رجبعلي عمينين کي داي چليک گؤتورمکدن گئچيب

بولگه لر سرويسي:رجبعلي عمي گؤزل و نوراني بير کيشيدي. هميشه چليي ايله، اوسته ن يئنيشه گلنده ، هاميله کئف - احوال ائله ييب اوندان سونرا، مهدي نين چايخاناسينا گئديب اؤز ياشيتلاريله، بير چايلاشيب ، واختيندا ائولرينه ساري يولا دوشر. اوچ ايل اولار ،حيات يولداشي ، آللاه رحمتينه گئديب. گون به گون، اونون جيسمي وضعي، دالي گئديردي. او گونلري (اون گوندن سونرا) گؤردوم ، تاکسي دان يئره، يئنيردي. آما بو سفر ايکي چليک گؤتورموشدو. ماجراني،خبر آلديم. رجبعلي عمي دئدي: ايسکندر بير آز ،خسته لنميشديم . داها او ايلک گونلر تک ،ايمکانيم يوخدو بير چليک گؤرمور ، بيرين ايضافه ائتميشم، بلکه بو قيچلاريما ،کؤمکلييي اولدو. ائله من ايله دانيشا - دانيشا، گؤزو، محلله نين ديبينده ،قالميشدي . دانيشيغين شيرين يئرينده بيردن دئدي: ايسکندر يولدان چکيل ! تئز رجبعلي قاچدي محررمين توکانينا، ايکي چلي يين اورا قويدو اؤزو قاييديب، منيم يانيمدا دوردو.گئنه منيله دانيشماغا باشلادي. آما بو سفر ائله يالاندان منيله دانيشيردي، آما گؤزلري، محلله ده يدي!بيردن محلله نين باشيندان ايکي خانيم پيدا اولدو. گليب ياخينلاشاندا خانيملارين بيري سالام وئردي، تئز رجبعلي عمي اللرينله آرخاليغينين اوجلارين، بير يئره ييغيب، ادب - ارکانيله، بير ايکي آدديم قاباغا يئريدي ، اونلارين جوابين وئردي. ائله بيل هئچ همان رجبعلي دئيليدي !ائله فيرلانيردي بو ايکي خانيمين باشينا، گه ل گؤره سن سونرا ساباحي سي باشا دوشدوم کي او سالام وئره ن،رجبعلي عمي نين باجي سي فاطما خالايدي . او بيرسيده زهرا خانيميدي. زهرا خانيما ائلچي گئدندن سونرا ، زهرا خانيم دئميشدي: من بير قارداشين ،آغا رجبعلي ني گؤرسم ياخشي اولار خيلاصه آللاه موبارک ائله سين. نه اولار کؤنولدو، پيامبر شريعتيدي، هئچ ايشکالي يوخدو! زهرا خانيمدان قاباق رجبعلي عمي ايکي چليکلي يول گئديردي . قوي گؤره ک آليش-وئريشدن سونرا نئچه چليک گؤتوره جک! واللاه بيزيم احتراملي سئويملي - گؤزل جومهور باشقانيميزين چيخماميشدان قاباق چليکلرين ،گؤرمه ميشديک: نئچه دنه يدي؟آما يئنه هله تئزدي بير ايکي- اوچ آيدي. چليک گؤتورمک ايراددي!ؤره ک نئجه اولور؟!

منبع :