دوستلوغون سيرري
دوستلوغون سيرري
1395/08/02
گؤردوم آروادي ايله چيخيب گئدير‌لر. ياواشجا اونو بير يانا چکيب دئديم:قارداش, بير تحر گليب بو شهره چيخميشام, يئريم يوخدو, پولوم قورتاريب, منه بير آز البورجو وئر.گؤردوم مممد هئچ اوزومه ده باخماق ايستمدي, چيخارديب بئشون تومن پول وئردي, سونرا چيخيب گئتدي.
آذربايجان ناغيللاري
بولگه لر سرويسي: گؤردوم آروادي ايله چيخيب گئدير‌لر. ياواشجا اونو بير يانا چکيب دئديم:قارداش, بير تحر گليب بو شهره چيخميشام, يئريم يوخدو, پولوم قورتاريب, منه بير آز البورجو وئر.گؤردوم مممد هئچ اوزومه ده باخماق ايستمدي, چيخارديب بئشون تومن پول وئردي, سونرا چيخيب گئتدي. من مممه‌دي بئله سويوق گؤرنده ايسته ديم پولو گئري قايتاريمفيکيرلشديم کي, باجيم آجين‌دان اولور,هئچ اولماسا بو پولا اتدن, چؤرک‌دن آليم آپاريم يئسين.او گئجه گئديب باجي-قارداش کاروانسارادا قالديق. سحر تئز‌دن بير ده گؤردوم بير آروادلا بير جاوان قيز گليب منه دئدي‌لر:- اوغول, گؤرورم سيز قريب آداما اوخشاييرسينيز. بيزيم بورادا يئددي اوتاغيميز وار.
هاميسي بوشدو, گئدک سيز ده اولون منيم اوشاق‌لاريم, آنابالا کيمي بير يئرده دولاناق.من گؤردوم کي, بورا‌لاردا اونسوز دا ائو تاپماق چتيندي, بير ده يئميه هئچ نه تاپميرام, ائو پولو هارا‌دان تاپاجام. راضي اولدوم, دوروب آروادين ائوينه گئتديک. او گون‌دن آرواد بيزه اوز اوشاق‌لاري کيمي باخدي.بير گون ائودن چيخيب بازارا گئديرديم. بير ده گؤردوم بير قوجا کيشي قاباغيمي کسيب دئدي:- اوغول, من سنين آتانا ايکي کيسه قيزيل بورجلويام. اودور کي, آل بوايسته ديم آلمايام, کيشي ال چکمه‌دي. پولو آلديم, گتيريب خرجلييب دولانديق.گون‌لرين بيرينده احمد بازاردا مممه‌ده راست گلدي. اونو گؤروب گئري قاييتماق ايسته دي. مممد اونو سسلييب دئدي:- احمد, دئيه‌سن من‌دن کوسوب‌سن.احمد دئدي:- البته, کوسموشم. سن دوستلوقدا صداقت‌لي آداما اوخشاميرسان.من سن‌دن پول ايستينده اوزومه ده باخمادين, هئچ کئفيمي ده خبرآلمادين. بئله ده دوستلوق اولار?مممد دئدي:- احمد, هر نه دئدينسه دوزدور, اونلار هاميسي اولوب. يولدا من سنه پول وئريب اوزونه باخماديم, او دا دوزدو. بون‌لارين هاميسيني قصدن ائله ائديرديم. من گؤردوم کي, سن جيريق-جين‌دير پالتارين ايچينده ديلنچييه اوخشاييرسان, آرواديم سني بو کؤکده گؤروب تانيماسين دئيه, قصدن سنه سويوقلوق گؤسترديم. پول‌لار سنه چاتاجاق.اما سونرا آتاما ايکي کيسه قيزيل وئريب سنه يوللاديم, آنامي اويرتديم گئديب سني اوغوللوغا گؤتوردو.من گؤردوم کي, مممه‌دين دئديک‌لري‌نين هاميسي دوغرودو. اونونلا داها دا ياخينلاشديم. او واخت‌دان بيز بو شهره کؤچوب بورادا ياشاييريق.اوغول, ايندي بيل, آگاه اول کي, بيزيم دوستلوغوموزون سيرري بو ايدي.مليکله کئچل مممد بير ده باخيب گؤردو‌لر خوروز‌لار بانلايير,سحر آچيلير. کيشي‌دن راضيليق ائله ييب آتلاريني سوروب باشلادي‌لار يول‌لارينا.آز گئتدي‌لر, چوخ داياندي‌لار, چوخ گئتدي‌لر, آز داياندي‌لار. مليکگيل اوز وطن‌لرينه چاتماق اوچون يئددي پادشاهين تورپاغيني کئچمه‌لي ايدي‌لر. بير خئيلي گئدن‌دن سونرا ايکي داغين آرا‌سين‌دان کئچمه‌لي اولدو‌لار. دئمه بو داغدا قيرخ قولدور ياشاييرميش. بون‌لارين پئشه‌سي گليب-گئدني سويماق ايميش. مليکگيل بور‌دان کئچنده قولدور‌لارين گؤزتچي‌لري اونلاري گؤردو‌لر,هر طرف‌دن اونلاري محاصرهيه آلماق ايسته دي‌لر. کئچلله مليک اوزلري ايله قيلينج دا گؤتورموشدو‌لر. باشلادي‌لار ووروشماغا. اولجه قولدور‌لار بئش-اون نفر ايدي. اونلار گؤردو‌لر کي, کئچلله مليکه باتا بيلميجک‌لر, اودور کي قولدورباشييا خبر گؤندردي‌لر کي, نه دوروبسان ايکي نفر سنين آدام‌لاريني آز قالير کي اولدورسون. قولدورباشي او ساعت امر ائلدي کي, قولدور‌لارين قيرخي دا آتلانسين.
يئرده ده اولسا, گؤيده ده اولسا اونلاري طوطوب گتيرسين‌لر. مليکگيل بير ده گؤردو‌لر کي اوست‌لرينه او قدر قولدور گلير کي, بون‌لاري قيريب قورتارماق اولماز. اودور کي, آتلارينا “قويما”دئييب باشلادي‌لار قوش کيمي ئوچماغا بون‌لار قاچماقدا اولسون قولدور‌لارقووماقدا. بير‌دن کئچل مممه‌دين آتينين آياغي بودره‌دي, آت ييخيلدي.ها ائله ييب آياغا قالخانا کيمي قولدور‌لار کئچل مممه‌دي توتدو‌لار.گتيريب سالدي‌لار زيندانا, اوزونه ده دئدي‌لر کي, اوچ گون‌دن سونرا بوينووورولاجاق.
کئچل مممد زينداندا قالماقدا اولسون, مليک قاچيب جانيني قورتاردي. گئديب بير چمنلييه چاتدي. گؤردو چوخ يورولوب. آتيني چمنه بوراخيب اوزو بير آغاجين ديبينده ياتدي. دئمه بو چمنليک پادشاهين قوروغو ايميش. قوروقچو‌لار آتي گؤرن کيمي گليب آتي طوطوب مليکله بيرليکده آپاردي‌لار شاهين يانينا. شاها خبر وئردي‌لر کي, بس بو آدام سنين امريني پوزوب, آتيني ساليب قوروغا, آت قوروغون اوتونو يئييب قورتاريب.
منبع :