آذربايجان ناغيللاري بولگه لر سرويسي:قنداهار پادشاهي‌نين مليک مممد آديندا بير اوغلو وار ايدي. گؤزلليکده ائله بير آفتي-زامان ايدي کي، يوسيف کنان اونون الينه سو تؤکه بيلمزدي. اؤزو ده قنداهار پادشاهي‌نين آمان-زامان بير دنه اوغلو ايدي.مليک مممه‌دي هاميدان چوخ ايسته‌ين قوجا بير لعله‌سي واردي.بير گون لعله بوتون مونججيملري جمعله‌ييب، تاس قوردوروب، رمل آتديريب مليک مممه‌دين باختينا باخديردي. هامي مونججيملر دئدي کي،مليک مممد اون دؤرد ياشينا چاتاندا ايته‌جک، اؤزو ده کي، تاپيلماغي چوخ چتين اولاجاق.بلي، بير-ايکي دسته قوشون حاضرلاندي کي، مليک مممه‌دي قوروسون.يازيق اوشاغي تاي هئچ يئره قويماديلار. آمما اولاجاغا چاره يوخدو.مليک مممه‌دين دوز اون دؤرد ياشي تامام اولان گئجه او اوتاقدا کي ياتميشدي،ائله او اوتاقدا بير اپپک اولدو، اوچدو گؤيه. نه قدر آختارديلار، نه قدر جارچيلار سالديلار، قاصيدلر گؤندرديلرسه اوشاق تاپيلمادي کي، تاپيلمادي. بير ايل کئچدي، ايکي ايل کئچدي، هر يئردن اوميد الي اوزولدو، هامي قاراگئييب ماته‌مه باتدي.قوجا لعله بو ايشه تاب گتيرمه‌ييب تغيير-ليباس ائله‌دي، چيخدي مليک مممه‌دي آختارماغا.لعله مليک مممه‌دي آختارا-آختارا گليب چيخدي ايستانبولا. شهري گزدي، دولاندي، دولانا-دولانا گليب چيخدي ايستانبول پادشاهي‌نين سارايي‌نين قاباغينا. برک قيش ايدي. چوخلو دا قار ياغميشدي. قارين اوستونده بير يئره قان تؤکولموشدو. لعله بونو گؤرجک، ييخيليب اؤزوندن گئتدي.سنه خبر وئريم ايستانبول پادشاهي‌نين بيرجه قيزي اولان گولنار خانيمدان.بو قيز ائله گؤزلدي کي، وصفي عالمي توتموشدو. گولنار خانيم اوتورموشدو اؤز پنجره‌سي‌نين قاباغيندا، گليب گئدنه تاماشا ائديردي. بير ده لعله‌نين قيشقيريب اؤزوندن گئتمه‌يين گؤردو. تئز او ساعت آداملاريني گؤندريب اونو ايچري گتيرتديردي.......قوجا لعله مليک مممه‌دين احوالاتين اونا دانيشدي:- قارين اوستونده قيرميزي قان لکسيني گؤرنده مليک مممه‌دين آغ اوزونده‌کي خالي ياديما دوشدو.گولنار خانيم آتاسي‌نين يانينا گئديب بوتون قوجا لعله‌نين دانيشديقلاريني اونا دانيشدي. دئدي کي:- آتا، ايزين وئر، من گئديم مليک مممه‌دي آختارماغا. آتاسي نه قدر دليل-دلاييل دئديسه مومکون اولمادي. قيز نيخ دئديگين دئدي. آخيردا وزير زميني-ادب اؤپوب دئدي:- پادشاه ساغ اولسون، ايندي کي، بئله‌دي، قوي گئتسين. بيز ده بو قوجا کيشيني بورادا ساخلاريق. اگر گولنار خانيم ايکي ايله گلدي، نه خوب، گلدي، اگريوخ، گلمه‌دي، اوندا بونو اؤلدورريک.پادشاه چار-ناچار راضي اولدو.گولنار خانيم چکيلدي اؤز اوتاغينا، آلتدان گئييندي، اوستدن قيفيللاندي،اوستدن گئييندي، آلتدان قيفيللاندي. بير آت ميندي، هامي ايله گؤروشوب يولا دوشدو.گونه بير منزيل، تييي-معنازيل، گئجه‌ني گونه قاتدي، گونو گئجه‌يه،اوچ آي تامام آت سوردو، اوچ آيين تاماميندا گليب بير قالاچايا چاتدي. اوطرفه بويلاندي، بو طرفه بويلاندي، گؤردو کي، خئير، هئچ بير يئردن بو قالاچايا داخيل اولماق مومکون دئييل. ائله بئله آتي يئده‌يينده چکيب قالاچانين اطرافين دولانيردي، بير ده گؤزو ساتاشدي، گؤردو قالاچانين هيتينده بير سو گيليفي وار. ياواشجا آتي چکيب بير کولا باغلادي، اؤزو گيليفدن کئچدي، قالاچانين هيتينه. باخدي کي، هيتده بير کيمسنه يوخدو.آمما قاباقدا بير پيللکان وار، چيخير قولنگريشه. قدم قويدو پيللکانا،ياواش-ياواش قولنگريشدن کئچدي، ائله اوتاغا داخيل اولاندا گؤردوکي، واللاه، بورادا بير قيز اوتوروب کي، شوخو آدامين گؤزلريني قاماشديرير.قيز بونو گؤرجک ديک قالخدي آياغا کي:- بويور، گولنار خانيم، خوش گلميسن، صفا گتيرميسن.گولنار قالدي معطل کي، گؤره‌سن بو مني هارادان تانييير. قيز گولنارخانيمين بئله فيکيرده اولدوغون باشا دوشوب، دئدي:- گولنار خانيم، سنه تعجب گلمه‌سين. من سني ياخشي تانيييرام.سن ايستانبول پادشاهي‌نين قيزيسان. سن مني تانيميرسان، آمما سن منه چوخ ياخشيليقلار ائله‌ميسن. من اؤلنه‌دک اونلاري ياددان چيخارتمارام.گولنار خانيم ها فيکيرلشدي، يادينا دوشمه‌دي کي، دوشمه‌دي. اوندا قيز دئدي:- گولنار خانيم، بيز اوچ باجيييق. اؤزوموز ده پريلر9 پادشاهي‌نين قيزلاريييق. بيز هر جومه آخشامي اؤز آتاميزين ائوينه قوناق گئدنده،سنين گؤزلليگينه تاماشا ائتمک اوچون، گليب سنين کولفرنگينه قونوروق.سن ده بيزي گؤيرچين بيليب، يئديرديب-ايچيرديب يولا ساليرسان.گولنار گؤردو کي، قيز دوغرو دئيير. آمما ايندييه کيمي او، اونلاري گؤيرچين بيليرميش.غرض، گولنار خانيما قيز يئر حاضرلادي. گولنار خانيم بير آز راحتليق ائدندن سونرا، اؤز گلميي‌نين سببيني دئدي. قيز بير آز فيکيرلشيب دئدي:- گولنار خانيم، بيز اوچ باجي، اوچ قارداش ديوه اره گئتميشيک. منيم اريم لاپ کيچيک قارداشدي. بونو بيله بيلمز. بونو بيلسه-بيلسه او بيري باجيلاريمين ارلري بيلرلر.بونو دئييب اورتانجيل باجيسينا نامه يازدي، وئردي گولنار خانيما،يولو-زادي دا اونا گؤستردي. گولنار خانيم آتي مينيب يولا دوشدو. اوچ گون،اوچ گئجه آت سورندن سونرا، گولنار خانيم گليب چيخدي بو باجي‌نين قالاچاسينا.دوشوب بير طرفده آتي يانجيدار ائله‌دي، اؤزو گيليفدن کئچيب داخيل اولدو قالاچايا. نامه‌ني وئرمه‌ميش قيز گولنار خانيمي تانيدي. گلديلرايلشديلر. گولنار خانيم جيبيندن نامه‌ني چيخارديب وئردي. قيز احوالاتدان خبردار اولوب اونو زيرزميده گيزلتدي. ائله کي، اري گلدي ائوه، اوندان سوروشدو کي:- بس آي فيلانکس، قنداهار پادشاهي‌نين اوغلو مليک مممددن سنين خبرين يوخدو؟ديو قيزي چوخ ايسته‌ييردي. اول دئمک ايسته‌مه‌دي. آنجاق قيز بير آز اوزگؤزونو تورشوتجاق اورگي تاب گتيرمه‌ييب دئدي کي:- اونو منيم بؤيوک قارداشيم اوغورلاييب بير داغدا تيلسيمبند ائله‌ييب.قيز نه قدر ائله‌دي کي، هانسي داغدا، ديو دئمه‌ييب آند ايچدي کي، او بيلمير. قيز احوالاتي صاباحيسي گولنار خانيما خبر وئردي، بير نامه ده او بيري باجيسينا يازيب گولناري يولا سالدي.بلي، گولنار گليب چيخدي اوچونجو باجي‌نين قالاچاسينا. گؤروشدولر،دانيشديلار، بو باجي دئدي کي:- الله منيم اريمين باشين باتيرسين، اوندان سؤز قوپارماق ماهال ايشدي.آمما يئنه ده اونو زيرزميده گيزله‌ييب ارينين يولون گؤزله‌مه‌يه باشلادي. گئجه ديو گلدي، گؤردو کي، قيز بيکئيف اوتوروب.سوروشدو:- آي قيز، نه وار، يئنه بورنونو ساللاميسان؟قيز يالوارا-يالوارا اونا دئدي:- کئچن اوغور10 آتامين يانينا گئدنده قنداهاردان کئچديک.بوتون جاماعت قارا گئيميشدي. سوروشدوق نه وار، دئديلر کي، پادشاهين اون دؤرد ياشيندا بير اوغلو ايتيب. ايندي ائله بيردن ياديما دوشدو. سن بو باره‌ده هئچ بير شئي بيلميرسن؟ديو ائله بونو ائشيتجک قيزين آغزي‌نين اوستوندن بير سيلله ووردو. غرض،نه باشيني آغريديم، ديو نه قدر سؤيدو، دؤيدوسه، قيز ال چکمه‌دي کي،چکمه‌دي. آخير ديو بوينونا آلدي کي، مليک مممه‌دي او اوغورلاييب، اؤزون ده يئددي تپه قالاسيندا تيلسيمه ساليب.قيز سحر احوالاتي گولنار خانيما خبر وئردي. گولنار خانيم اونا تاپشيردي کي، ايندي ده اؤيرنسين او تيلسيمي نئجه سينديرماق اولار. بير ده کي،اؤيرنسين گؤرسون ديوين جاني نددي. ديو قيزا دئدي کي:- بو قالانين قاپيسيندا قيرخ ديلده يازيلميش داشلار وار. گرک اونو سينديرماق ايسته‌ين بو داشلارين هاميسين اوخويا.آمما قيز نه قدر ائله‌ديسه ديو اؤز جاني‌نين يئرين دئمه‌دي کي،دئمه‌دي. بير-ايکي گون بئله قالدي. آخيردا ديو گؤردو کي، قيز ال چکمه‌يه‌جک دئدي، ائوده بير ال آغاجي وار، منيم جانيم او ال آغاجيندادي.قيز احوالاتي گولنارا خبر وئردي. گولنار بيلدي کي، ديو يالان دانيشيب،اونون جاني ال آغاجيندا اولماز. اودو کي، اونا دئدي:- او ال آغاجيني تميزله، ياخشي-ياخشي بزه!قيز گليب ال آغاجيني قيرميزي ايپه‌يه توتدو، قويدو ائوده لاپ ياخشي بيريئره. ديو گليب ايشي بئله گؤرنده سببين قيزدان سوروشدو:قيز دئدي:- بس سنين جانين اوردادي، اونون اوچون ائله ائله‌ميشم.ديو گؤردو کي، قيز اونون جانينا بئله حؤرمت ائله‌ييب، آچيب دوغروسون دئدي کي، اونون جاني همين قالاچادا بير چارهوووز وار، اونون ايچينده اوچ دنه آغ باليق وار، او آغ باليقلارين بيرينده‌دي. گولنار خانيم احوالاتين هاميسين اؤيره‌نيب اوز قويدو هامان قالاچايا طرف گئتمه‌يه. گئتهاگئت،گئتهاگئت، گليب چاتدي يئددي تپه قالاچاسينا. گؤردو بير دار ماغارا وار.گيردي ماغارايا، بير قدر گئتميشدي، قاباغينا بير يئکه پلت کيمي بيرقالاچا قاپيسي چيخدي. باخدي کي، بوردان ايچرييه گيرمه‌يه هئچ بير يول يوخدو. پالتاري‌نين آلتينا باغلاديغي قيلينجيني چيخارديب قاپي‌نين قيفيلين سينديردي،گيردي ايچرييه. باخدي کي، بؤيوک بير مهله‌دي، دوز اورتادا بير چارهوووزوار. گلدي گؤردو دوغرودان دا بورادا اوچ دنه ياخشي، گؤزل آغ باليق وار.هر نه قدر اللشديسه، بونلاري توتا بيلمه‌دي. آخيردا هوووزون آياغين آچيب باشلادي سويو بوراخماغا. بئله‌ليکله، باليقلارين ايکيسيني توتوب اؤلدوردو،ائله اوچونجو باليغي توتماق ايسته‌ييردي کي، بير ده گؤردو گؤي تيتره‌دي، يئرتيتره‌دي، بودو ديو آنقيرا-آنقيرا گلير. تئز باليغي آتدي تورپاغا، قيلينجي چکيب اونو ايکي بؤلدو. ديو ياري يولدا ييخيليب جهنمه واصيل اولدو. گلدي بو يانا، گؤردو داغين اته‌يينده باري کيمي بير يئرده قيرخ ديلده يازيلميش داشلار آسيليب. گولنار خانيم دونيانين بوتون علملريندن باخبر ايدي. باشلادي بونلاري بير-بير اوخوماغا. آخيرينجي داشي اوخويوب قورتاراندا ائله بيل کي، داغ حرکته گلدي. باري ياريلدي، گيردي ايچرييه، گؤردو مليک مممد بير قيزيل تاختين اوستونده ياتيب، آمما ياريمجاندي. جيبيندن قورآني چيخارديب اوخوماق ايسته‌دي. آمما باخدي کي، اوخويوب تاماملايا بيلمه‌يه‌جک. چونکي بيليردي کي، بئله آداملاري تيلسيمدن اوياتماق اوچون تامام قيرخ گون آراسيني کسمه‌دن قورآن اوخوماق لازيمدي. اونا گؤره ده قاپيني يئنه ده اولکي کيمي برکيديب چيخدي چؤله. ائله بير آزگئتميشدي کي، قاباغينا بير کاروان چيخدي. کارواندا بير قيز وار ايدي، گولنار اوستونده‌کي قيزيللاري وئريب او قيزي آلدي، گئتدي قالاچايا. قيزا احوالاتي باشدان-آياغا دانيشدي. مليک مممه‌دين تاختي‌نين يانيندا باشلادي قورآن اوخوماغا. او، اؤزو يورولاندا قيز اونون آغزيندان آليب داليسين اوخويوردوکي، آراسي کسيلمه‌سين، چونکي اوندا باتيل اولاردي. بو مينواللا دوزاوتوز دوققوز گون، اوتوز دوققوز گئجه اوخودولار. لاپ قورتارهاقورتاردا گولنار خانيم باخدي کي، يوخ، تا هئچ ساخلايا بيلمير اؤزون، ائله گؤزلري يومولورکي، يومولور. آخيردا قورخدو کي، بيردن يوخو توتار باتيل اولار، قاليب ناچار قيزي اوياتدي، قورآني اونا وئريب، اؤزو باشين يئره قويدو کي، بير چيميرياتسين کي، بلکه بير گؤزونون آجيسين آلا. بو ياتماغيندا اولسون قيرخ گونون تاماميندا مليک مممد آسقيريب دوردو. گؤزون آچيب گؤردويانيندا بير قيز اوتوروب قورآن اوخويور. سوروشدو:- سن کيمسن؟نامرد قيز جاوابيندا دئدي:- من بورادا دوز قيرخ گوندو کي، سني آييلتماق اوچون گئجه-گوندوزقورآن اوخويوب خطم توتورام.مليک مممد اطرافينا باخيب يئرده ياتان بير آدام گؤردو. آردي وار
بولگه لر سرويسي:قنداهار پادشاهي‌نين مليک مممد آديندا بير اوغلو وار ايدي.
بولگه لر سرويسي: بو،گولنار خانيمدي، باشين اؤرتوب ياتميشدي. مليک مممد سوروشدو:- بس بو کيمدي، بوردا ياتيب؟قيز دئدي:- او سني بو گونه سالان آدامدي. دوز قيرخ گوندو کي، من اونونلاچارپيشيرام. آخيردا من ايسمي-ازم اوخويوب اونو ياتيرتميشام.