گروه تاريخي:اورمو آذربايجانين ان قديم و بؤيوک شهرلريندن بيري، بؤيوک مدنيت مرکزي ديني اوجاغي‌دير. شهر، اورمو گؤلوندن 18 کيلومتر غربده يئرلشير. 2006-جي ايلده آپاريلميش رسمي سياهييا آلمانين يئکونلارينا اساساً اها‌ليسينين سايي 583 255 نفردير.
گروه تاريخي:اورمو آذربايجانين ان قديم و بؤيوک شهرلريندن بيري، بؤيوک مدنيت مرکزي ديني اوجاغي‌دير. شهر، اورمو گؤلوندن 18 کيلومتر غربده يئرلشير. 2006-جي ايلده آپاريلميش رسمي سياهييا آلمانين يئکونلارينا اساساً اها‌ليسينين سايي 583 255 نفردير.
1394/09/08
گروه تاريخي:اورمو آذربايجانين ان قديم و بؤيوک شهرلريندن بيري، بؤيوک مدنيت مرکزي ديني اوجاغي‌دير. شهر، اورمو گؤلوندن 18 کيلومتر غربده يئرلشير. 2006-جي ايلده آپاريلميش رسمي سياهييا آلمانين يئکونلارينا اساساً اها‌ليسينين سايي 583 255 نفردير.
ايالتين داغلاري اونو تورکيه و عراقدان آييرير. اورمودا هاوا قيشدا سويوق، يايدا ملايم و سريندير.
اورمو شهرينين تاريخي چوخ قديم دؤورلردن بير چوخ يئرلي و خارجي تاريخچي‌لرين دقتيني جلب ائتميشدير.
ايران تاريخچي‌لريندن محمدحسن خان، علي اكبر دهخدا، ا.رزمرا اؤز اثرلرينده اورمو شهرينين تاريخي حاقيندا قيمتلي معلوماتلار وئرميشلر.
علي اكبر دهخدا يازير: ”قديم و بؤيوک اولان بو شهر دئييلديگينه گؤره زرتوشتون شهري اولموشدور و اورمو گؤلونون غربينده، اوندان 3-4 ميل آرا‌لي اولان ساحلده يئرلشير.
مادي و مدني امکانلارينا، جغرافي موقعينه و اقليم شرايطينه گؤره اورمو شهري واختيله شرقده بؤيوک شهرت قازانميشدير.
اورمو شهري قافقازي کوردستان، ارمنستان هابئله بين¬النهرين، کيچيک آسياني ايسه پاکستان و هندستانين بير سيرا شهرلري ايله بيرلشديرن تجارت يوللاري اوستونده يئرلشيردي.
زاگروس داغلارينين شمال-شرق قولونو تشکيل ائدن سير داغي ايله اورمو گؤلو آراسيندا يئرلشن بو شهري طرزي تپه‌لري تورکيه - ايران (آشاغي آذربايجان) سرحد زوناسيندان آييرير زاگروس داغلارينين ان يوکسک زيروه‌لريندن باشلانغيجيني آلان شهر چايي شهره دايم طراوت و سحرآميز گؤزلليک وئرمکله برابر، اونون اطرافيندا باغچي‌ليق، بوستانچي‌ليق و ديگر کند تصرفاتي بيتکي‌لرينين انکشافينا گئنيش امکان ياراتميشدير.
آسوري منبع‌لرينده آرمايت (اورمئياتئ) قالاسينين آدي زيبيا (معاصر زيوييه) قالاسي ايله بيرگه چکيلير. همين منبعده ماننا دؤولتينين پايتختي اولان ايزيرتونون زيبيا و آرمايت قالا‌لارينا ياخين يئرلشمه‌سي ده گؤستريلميشدير.
علي اكبر دهخدا قئيد ائدير کي، اورمو گؤلو اوئستادا چيچست، اورتا عصر مؤلفلرينين اثرلرينده تيلا، اورمو شهرينه گلديکده ايسه او مختلف منبع‌لرده آرمايت، تابارما (تابارمئيس) و اورمو آدلانديريلميشدير.اورمو شهرينين قديم تاريخه مالک اولماسي فاکتيني يازيلي منبعلردن علاوه شهرين اؤزو هابئله اونون اطرافيندان الده ائديلن مادي - مدني آبيده‌لر ده ثبوت ائدير.
اورمو و اونا ياخين اولان اراضي‌لردن آرخئولوژي تدقيقاتلار زاماني تونجدان حاضرلانميش اوزون و گؤدک قيلينجلار، اوستو ناخيشلي خنجرلر، ائو اشيا‌لاري، اعلا زينت اشيا‌لاري و ديگر اشيا‌لار الده ائديلميشدير. متخصص‌لره گؤره بورا‌دان تاپيلان اشيا‌لاري ائراميزدان اول آلتينجي - يئددينجي عصرلره عايددير. قئيد ائتمک لازمدير کي، اورمو اراضيسيندن تاپيلان قيمتلي مادي-مدنيت نمونه‌لرينين چوخو آبش، انگليسده و فرانسا موزئيلرينده ساخلانيلير. بوندان باشقا بو اراضيدن تاپيلان اشيا‌لار ايران باستان موزئيينده ده اؤزونه مخصوص يئر توتور.اورمو شهري ايستر پارتلارين، ايسترسه ده ساساني‌لرين دؤورونده اساس آتش‌پرست‌ليک مرکزلريندن بيري و زيارتگاه اولموشدور.
اورمو ائراميزين آلتينجي-يئدينجي عصرلريندن اعتباراً نستوري‌لرين(نئستوريانلار) ده ديني مرکزينه چئوريلميشدير.
حاضردا نستوري‌لرين بير نئچه تاريخي کليسا‌سي بو شهرده قالماقدا‌دير.
زکريا محمد قزويني¬نين گؤسترديگينه گؤره اورمو شهري ايستر تجارت ايسترسه ده مئيوه و باشقا محصوللارينين بوللوغونا گؤره شرقده ان مشهور شهرلردن اولموشدور.
اورمو شهري حاقيندا ياقوت حموي يازير:...
من اؤزوم شهري گؤرموشم، چوخ گؤزل و بوللوق اولان بو شهر ال وئريشلي اقليم شرايطينه، طبيعي گؤزل‌ليگينه، سويونون، مئيوه‌سينين، هابئله بوستانلارينين چوخ اولماسينا گؤره بو دؤورده اولان ديگر شهرلردن فرقلنير.
624-626-جي ايللرده شهر بيزانس ايمپراتورو ايراکلي طرفيندن ضبط ائديلرک غارت ائديلميشدير. منبع‌لر گؤسترير کي، اورمو ائراميزين سگگيزينجي عصرينده آذربايجانين ان بؤيوک شهرلريندن بيري اولموشدور.
شهري دوشمن هجوموندان مدافعه ائتمک اوچون اونون قالا ديوارلارينين اطرافيندا يئرلي اها‌لي طرفيندن اون مين آدديم اوزونلوغوندا درين خندک قازيلميشدير. شهرين بؤيوکلوگونو گؤزلر اؤنونه سرن بو خندک‌لرين ايزلري ايندي ده قالماقدا‌دير.
منبع :