گاردا گالان محبت

بولگه لر سرويسي:گچديئيميز گونلرده بويوک ربيميزين بيزه ورن نعمت لردن اولان گار ياقينتيسي شهريميزين هر طرفيني ترتميز بير گلين گيبي سوسلدي . بياض رنگين ورديقي راحاتليق و گوزلليق مردمون اوزونه يانسيميش . اوشاقلار سوينيب گارتوپو اوينارکن ، کيشيلر گارلاري يوللاردان گوتوروردو . هر طرف ده حرکت واريده ..

بولگه لر سرويسي:گچديئيميز گونلرده بويوک ربيميزين بيزه ورن نعمت لردن اولان گار ياقينتيسي شهريميزين هر طرفيني ترتميز بير گلين گيبي سوسلدي . بياض رنگين ورديقي راحاتليق و گوزلليق مردمون اوزونه يانسيميش . اوشاقلار سوينيب گارتوپو اوينارکن ، کيشيلر گارلاري يوللاردان گوتوروردو . هر طرف ده حرکت واريده ..
اسکيدن گار ياقاندا گونشولار بير بيرينه يارديما گلير ، او سويوقلاري ، محبت ايستيليق لري له گچيديرديلر . تنديرده پيشن چورک لرين عطري ، علادين اوستونده گينين شوربا ، بويوک آتا آنالارين اوين يوخاري باشيندا ديرک اولدوخلاري واردي .
اينديده واربومحبت لر ، آما .... آما شهرده خوش اولمايان بير صحنه واردي کي ، بو گوزلليقه ياراشيقلي دييلدي . اودا بعضي تاکسي راننده لريميزين انصاف دياريننا چخماقلاريده. گاري بهانه ايليب مسافرلري يولدا گويان بعضي عزيز تاکسي راننده لريميزدن گلايه لر وار.
بو گاردا دشاردا اولان انسانلارين البت ايشلري واردير . هر کس مجبوريت اوزوندن گديب گلمه زوروندايدي البت . عمومي وسيله لردن بو گديب گلمه لره استفاده اتمله ري ده طبيعي بير مساله اولمالي . آما بعضي راننده لري ميز بونو فرصت بيليب و مجبوريت لردن استفاده ايليب ، حق و انصاف دان اوزاق اولان قيمت لري له مسافرلري ني آپاريب گتيرديلر .
سويوخدا گالان مردم سا ، مجبورگاليب بو هزينه لري اوديب مقصده يتيشيرلردي . آما مجبور اولوب دا بو ماليتي ورمين لر ؟
اونلار البته کي هر زمان اولودوقو شکيل ده ، داها چوخ زحمته دوشوب و داها چوخ لو آغري چکمليديلر.
البته کي بو تون راننده لري ميز دييل آما گوزل شهريمده ، محبت لي مردموم دا بير نفر ده بو ايشي گوردويسه ، گنه ده چوخدور هله کي بو مساله دن شکايتي اولان چوخلو همشهريميز واردير . معمولي گونلرده شهرين چوخلو يرلرينده ، الينده جريمه برگه سي اولان عزيز مامورلاري ميز وار ، شخصي راننده لري ميزي جريمه ايليب و تاکسي لرين نفعينه چاليشان قانون لاري ساقلاماق اوچون اولانلار . بو گارلي گونلرده ده بو عزيز مامور لاريميزين اولماسي ني ايسترديق ، تاکسي لري ميزين دربست اولما چاباسيني گورمه لري ني ، مردمون ايستگاه لاردا صف باقلاماسيني .
البته کي بودا شهريميزين مساله لرين دن اولان بير مساله دير . بوتون مشکل لر بو دييل ، اونلاردا آئيله سي اوچون چاليشانلاردير البته آما بيزيم شهريميز ده گورونن هر ناخوش تصويريازيليب دييلمسي لازم کي ، بو گوزل شهرده بويوين اوشاقلار ، بيرليقي و دوستلوقي اوئرنسين لر، بير بيريندن ال توتوب محبت هديه ورسين لر.
گازانماق اوچون هر گونوموز وار ، آما بو گونلرده  مال گازانماق دان چوخلو دوستلوق و محبت گازانماق لازم گورونور .
دمليق کي گوزل منظره لرده اولدو. مردمون بير بيريندن ال توتماسي ، گاردا گالان لارين ياردي مينا گاشماسي ، عزيز شهرداري مامورلارين دان ال توتماسي ، اوشاقلارين حيوانلارا يماق گويماسي هر بيري انسانليقين سيمگه سي اولان منظره لردي . ديلييميز بو کي گوزل شهريم ده دوستلوق دولو خاطره لريميز اولان بو يرده هر ياقان گاردا  او گوزل محبت دولو گونلري ميز گاردا دفن اولماسين .
 انسانليق خاطره اولماسين بيزه هر نه قدر ده ماديات لازم اولسادا ، محبت سيزليق بيزي اينجيتر . بيربيريميزي اينجيتمياق. يارديم ايلميي اوشاقلاري ميزا اونوت دورماياق .

منبع :