوزون اوزون حسابلار يازابيلير و يوخاري درصدلر حسابليا بيلير ، بو مسئله يه چاره يولو بولماق اله ده چاره سيزجه اولماز البته !بلکي بير گون گاباخدان همشهريلريم دفترچه لريني نوبته گويابيلير و گليجک گون راحاتجا ويزيت اولابيلير . بو منيم ذهنيمه يتيرن بير يولدور کي بو ايشده اوزمان اولمايان بيريم . امينم کي عزيز اوزمانلاريميز و ايش بيلن مسئول لاريميز داها اويگون يول لار بولار و همشهري لري مين آسايشي اوچون چاليشابيليرلر. بو مسئله دکترلره ، کارمندلره ، کادربيمارستانا مربوط اولان بير مسئله ديير کي نيرو آزليقي بهانه اولسون . بو ساده جه بير برنامه سيزليق دن دوقان بير مشئله دير کي راحات جا چوزوله بيلير . دماقا احتياج ديير کي طبيب ويزيت لرينه باخارساق همشهري لري مين بداوا ويزيت دن يارارلانماق اوچون بو اذيتي چکديقي راحاتجا آنلاشيلير. بيزيم شهريميزده گوزلجه انکانلار وار . بونلاردان دوزگونجه يارارلانماق مسئول لاريميزين ايش بيلماق و زحمته دوشماقينا باقلي بير شي دير.انشالله بير گون همشهري لري مين راحات ليقي و حرمتي دييرلرينين راحات دا اولماقي اوچون يره سريلمز.ايرکي هربيريميز شهري ميزده اولان و بيزي اينجيدن مسئله ني دييرساق ، امين اولون کي عزيز مسئول لاريميز اونلاري چوزللر . بلکي بو مسدله لردن خبرلري يوخدور کي حل ايلمميش لر.
بولگه لر سرويسي:ايرکي بير گون سحر تزدن ، گون چخمادان گاباخ شهريميزين بيمارستان لاريندان بيري اولان امام رضا بيمارستانينا يا دا فاطميه درمانگاهينا و يا... باش وورساز امينم کي گوردوقويوز سيزيده هر کس گيبي ناراحات اداجاخدير.