پنيري نه ايله يئيه‌ک نه ايله يئمه‌يک

بولگه لر سرويسي: سنتي طيب اوزمانلاري‌نين نظري‌جه يئيه‌جه‌ييميز يئييله‌جک‌لرين هاچان يئييلمه‌سي ائيله‌جه نه‌لر ايله يئييليب نه‌لر ايله يئييلمه‌يه‌جک‌لرين چوْخ اؤنمي وار. بو يئييله‌جک‌لرين سيراسيندان بيري، پئنيردير. آردينجا گلن يازيدا، بو حاقدا بير سيرا بيلگي‌لري، سيز ايله پايلاشيريق.

بولگه لر سرويسي: سنتي طيب اوزمانلاري‌نين نظري‌جه يئيه‌جه‌ييميز يئييله‌جک‌لرين هاچان يئييلمه‌سي ائيله‌جه نه‌لر ايله يئييليب نه‌لر ايله يئييلمه‌يه‌جک‌لرين چوْخ اؤنمي وار. بو يئييله‌جک‌لرين سيراسيندان بيري، پئنيردير. آردينجا گلن يازيدا، بو حاقدا بير سيرا بيلگي‌لري، سيز ايله پايلاشيريق.
پئنيري بونلارلا بيرگه يئيه‌ک:
* مهرداد ميرکريمي، سنتي طيببين اوزماني دئيير: سنتي طيب‌جه، گرک پئنير، نعناع و ترخونون ياني سيرا يئييلسين. دئديک‌لرينه گؤره پئنيري سينديرمه‌سي(هضم) آغيردي، بو اوزدن گؤيه‌رنتي‌لرله بيرگه يئييليرسه آز زاماندا سينديريلر.
* پئنير جه‌ويزله (گيرده‌کان‌لا) بيرگه يئييليرسه کؤکه‌لديجي اوْلار. بو اوزدن کؤکه‌لمک دوشونجه‌سينده اوْلانلار پئنيري جه‌ويز، نعناع و آويشن‌له بيرگه يئسين‌لر.سوزمه‌قاتيق و بادام‌لا بيرگه توکه‌نيلن پئنير دري‌نين اوزه‌رينه لککه سالار.
* ترخون پئنيرين ضررلريني آزالدار.
اوزمانلارين دئديک‌لرينه گؤره ياخشي اوْلار پئنير گيرده‌کان مغزي يا خورما، کيشميش، و ائنرژي باغيشلايان يئييله‌جک‌لرله بيرگه، گرکلي اوْلان ائنرژي‌لري جذب ائتمک اوچون يئييل‌سين.
پئنير بيزلرين ان چوْخ يئدييميز يئييله‌جک‌دير. اوْنو يئمه‌ک ليسته‌ميزدن سيلمک بيرآز زوْر ايش ساييلير. بو اوزدن اوْنون يانيندا يئيه‌بيله‌جه‌ييميزلرله تانيش اوْلماغيميز اوْنون ضررلي ائتکي‌لريني آزالتماقدا بيزه يارديمچي اوْلار. دوْکتوْر غلامرضا کردافشاري، تهران بيليم يوردونون طيب بيليم‌لر فاکولته‌سي‌نين اوستادي بو قوْنويلا ايلگيلي دئيير: گئنل اوْلاراق سوت و اوْندان اوره‌تيلميش پاستوْريزه اورون‌لر (محصولات)، پاستوْريزه ائتمه پراسئسي‌نين، سوره‌جينده يوخاري بوْيوتدا ياغ‌(چربي) الدن وئرير. اوْنا چئشيدلي آرتيم‌لار و ساخلايانلار آرتيريلير. بو اوزدن بير چوْخ لبني اورون‌لرين طبع‌لري (مزاج‌لاري) سوْيوقدور. اوْنلارين يئييلمه‌سي سينديرمه سوْرونلارينا ندن اوْلوب، کؤپمک يا کوليت گتيره‌ر.
ايکي جوره پئنير وار، يئني(تازا) و کؤهنه. يئني پئنيرلرين مزاجي سوْيوق و ياش، کؤهنه‌لرينکي ايسه، ايستي و قورودور. بو ايکي طبعين اوْرتاق يارديمچي‌لاري(مصلح) وار. ان دوزگون مصلح گيرده‌کان‌دير. بير ندن کي دئييرلر پئنيري جه‌ويزله بيرگه يئيين بودور؛ پاراتيروئييد غده‌سي بدنده کلسيم و فسفرين دوزنله‌مه‌سي و جذبينده گؤره‌ولي‌دير. بو غده فسفر و کلسيم‌لاري بير بيريسي‌نين يانيندا اوْتوردار.
بو اوزدن کلسيم‌لو يئييله‌جک‌لري يئدييميز چاغدا، يانيندا گرکلي‌دير فسفرلو اوْلان يئييله‌جک‌لر ده يئييل‌سين. فسفر يئييلمه‌دييي چاغدا پاراتيروئييد غده‌سي اسکيک گلميش فسفرو مغزدن گؤتوره‌ر و کوت بئيينلنمه‌يه يارديمچي اوْلار. بو ندندن دوْلايي تؤوصيه اوْلونور پنيرين يانيندا کسينليک‌له گيرده‌کان(جه‌وز) دا يئييل‌سين.چوْخ اؤنملي بير وورغولاما: گيرده‌کان (و بادام) تکجه گرک يئدييميز چاغدا سينديريلا. چونکي هاوانين اکسيژني ايله اوزون موددت قالديقدا، اکسيد اوْلوب، اؤز يارارلي ائتکيسي‌ني الدن وئره‌ر.
پئنيري بونلارلا بيرگه يئمه‌يين:
* پئنيري بوْش-بوْشونا يئمه‌يين. تک يئييلن پئنير چوْخ ضررلي‌دير. بو اوزدن بوْش پئنير يئيه‌ن آدام همئشه سوست اوْلار.
* پئنيري بادام‌لا دا بيرگه يئمزلر. چونکي معده‌ني ايشدن ساليب، سينديرمک سوره‌جيني پوْزار. بير ده بؤيرک و مثانه داشي آليزليغي گتيره‌ر.
*سوزمه‌قاتيق و بادام‌لا بيرگه توکه‌نيلن پئنير دري‌نين اوزه‌رينه لککه سالار.
* حسن اکبري‌ سنتي طيب اوزماني‌نين دئديک‌لرينه گؤره پئنير پروْتئينلي و سوْيوق مزاج‌لي اوْلدوغو اوچون گرکلي‌دير، بامادور، خيار و قارپيزلا ياني سيرا، کي اوْنلار دا سوْيوق مزاج حئساب اوْلورلار، توکه‌نيلمه‌يه. توکه‌نيليرسه ديابت، ام‌اس، عصبي ايختيلال‌لار، سينديرمک سوْرونلارينا، و باشقا آليزليقلارا ندن اوْلار. بو اوزدن بو طرز يئمه‌ک،
عؤمرون آزالماسيندا دا ائتکيلي درجه‌ده قاتقيسي وار.
*پئنيرين يئييله‌ن ان اويغون چاغي:
قاين‌آلتي چاغي يئييله‌ن پئنير آدامي سوستالدار، اؤيرنمک و تمرکز گوجونو ده آزالدار.پئنيرين يئيلمه‌سي اوچون اؤنه‌ريلن ان اويغون زامان، شام اؤونه‌سي،‌ اؤزو ده مکمل‌لري و سينديرمه‌سينه يارديمچي اوْلان‌لارلا بيرگه(گيرده‌کان، زيره، قره‌دنه، آويشن)، دير. چونکي پاراتيروئييد غده‌سي گئجه چاغي داها چوخ آکتيو اوْلار.

منبع :