آذربايجان حئكايه سي من.. من" دئيه- دئيه حاجي‌نين دوکاني‌نين قاباغينا قوشدوق. بير کاميون ياغ گلميشدي بوشالتمالي ايديک. کؤهنه هامبال مشه امامعلي حاجي بدل ايله بيرآز چنه‌لشديکدن سونرا قيمتي کسدي: اوشاقلار ايکي تومن، بؤيوکلر بئش تومن. بيز اون يئددي کيلولوق ياغلاري زور گوج ايله گؤتوروب بؤيوکلري سيرتيا يوکله‌ييب اونلاردا زيققانا-زيققانا دوکاني‌نين زئرزميسينه داشييرديلار. ايشين اورتالاريندا مشه امامعلي دئدي: اوشاقلار! بيرآز ال ترپه‌تين.. باياق ائشيتديم حاجي نقدعلي‌يه بير ماشين دوگو گله‌جک.. تله‌سين اوراني دا الدن وئرمه‌يک!..بير- بيريميزين اوزونه باخديق. سئوينجدن قاناد چيخارداجاق ايديک. ائله‌بيل سينئما پولوموزدا چيخميشدي. بيز نئچه يولداش ايديک. مدرسه‌نين دفتر کيتاب ميداد-قلم، پار- پالتار پولونو چيخارتماق اوچون يايلاري بيرگه چاليشارديق. جومعه گونلري ده سينئمايا گئدرديک. ان چوخ سئوديگيميز فيلملرده، نورمن ويزدوم ايله بروسلي‌نين فيلملري ايدي. قان تر ايچينده ايشي هرزامانکيدان تئزراق بيتيرديک. حاجي بدلي چاغيرديق. حاجي بير بوش کاميونا، بير بيزه باخدي. سونرا اليني جيببنه سوخوب بير اوووج پول چيخارتدي. بؤيوکلره ايکي تومن، بيزه ايسه هره‌ميزه بير تومن وئردي. ماتديم- ماتديم بيربيريميزين اؤزونه باخديق. سونوندا مشه امامعلي ديله گلدي: حاجي بئله دانيشماميشديق..آز وئرميسن...حاجي بدل گولومسه‌يه‌رک:نمنه ائله‌ميسيز.. بير ساعات ايشه ائله بو پولدا چوخدور -دئدي.مشه امامعلي ديللندي:حاجي! بيز سؤز دانيشميشيق.. حاققيميزي وئر يوخسا...حاجي بدل قيزغين- قيزغين:يوخسا نمنه؟!.. تئز جهنم اولون بورادان، يوخسا هر نه گؤرموسوز اؤز گؤزوزدن گؤرموسوز!.. دئييب دوکانا گيردي.مشه امامعلي پؤرتولدو:اولماسا گئده‌ک شهرباني‌يا شيکايت ائله‌يک- دئدي.علي قره آدلي هامبال دئدي:يوخ! شهرباني‌يا شيکايت ائله‌مه‌يک، گئده‌ک کوميته‌يه شيکايت ائله‌يک.. کوميته‌ده‌کيلر اينقلابچي‌ديرلار.. يوخسوللارين، موستضعفلرين طرفداري‌ديرلار...بؤيوکلر علي قره‌نين سؤزلريني دوغرولارديلار. بيز دينمه‌ديک. بير ساعات سونرا بير کوميته‌چي قارداش حاجي بدلين دوکانينا ايدي. بيز ايسه دؤزومسوزلوکله حاجي بدلين قولونا قاندال ووروب ائشيگه چيخارداجاغيني گؤزله‌ييرديک. سونوندا کوميته‌چي قارداش اؤزو ائشيگه چيخيب: من حاجي ايله دانيشديم. قرار اولدو؛ بؤيوکلرده ييرمي بئش قيران، کيچيکلرده اون ايکي قيران وئرسين. بير- بير دوکانا کئچيب حاققيزي آلين- دئدي.مشه امامعلي قيشقيردي:اولماز.. بيز حاققيميزين هاميسيني ايسته‌ييريک! بيزده سس-سسه وئرديک:دوز دئيير..دوز دئيير..کوميته‌چي قارداش:ائله بيل سيز ايغتيشاق چيخارتماق ايسته‌ييرسيز- دئييب تئل‌سيزي (بي‌سيمي) قولاغينا ياخينلاشديرينجا بيز داغيليشديق.دوگو ماشيني حاجي نقدعلي‌نين دوکاني‌نين قاباغينا ساخلاميشدي آنجاق بيزيم ال- قولوموز سوستلاشيب، اورگيميز اوشويوب ايشله‌مک ايسته‌ميرديک. مشه امامعلي دئدي: کئشکه کوميته يئرينه گئديب شهرباني‌يا شيکايت ائله‌يرديک!
بولگه لر سرويسي:اده.. هامبال.. هامبال. سسله‌ين حاجي بدل ايدي. "