بولگه لر سرويسي:تزه گلن جمهور باشقانينا تقديم اولونور! ايلک دفعه شهريميزين تزه بلدييه سي(شهرداري سي)عابباس ائلچين يله بير دانيشيق! ژورناليست ائلچي بئي:عابباس ائلچين موعلليم، چوخ خوش گليبسيز بيزيم دعوتيميزي قبول ائتمکده ممنونام!عابباس ائلچين: من سيزدن گره ک تشکورومو بيلديرم جامعه ميزين قيدينه قاليرسيز، بو زحمتي قبول ائتميسيز. ژورناليست ائلچي بئي:ايلک ايشيز بو مسندده نه اولاجاق؟ عابباس ائلچين: واللاه ايلک هدفيم اوتاقيمين دوکورون، ميز -صندلين بيرده اوتاقين اؤزون عوض ائيله مکدي .ائله کي گورسه نير گئچميش بلدييه بير آز ،بلکه ده چوخ، بو شهره خيانت ائديب، بو ميز- صندلي ،دکوري ،اوتاقي جاماعات گورنده ياخجي دوشمور. ژورناليست ائلچي بئي: ايکينجي ايشيز؟ عابباس ائلچين :گئچميش بلدييه نين ايز -توزون ،هواردارلارين بو بلدييه ده ،کوکون قوروتماق نظريم وار. چونکي بونلاريلا بير ايش گورمک اولماز. ژورناليست ائلچي بئي: شهرين ايچه ريسينده نه ايش گوره جکسينيز؟ عابباس ائلچين :واللاه گئچميش بلدييه شهريميزي گون باتان طرفه سورموشدي. او يئرلر کي قارداشينينيدي شهر آراسي (محدوده شهر) قرار وئرميشدي ،ايندي معلوم اولور شهر چوخ قولاي شکيلده گون باتان طرفه گئديب ،گره ک گون چيخان طرفه بيزيم قارداش گيلين يئرلرينين طرفينه گئده، شهرين گوزل اولماسينا بو ايشين چوخ تاثيري وار. ژورناليست ائلچي بئي : شهرين ايچه ريسينده، شيرکتلر آسفالت ائدنلره گوره بير سيفاريش؟ عابباس ائلچين: بونلار اؤزلرينه بير آيري ايش تدارک گورسونلر، چونکي گئچميش بلدييه ميز بونلاري گتيرميشدي، من بونلاري تانيميرام، بيزيم اؤزوموزون گوزل شيرکتلريميز- کوچه لريميزي آسفالت ائدنلريميز وار. ژورنالسيت ائلچي بئي: تاکسي -چوره ک خانالارا گوره نه سوزوز وار؟عابباس ائلچين:گئچميش بلدييه دوورونده آلان تاکسي -چوره کخانالارينان چوخ ايشيميز وار، ايکي خط اوتوبوس سالماقيله بيرده بير بويوک چوره ک زاوودي ايشه سالماق عميم اوغلونون توسطيله قبلليکيلر اؤز- اؤزيله آرادان گئتمه ليديلر.ژورناليست ائلچي بئي:خانيملار کوچه ده اوتوروب بيرليکده پئنجر آريداماقلارينا بير دستور وار؟عابباس ائلچين :وار! گئچميش بلدييه نين ننه سي توکذ، ياپ شور- شودانانين چيخارتميشدي، او اوتوران يئرلرده ميله قويلاماقيله نگهبان قويماقيله بير ممنونييتلر يارادا بيله ريک !بو طرفدن گوزل پارکلاردا سحر ايدماني بيزيم محلله نين خانيملار باشجي سي، اسمرخانيم قاباقدا اولماقدا گوزل وضييتيميز اولا بيلر!ژورناليست ائلچي بئي:مئيدانلاريميزا گوره بير دوروموز وار؟ عابباس ائلچين: باخين، گئچميش بلدييه ، بيزيم بير عومورلوک گوزل اوس مئدانيميزي تجارت مئيدانچاسيندان چيخارتدي، آشاغادا اؤزونه بير مئيدان تيکدي ،آديندا قويدي قيام مئيداني، بو بير بويوک خييانت حساب اولور بونو ايلک دورومودا گوتورمک لازيمدي.ژورناليست ائلچي بئي : بلدييه نين اموالي نه حالدادي ؟عابباس ائلچين: گئچميش بلدييه ، بلدييه نين اموالين چوخ گرگين حالا ساليب، کوروش باسقين ائدن يئرلري اوجور خراب ائتمه ميشدي، گئچميش بلدييه اوجور اموالي چول له يب . ژورناليست ائلچي بئي:خييابانلاردا -بولوارلارا هيکللر بيرده کوچه لرين آدلاري اوچون بير تدبيريز وار؟ عابباس ائلچين: واللاه بو باره ده نه دئييم آخي، گئچميش بلدييه گتيريب قبريستانين قاباغينا فيردوسي نين هيکلين ،مدرسه ميزه نه بيليم دقيقي ياراشديريب- يازيب .خيلاصه بونلاري ايلک پول اله گلن آن، عوض ائديب ،گوزلجه آدلار سعدي دن –حافيظدن ،حدداد عمي دن- نصير جيناسدان قازيب ياراشديراجاييق. ژورناليست ائلچي بئي :سيزين دووورده خييابان-کوچه لرده ديوارلاري خراب ائدنده ،دالي چکيلمه، نئجه محاسبه اولوناجاق ؟عابباس ائلچين:گئچميش بلدييه چوخ قولاي اولچوب- بيچيب، متفاوت اولچي لري واريميش. بعضي يئرده بير –بير ياريم- ايکي مئتير محاسبه اولونوب. بعضي يئر وار اصلا دالي گئتمه يبلر. بيزيم دووروده بئله اولموياجاق ،من شهري بوله جه يم ،بعضي يئرلر بير - بير ياريم - ايکي مئتير اولاجاق، بعضي يئرلرده وارکي اصلا دالي گتئمک اولماز.ژورناليست ائلچي بئي :ديلنچي لر- دووايازان لار اوچون نه ايضاحات وئره بيلرسيز؟ عابباس ائلچين:ديلنچيلرين بيرده دووايازانلارين اتحادييه سي اولماماقدا ،هله بيزيم حمايتيميزده دي گئچميش بلدييه ليقدا بير اؤز باشيناليقلار واريدي ،امما منيم دوورومده بو اولا بيلمه ز، ديلنچي الوش گونده بش يوز قازانير، شهردارين اوردا حاققي وار. دووايازانلار اوچون منيم دوورومده ترتيباتيله قاباقا گئده جه ييک، قورخو- محببت آراقاريشديرما دووالاري فرق ائيله ير، يازيليب آخيردا اؤزونه گوره حئساب اولوناجاق!! آردي وار.....
تزه گلن جمهور باشقانينا تقديم اولونور! ايلک دفعه شهريميزين تزه بلدييه سي(شهرداري سي)عابباس ائلچين يله بير دانيشيق!