آنا ديليميزين بوگونکو دورومو
آنا ديليميزين بوگونکو دورومو
1400/12/22
بولگه لر سرويسي: آنا ديلي، آنا سودو ايله انسانين جانينا گيريب، تکجه اؤلوم ايله جاندان چيخار. انسان آنا ديليني آنا قارنيندا اولان چاغدان اؤيره¬ نير.
بولگه لر سرويسي: آنا ديلي، آنا سودو ايله انسانين جانينا گيريب، تکجه اؤلوم ايله جاندان چيخار. انسان آنا ديليني آنا قارنيندا اولان چاغدان اؤيره¬ نير.
علم و عاليم¬لر اثبات ائتميشلر: انسان آنا قارنيندا اولدوغو زماندان آنانين اورَک دؤيونتولريله آنا ديليني ده اؤيره¬نير، آنا هر زمان دانيشير، هر ديلده فيکر ائدير اوشاق دا اونو حيس ائدير. حتا يئديگي هانسي غذانين تاميني آنا بَيه¬ نيرسه، اوشاق دا اونو خوشلايير. اوشاق بو اؤيزنديک¬لريله بو دونيايا گلير. دئمه¬لي، آنا ديلي بير نوع فطرتله باغلي¬دير.
ديل، بير لوکوموتيودير کي اؤزو ايله واگونلاري ايره¬لي چکير. بو واگونلارين مختليف يوکلري وار: بيري فرهنگ، بيري دبلر و عنعنه¬ لر، بيري تاريخ، بيري دوشونجه و فلسفه و . . . هر بيري انسانا باغلي اولان معنويتي داشيير.
ديل بير وسيله ¬دير ايلگي قورماق، دوشونجه¬ ني بيريندن باشقاسينا چاتديرماق وسيله ¬سي¬دير. عئيني حالدا دوشونجه وسيله¬ سي¬دير. انسانين باشقا حيوانلارا امتيازي، اونون دوشونجه ¬سي¬نين وارليغيندان آسيلي¬دير. ديل اولغون اولدوقجا دا دوشونجه اولغونلاشير.
ديل بير لوکوموتيودير کي آرديجا يوزلرجه واگوني چکير و بو واگونلاردا تاريخ، ادبيات، دبلر و عنعنه¬لر، فلسفه و باشقا کولتورلري داشيير. آنجاق لوکوموتيو دايانديقدا بوتون واگونلار دا دايانيز. بير ديلي دايانماسييلا بير قاتار بشريتدن دايانير. هئچ بير دوشونجه ¬لي انسان بونا راضي اولا بيلمز.
ديل، بير گونده، بير ايلده و ياخود نئچه اون ايلده يارانميش اولان بير فنومن دئييلدير، عکسينه ده نئچه اون ايلده اورتادان گئدن دئييلدير. بوگون مدييالارين ان تاثيرليگيني نظرده توتاراق راديو، تلويزيون، مطبوعه¬ لر، سينما و مدرسه¬لرين وجودي ايله حتي تورکجه ¬ميزين ياساق ساييلديغي بير زاماندا ديليميزي يوخا چيخارا بيلمه¬ ميشلر و بيلمه ¬يه¬ جکلر. توپ – توفنگ ايله ديلي نابود ائتمک اولماز، مخصوصا بو زمانداکي دونيادا بوتون دوشونجه¬لي انسانلار ديللرين آزادليغيني بشريت ايلک حقوقلاريندان و ايلک ايستک¬لريندن ساييرلار. بوگون دولت 100 ايل عرضينده ديلي ده ¬ييشه بيلمه ¬ميش، سلجوق حکومتي 1000 ايل بوندان قاباق نئجه باجارا بيلردي آت اوسته اسکي مکتب وسيله¬ سيله فارس يا آذري ديليني آرادان آپارا بيلميشدير؟! معلومدور بئله بير حادثه اوز وئرمه ¬ميش و ديليميز همان بوگونکو تورکجه ايميش.
بيليم دونياسي¬نين عوامليقلا ايشي يوخ، شرافتله ياشاماق و انسان کيمي داورانيش، علم و منطقله ايلگيلي¬دير. نژادپرستي – عرقچيليک دؤوراني توکه¬ نيب؛ بئله فيکيرلر هله بيزيم اؤلکه¬ ده وارديرلارسا دا تاريخه قويلانمالي¬ديرلار.
بوگون علم و قاباقجيل انسانلار، چئشيدلي علم¬لر طريقيله اثبات ائدير کي آناديلي هر بير انسانين ايلکين بشري حاقلاريندان¬دير، انسانين وارليغي، دوشونجه¬ سي آناديليله يارانير، عصب¬ شناسلار، جامعه ¬شناسلار و ديلچي¬لر آناديلي¬نين اؤنميني دوشونوب و اعلان ائديرلر.
نه يازيق کي بئله دوشونن¬لر ايراندا باسقي آلتيندا سؤزلريني دئينده دوستاقلارا معروض قاليب و اصلا تورک اولماديقلار حالدا دا “پان¬ تورک” آدلانيرلار (؟!).
بيز بونا اينانيريق کي دولت ملتي¬نين حقلريني حفظ ائتمه¬سه و مخصوصا آناديللرينه حؤرمت قويماسا، اؤلکه ¬نين بيرليگيني و تامامليغيني تهلوکه¬يه سالير. آناديلي انسانين ايلکين حقلريندن ساييلير و بوگون دونيا دوشونرلري بو حق و حقوقو دانيلماز بير حق هر بير انسان اوچون بيليرلر. کيمليک مساله ¬سي ايراندا ائله آغير بير سؤز اولوبدور کي هويت¬ طلب دئينده سانکي بير خارق¬ العاده انسانلا طرف¬ديرلر. اؤز آناديلينه محبتي اولان کيمسه ¬ني تجزيه ¬طلب آدلاييب “پان تورک” بيليرلر. آنجاق دوزو بودور کي بو گؤرکملي انسانلار انسانين ايلکين حقي اولان آناديلينه باغلي¬دير والسلام.
تکجه ديليني سئوير و حقي بيلير: آناديلينده يازيب – اوخوسون. بوگون چوخلو اؤلکه¬ لرده نئچه ديللي اولماقلا گؤسترميشلردير: بير اؤلکه ¬نين بير پارچا اولدوغو ديلين بير اولدوغوندا آسيلي دئييل، بلکه حقلري-نين بير ساييلماسيندان ايره ¬لي گلير. ايراندا اساسن تجزيه¬ طلب¬لر اونلارديرلار باشقا ديللرين نابود اولماسينا چاليشيرلار.
آنجاق تکليف¬لريميز:
1- ديليميزي بيز قورومالي¬ييق. ديليميزي دوزگون اؤيرنمه¬ لي¬ييک. تاريخيميز و ادبياتيميزلا تانيش اولمالي¬ييق. پروفسور زهتابي دئميشکن: تاريخيني بيلمه ¬ين بير ملتي نوخود کيمي هر آشا تؤکرلر.
2- ديليميزه صاحاب چيخمالي¬ ييق. بو او دئمک دئييلدير کي بوگونه قدر صاحاب چيخماميشيق بلکه بوگون بوينوموزدا داها آرتيق بير وظيفه واردير. اوشاقلاريميزلا تورکجه دانيشماق گره ¬ک، مغازالاريميزا و شرکتلريميزه تورک آد قويماقلا شهريميزي بزيه¬يک،
3- – شهريميزده و هر ياندا آناديليميزدن يارارلاناق. 4 – ديليميزي علمي سويه¬ سينده اؤيره¬نک
4- – ديليميزه داياق دوروب و اونو دستکله ¬يک. تورکجه کتابلاري آليب اوخوياق و کتابلارين تيراژيني 1000دن آرتيراق.
کتاب آلماق بير تکليف¬دير. هر ائوده بير کتابخانا دوزلتمه¬ لي¬ ييک. بئله¬ ليکله کتابلارين ساتيشي و يازارلاريميزدان حيمايت ده يولونا دوشر.
5- – اوشاقلاريميزا تاپشيراق مدرسه¬ده آناديللريندن يارارلانسينلار و معلم¬لردن تورکجه دانيشيغي ايسته ¬سينلر.
6-– بير – بيريميزه داياق دوروب، عاليم¬لريميزي، يازارلار و شاعيرلريميزي دستکله¬مک بيزه وظيفه¬دير.
7- – عائيله ايچينده منطقي دانيشيقلاري زورلانديرماق گرکدير. ائويميز، ديليميزه آلينماز بير قالادير. سون سنگريميزدير. اونو دوشمانا وئرمه¬ريک.
8- هامييا آيدينلاشديرمالي¬ييق: بيز ايرانلي ييق و فارس ديلي و بوتون ديللري سئويريک. فارس ديلينده آتا – بابالاريميز مينلرجه شاه¬اثرلر ياراتميشلار، بيز ده داوام ائده¬ جه¬ ييک. بيز فارسي ديليله دوشمن يوخ بلکه دوستوق؛ آنجاق ديليميزي سئويريک و سئوه¬ جه ¬ييک. ايندي اؤزونوزو راضي ائتمک اوچون نه ائديرسينيز ائدين. بيز واريق و اولاجاييق.
9- – ديليميز اوچون رسمي اولماغي، آنا ياسانين 15جي اصلي تماميله اجرا اولوب بشري حقوقلاريميزدان بيرينجيسيني ايسته -ييريک. داها سؤز بسدير آقالار، عمل وقتي¬دير.
10- – سون سؤزوم: اوخوماق، اوخوماق، اوخوماق و نهايتده قلم اله آليب يازماق.
منبع :