بولگه لر سرويسي:عابباس ائلچين گيلين ايلک فاميلييالاري سبقت الهي دي . ائله اوبيرسي قارداشلاري بو فاميلده قاليب ،آمما مدير اولاندان عابباس ائلچين فاميلين دئييشيب. ائله بو شهرت ده قارداشي قيزي ،ايندي ريو اولمپيکده ، تاپانچا- اون مئتير ياريشيندا ،اللي ايدمانچي نين آراسيندا ،بيلمييرم ايرمي ياخوت اوتوز نئچه نجي اولدي . بو ايدمانچي نين گوزل بو ريشته يه گلمه ماجراسي وار. دورد ايل بوندان اونجه، سبقت الهي خاتينلاري، تيلويزييادان، اينگليس اولمپيک رئکلانلارينا باخيردي، بيردن بو ريشته ده تاپانچا ريشته سينده، ياريشلاري گوزه چيرپيلاندي. بير ايکي ديقه آنيندا، تصويرلر تيويزييادا، گوز قاميشديردي. بير قيزي گوردي، تاپانچا الده اون مئتيردن خالا وورور! داها سبقت الهي ني ساخلاماق اولمازدي ،مئبل اوستونده آتيليب- دوشوردي. او طرفده اولان آتاسيله- عمي سي عابباس ائلچينه اوز توتوب ،دئدي: منده گره ک بويون اولمپيکه گئدم! بو رفتار چوخ تيکرار اولوندي، آخيردا عابباس عمي سي قيزي ديزي اوسته اوتوتدوروب، دئدي: عمي جاني بو سن دييه ن ايشي ،جمهور باشقاني دا اؤز اطرافييانينا گوره بيلمه ز. سن صبر ائله، بو اولمپيک انگيليستاندادي،قورتولسون،گلن اولمپيک عمي سني يازديرسين فدراسييونا، اورداندا بير باشا دورما- گلديم ريو اولمپيکه، اوزوده سن بالاما ،دئييم :ريو اولمپيکي چوخ اوزاقدي چوخ آدام باش چيخارتماز، بير نفر بيلمه ز، او ايش من عمي لن ! بوعممه م ايسقت مصمه يله -خالام چئر ملان ،چوخدان يالواريلار اونلاري بيرموقدس مشهده آپاريم . دئييرم :بير بالاجا بو عابباس ائلچين يله آشيناليقيم وار، ائله بونلاري بيرفديراسييوندا يئر وئرسين! منده مربي عنوانيندا اونلاريله گئديم، ائله ليقلارينا باخمايين ها، ايسقت ده -چئرده اولسالار،اؤز کوکلرين سودان چيخارداللار،هله نه زامانلاريدي چئر ملان خالام بير گون اون يئددي تير آلتي تنبي نين بو باشيندان او باشينا ايستکاني تولازلادي ،آلتينجي ارينين گوزونون اوستوندن دئيب خسته خاناليق ائيله دي اون مئتيري تاپانچايله وورا بيلمه يه جک! عمه م يئتميش ياشدا ،خالام يئتميش بشده دي. قاليب بير آللاها بيرده عابباس ائلچينه امما اونو بيليرم عابباس ائلچين ائله بير ايشده دير کي سوزون اصلا يئره سالان اولماز!!
بولگه لر سرويسي:عابباس ائلچين گيلين ايلک فاميلييالاري سبقت الهي دي .