اؤلوم ائوي

بولگه لرسرويسي:چوخ ساغ اولون خانيم.آچارلاري آليب يولا دوشدوم. آقازاده‌هاردان بيلرميش من او ائوه گئده‌جه‌يم، آخي من دونن اؤزومو او قدر ده ماراقلي گؤسته‌رمه‌ديم !

اؤزومو ائوه چاتديرديم. يوک داشيما آگئنتينين طرفيندن ماشين گلينجه‌هاوا ياواش_ياواش قارانليقلادي. اشياءلاري ماشينا يوکله‌ييب يولا دوشدوک. يول بويونجا سوروجو’ايله بير کلمه بئله کسمه‌دن حياتيمي‌اوشاقليقدان دوز بو ماشيندا اوتوردوغوما قدر گؤزدن کئچيرديم. اوولدن ائله بئله‌ايديم داشدان سس چيخاردي مندن يوخ،بعضن ساعاتلارجا بير يئرده اتوروب بئينيمده اؤزومله دانيشارديم يادا نه ائده‌جک‌لريمي‌پيلانلايارديم. نه يازيق کي من آتا_آنامي‌تئز الدن وئريب اونلاردان قالان تک وارليغي دا ايتيريب، ايندي’ايسه تانيماديغيم کيمسه‌نين ائوينه کؤچمک مجبورييتنده‌ايديم. ساعات تخمينن ??:??’ايدي ماشينين دايانماسي’ايلا اؤزومه گلديم. آديني بيلمه‌ديگيم‌هانسيسا کندين لاپ يوخاري باشيندا (دئمک اولار تپه‌ده) بؤيوک بير عيمارتين قاباغيندا دايانميشديق.
سوروجو ـ اده رحمتديگين اوغلو ? ساعاتدي ياتيبسان دو ده.ياتماميشديم.سوروجو ـ هه سن دييندي، ياتان منيم خالام’ايدي. بابام بورا‌هارادي بيزي گتيريب چيخارديبسان.ماشيندان ائنيب عيمارتين گيريشينه طرف يئرييب کنددن تکه توک ساييريشان ايشيقلارا باخيب اليمين ايچيله آنليما ووردوم.لعنت منه، نه‌دن او ايزله‌مي‌اوخومادان بورايا گلمه‌گه قرار وئرديم ؟
سوروجو ـ اؤز _ اؤزووا نه دئييرسن گليم ايچه‌ري؟ گل ايکي طرفي بارماقليق(نرده) اولان قاپي‌سيز گيريشدن ايچه‌ري کئچديم. ياشيل چمن‌لري آز قالا آدامين ديزينه’دک اوزانميش گئنيش حيط ايل‌لر بويو کيمسه‌نين بورادا ياشاماديغيني سؤيله‌ييردي و حيطين اورتاسيندا ايکي قاتلي بؤيوک ائو (بارماقليقلارين دوزولوشوندن بللي’ايدي ائوين داليندا دا حيط وار ) گؤرکمي’ايله آدامي‌قورخودوردو. ائوين قاباغيندا کي ائيوانا ساري يئريديگيمده ائله بيلديم کيمسه ايکينجي قاتين پنجره‌لرينين بيريندن مني گؤز آلتينا آليب، باشيمي‌قالديريب باخديغيمدا پرده‌نين ترپنديگيني گؤردوم آما يقين مئه پرده‌لري ترپه‌دير دئيه باش قولاق آلماديم. سوروجونون يارديمي‌ايله اشياءلاري ائيوانا داشيديق.گونشين ايلک شوعاسي‌ايله يوخودان آييلديم. نه زامان ائيواندا ياتديغيم ياديما گلميردي. هر يئر يام ياشيل اوتلار و آغاجلارلا دولموشدو، چيچک‌لرين قوخوسو آدامين عاغليني باشيندان آليردي. ائيوانا باخديغيمدا اشياءلاري يئرينده گؤرمه‌ديم ! ياني نئجه اولموشدولار ؟ اولمويا آخشام مني يوخو توتدوغوندان سونرا اوغورلاييبلار؟ بلکه سوروجو داشييب ييغيب ائوين ايچينه ؟ بو سورغولارلا پيلله‌کندن ائنيب ماشينا ساري يئريديم سوروجو رولون آرخاسيندا باشيني ديزلرينين آراسينا سوخوب ديزلريني ده قوجاقلاميشدي.
بارماغيملا شوشه‌ني دؤيدوگومده ائله آتيلدي آز قالميشدي باغري ياريلسين. مني گؤردوکده تئز ماشيندان ائنيب آغزي سؤز توتار_توتماز:عمي‌اوغلو منيم پولوم وئريسن گئده‌م؟ اشياءلاري سن ايچه‌ري داشيدين ؟قارداش من پول زاد دا ايسته‌ميرم قوي من گئديم. سن نييه بئله چاشقينسان ؟ نه اولوب سنه؟آخشام اشياءلارون اؤز _ اؤزونه گئديردي ائوه.
سن الله قوي من گئديم.اشي نييه چاش_باش دانيشيرسان گه پولون خوش گلدين.سوروجونون پولونو وئريب يولا سالديم عيمارتين گيريشيندن چيخيب کنده ساري يولا دوشدو. ائوه ساري قاييداندا آغاجلاردا هئچ بير قوشون اولماديغيني گؤردوم. نه پيس ياني بو قدر آغاجدا بير دنه ده قوش يووا سالماييب ؟ او سوروجو اؤز_اؤزونه نه دئييردي، ائله بيل قورخموشدو !ائوين ايکي طرفه آچيلان بؤيوک تاختا قاپيسيني آچيب بؤيوک بير سالونا آدديم آتديم. آووو… بورا‌هارادي ؟ لاپ بئله سلطنتي ائودي. ياديما گلن بورانين بنزريني تئلويزيادا بير ده تهراندا اولدوغوم زامان قاجار ساراييندان گؤروش ائدرکن گؤرموشدوم. نم نئچه مئتيرليک بير فرش سالونون اورتاسيندا و ايکي طرفينده دوزولموش شاهانه ايستول‌لار بير ده تاواندان ساللانميش اوچ بؤيوک آنتيک چيلچيراق آغزيمي‌آچيق قويموشدو. ائوين رطوبت قوخوسونا باخماياراق هر شئي پار…پار پاريلداييردي. ديوارين بير طرفي دؤرد بؤيوک پنجره‌دن و بير طرفي ده سيرالي اولاراق آسيلميش تابلولارلا آييله‌وي شکيل‌لردن عييبارت’ايدي. شکيل‌‌لره ياخينلاشيب بير نئچه‌سيني گؤزدن کئچيرديم ايلک نئچه شکيلده دؤرد نفرليک بير آييله چئشيدلي فيقورالارلا رسم اولونموشدو آما گئتديکجه آييله‌نين ساييندان اکسيليردي.
اؤنجه خورما ساچلي تخمينن بئش ياشلي اوغلان اوشاغي شکيلدن يوخ اولدو، سونرا اون‌ايکي ياخود اون‌اوچ ياشلي قيز سونرا آييله‌نين آناسي و سونوندا آتاسي.سون شکيلده تکجه آتانين رسمي‌وار’ايدي منه ائله گليردي بونو‌هارداسا گؤرموشم آما قارنيمين قورولتوسو دوشونمه‌گه ايمکان وئرمه‌دي.دونندن هئچ نه يئمه‌ميشديم گرک بير شئي تاپيب قارنيمي‌دولدورام آما بو کؤهنه ائوده کي معلوم دئييل نئچه ايل‌دير بوشدو يئمک اوچون نه اولاجاق ! ياديما گلدي سالونا گيرَرکن ساغ طرفيمده مطبخه اوخشار بير يئر گؤردوم تئز اورايا قاييديب بؤيوک بير مطبخه گيرديم. بورادا دا هر شئي دوزَنلي و قايداسيندا’ايدي. سويودوجويا ياخينلاشيب مين بير نذير_نيازلا قاپيسيني آچديم بير آن سانکي آياقلاريم يئره ميخلاندي گؤزلريمله گؤردوگومه اينانا بيلميرديم سويودوجودا چوخ سئوديگيم سوسيکا، کولباسا، اَت و يئمک اوچون لازيم اولان هر شئيدن اؤزو ده تپ_تزه‌سي وار’ايدي. بونلاري بورايا کيم آليب ييغيب ؟ اولمايا آقازاده؟ يوخ اونون ايشي اولا بيلمز بلکه ده ائله او تانيماديغيم کيشي بيليب من بورايا گله‌جه‌يم اونون اوچون بونلاري حاضيرلاييب ! نه‌سه بوش وئر ايندي بونلاري دوشونمک زاماني دئييل آجيمدان اوره‌گيم کئچير.
سئوديگيم سوسيسکالار و کولباسالاردان بير آز بير قابا ييغيب بير نئچه دنه ده آلما گؤتوروب ماسانين اوستونه قويوب، ايستوللارين بيريني چکيب حيطه باخان پنجره‌يه طرف ايله‌شيب يئمه‌گه باشلاديم. هوسله يئديگيمده بير آن ائله حيس ائله‌ديم کيمسه قارشيمدا اوتوروب مني سوزور آما مندن باشقا بو عيمارتده هئچ بير جانلي يوخ ايدي ياواش _ ياواش شوبهه‌لَنسم ده خيال اولدوغونو سانديم.
قارنيمي‌دويوراندان سونرا کندي تانيماق هم ده کندلي‌لرله تانيش اولماق اوچون عيمارتدن چيخيب کنده ائنمک قرارينا گلديم. بير آزدان سونرا اليمه بير دگنک آليب عيمارتين اؤنونده کي دؤنگه‌دن کنده ائنديم جماعات ال‌لري’ايله مني گؤسته‌ريب بير _ بيرينين قولاقلارينا نه‌سه پيچيلداييرديلار. يولدا منله اوز_اوزه گلن هر کيمسه يولونو اگيب اگري _اگري باخيب يانيمدان ميزيلداياراق کئچيردي. کندلي‌لرين داورانيشيندان اؤزومده چاتيشمازليق اولدوغونو حيس ائديب پال_پالتاريمي‌يوخلاديم، تيشرتيم تميزدير، شالواريمين دا زيپي آچيق دئييل. بئله‌ليکله باشا دوشدوم من اونلارا ياخينلاشيب نه‌سه سورسام دا اونلار منله دانيشماياجاق ياخشيسي بودور دؤولته عاييد اولان بير يئر تاپيب بورانين‌هارا اولدوغونو اؤيره‌نيم.
بير آز کندده فيرلانديقدان سونرا کيلينيکايا بنزر بير يئر گؤروب ياخينلاشديم ساري بير لووحه‌ده کندين قاراداغ کندلريندن اولدوغونو اؤيره‌نيب ايچه‌ري گيرديم بالاجا بير سالون او طرف _ بو طرفينده ايکي قاپي‌سيز بالاجا اوتاق ، اوتاقلارين هر بيرينده بير ياتاق و سالونون ديبينده بالاجا بير ماسانين آزخاسيندا آشاغي _ يوخاري اللي ياشلي بير کيشي وار. ياخينلاشيب سلام وئرديم.
آردي وار

منبع :