بولگه لر سرويسي:جاببار عمي ايله بير اون ايله ياخين، قونشو اولموشام؛ او حلبي دوزلدردي، منده اونون اوز به اوزونده له لوح ساتارديم، هله عادتلرينه بلد دئييلديم، چوخ گؤزل، محببتلي، هئچ کس ايله ايشي اولمايان، بير آدامدي. آما اؤزونه گؤره بير اؤزل داورانيشلاري(رفتار) واريدي.بيرين سيزه دئمک ايسته ييرم: او گونلر ايلک واختلار ايدي، من اونلا قونشو اولموشدوم. گؤررديم هاميدان تئز گلير ايشينه، صوبحانه، ناهاري واختيندا، هر شئيي آتير يئره، گئدير اؤزون سازلادير، گلير ايشينه. آخشام باشيدا ائله بير فصلي بير شئي هر نه اولسايدي، قووون- قارپيزدان يادا آيري نوع يئميشلر، بير بوشقاب يا کاسادا کي اؤزو دوزتميشيدي، دولدوروب، يئمه يه باشلاياردي. او واختلار گيلاس- گيله نار زامانيدي؛ بير پارچ ياريدان گيلاس دولدوردو؛ اوچ- دؤرد دفعه سو دولدوروب، بوشالديب، آخيردادا، ياريدان سويو قالاندا داها بوشالتمادي، تاکي بير آز سرينله سين؛ بيردن گؤز- گؤزه ساتاشدي، گؤردو من باخيرام؛ تامام اعضاي بدني ايله مني، ياناينا چاغيردي، ائله بير جور دعوت ائتدي کي داها ايختيارسيز دوروب يانينا گئتديم؛ الين اوزالديب منه تعارف ائله دي، منده بير يونگول اوووج گؤتوروب، اونلا يئمه يه باشلاديم؛ اورتادا جاببار عمينين بير حرکتي مني يئمکدن دايانديردي! گؤردوم جاببار عمي گيلاسلاردان بئش- آلتيسين الينه گؤتورور، آتير آغزينا؛ آما آغزينداکي دنه لري، بير- بير قايتارير همن گيلاسلارين يئرينه؛ سويون ايچينه؛ او حالي گؤرنده اوره ييم قالخدي! اووجومو آچيب ، باخديم؛ گؤردوم بلي منيمده اووجومدا بير – ايکي – اوچ جاببار عمينين يئديکلري گيلاس دنه سيندن وار؛ لاپ اوره ييم قالخدي! جاببار عمي گولوب، باشين توولادي! ياني بوکي: نييه اوره يين قالخير؟ نه اولوب کي؟ بلکه ده جاببار عمي دوز دئيير، جامعه ميزده نه بولانديريجي بير ايش وار کي ايسکندرين بو تئزليکده اوره يي بولانير!!
بولگه لر سرويسي:جاببار عمي ايله بير اون ايله ياخين، قونشو اولموشام؛ او حلبي دوزلدردي، منده اونون اوز به اوزونده له لوح ساتارديم، هله عادتلرينه بلد دئييلديم، چوخ گؤزل، محببتلي، هئچ کس ايله ايشي اولمايان، بير آدامدي.