آذربايجان اويونلاري

بولگه لر سرويسي:تاريخ اوچ بين ايل بوندان گاباخ آذربايجان رقصينه شاهدليخ الير. رقصين دقيق يارانيش زماني بللي دييل آما آفريقا ، استراليا و قديم تورک لر اصيل رقص يارادان لاري دنيله بيلير. داش يازيلارداچي نشانه لره گوره آذربايجان رقصي ده اوزون بير گچميشه صاحب اولدوغو اثبات اولونور. آذربايجان فولکوريک رقصي نين ريشه سي آذري لرين فرهنگ و تمدن لاريندادير.

بولگه لر سرويسي:تاريخ اوچ بين ايل بوندان گاباخ آذربايجان رقصينه شاهدليخ الير. رقصين دقيق يارانيش زماني بللي دييل آما آفريقا ، استراليا و قديم تورک لر اصيل رقص يارادان لاري دنيله بيلير. داش يازيلارداچي نشانه لره گوره آذربايجان رقصي ده اوزون بير گچميشه صاحب اولدوغو اثبات اولونور. آذربايجان فولکوريک رقصي نين ريشه سي آذري لرين فرهنگ و تمدن لاريندادير.
اسکيدن ده رقص ، حماسي و پهلواني مراسم لرده ، شکارا گدرکن ، ساواش دا ( اورنک اوچون شاخسي ، گتير مق اولار کي محرم آييندا آذربايجان دا رواجي واردير. شاخسي اصلينده بير نظامي رژه دير کي ساواش دان گاباخ اجرا اولونورميش.)
آذربايجان خلق رقصي تاريخي ميزله آيرلماز صورت ده باقلي دير . اونو ملي خصوصيت لريم ميز ، معيشت و ياشاييش طريقي ميز اوزون دن نشان وريره.
بودا رقصين فرهنگيميزده نه قدر اهميت لي اولدوغونو گوستريره. آذربايجان رقص لري بير سري مختلف رقص لردير کي نسيل دن نسيله خلق آراسيندا گاليب و گتديق جه ريشه ساليب دير.بونلارين بعضي اصلين ده ديني مراسيم اوچون و يا محاربه يه حاضرليق اوچون ياراديل سادا سونرالار يانليز شنليک مجلس لرين ده گوستريله بيلير.
آذربايجان خلق رقصين ده قزاقي  ، لاله ، گيزيل گول ، عنابي و سايرلريني ده مثال گتيرماق اولار.بون لاردان علاوه ، دربندي ، عشق آباديعسگراني ، گارس و آيري ملي رقص لري ميز ده وار کي آذربايجان جغرافيا آدلاري ني اوزلرين ده ياشاديرلار.
اکينجي لرين ايستکلي حرکت لري ، محصول لاري نين چوخلو اولماقي ايستيي ني گوسترن بوقدا بيچيمي يادا اوزوم درمه ني گوسترن  حرکت لر ، آذربايجان داکي معنوي زندگانليقداکي دوره لري گوستريره. آذربايجان رقصي نده چوخلو چشيت گوزه ديير کي هر بيري نين معناسي فرق لي دير. بو رقصلري ليريک ، حماسي و غنايي شکلين ده ده آيرماق اولار .
ليريک رقص لر : ياللي ، شالاخو ، اوزون دره  تره کمه ، واغزالي ، سينديرما ، توراجي ، گولوم آي ، آلما ، لاله ، دستمالي ، يئري – يئري
پهلواني رقص  : قزاقي ، قفقازي ، لزگي قايتاغي ، کوراوغلونون قايتارماسي  کوراوغلونون باغيرتيسي ، ميصري ، زنجير توتماق   مراسم رقص لري : کوسا کوسا  آذربايجان ، مير زهيي ، آسماکسمه ، آغيرقاراداغي و...
بو رقصلرين هر بيري نين نقلي وار . مثلا ياللي دا کي آذربايجانين فرهنگ و کولتورون ده درين يرين وار حکيم نظامي گنجوي اشعاري آياق حرکت لري له چنگ ه وورولان زخمه ني گورسديري.ياللي سورنا ايله دهل سسيله ، ال اله ، منديل باشداکي شخصين الين ده و گروهي اولاراق اوينانان بير رقص دير.
لزگي : قفقاز رقص لري نه دييلير کي آذربايجان دا چوخلو اوينانان بير رقص دير . لزگي ريتميک و حماسي بير رقص دير کي چيشي لر گروهي اولاراق تک تک ، آياق ، دابان حرکت لريني سرعتلي شکيل ده اوينانير.بو رقص در آت کوشدورما تمثيل اولور کي ال لرينده خنجر وارميش کيمين سريع آياق حرکت لري الينير.
کوراوغلو رقصي : قديمي رقص لردن دير کي سورنا و دهل اشليقين ده اوينانير.صلابت لي  حماسي ، وپهلوان لار رقصي دير کي اول جه ياواش حرکت لري له باشلانيب ، سونرا تزلنير. بو رقص افسانوي قهرماني ميز کوراوغلو خاطه سي اوچون اوينانير. ميصري : عاشيق لار طرفين دن  مارشا بنزر بير ريتمي له ، آقر حرکت لري له  شمشير الده وارکن اوينانير.
سيزجه دنيادا تانينان رقصيميزي نه قدر تانيابيلميشيق ؟ دديخلاري ميز نه قدر آذربايجان رقصي ني تانيدا بيلير ؟ البته کي بو گوزل رقصين هر نقطه سينه اشاره الماق اولماز آما بو رقصين اصليني بيلماق دا اوز کولتورومو و فرهنگي ميزي تانيماقا يارديمجي اولور.بيزيم گوزل فرهنگي ميزده اييدليق و چاليشکانليق ، محبت و دوستلوق ريشه ساليب . اوز ريشه لري ميزي تانيرساق اير  غرب ده کي ريشه سيز و اصيل سيز موسيقي و رقصيني هنر بيلمز واونلاردان تابع اولان اولادلار يتيشديرمز اولوروز.
اير کي اوز فرهنگي ميزي تانيب و اوشاقلاري ميزا اورتماقي بيلرساق ، باشکا فرهنگ لرين غبطه سيني يمز اولوروق.
آذربايجان رقصي ني اوشاقلاري ميزا اورتمقه چاليشيرساق ، اصالتي ميزين بير قسمتي ني گوزلجه شکيل ده و جوان لارين نظريني جلب الين بير صورت ده ،  يني نسلي ميزه هديه اليه بيليريز.

منبع :