پارک آبادلاشديريليردي، يولدا تمير ايشلري آپاريليردي. يايين جيرهاجيريندا محبوس‌لار بالاجا بير گؤزلوک‌دن اطرافا باخماق اوچون بيربيريني عوض‌له‌ييردي‌لر. اؤزل دوستاق اييي سککيز آچارلا باغلي بو مينيتورمني باشينا آلميشدي. هله اوچ يوز کيلومئتر يول گئدسيدي‌لر. گؤزلوک‌دن چکن آزادليق جاذبه‌سي و خوشبخت‌ليک گؤرونتولري محبوس‌لاري ويجدانييلا اوز-اوزه قويموشدو: کيمي ائتديگي‌نين جنايت اولدوغونون فرقينديدي کيمي دوغرو آدديم آتديغي امين‌ليگينده... اما هله، هره اؤز حسابيني اؤز ايچينده چکيردي. آذرين بئينينده بير جمله کؤهنه پاتئفون والي کيمي فيرلانيردي: "حيات آدامي باشين‌داکي پاپاغي قوروياندا بئله باغيشلامير.بو سؤزلري اونا اون دؤرد ايل حبسده ياتميش بير کيشي سؤيلميشدي. غيرتي‌نين قوربانينا چئوريلميش، اون دؤرد بيچاق ضربه‌سينه اون دؤرد ايل محبس حياتي سورموش قاتل سووئت [شوروي] دؤنمين‌دکي جينايتين‌دن دانيشيردي: "او اون دؤرد ايلده هر گون مني اينجيديب، ثبوت ائتدي‌لر، من "اُوغراش»ام. تورمه‌دن چيخاندا گون اوزو گؤرمه‌ين خانيميمين تنديرده چؤرک بيشيرمک‌دن اوزو قاپقارا قارالميشدي، قيزيم آتا‌سيز گلين کؤچموشدو، اوغلوم آتا‌سيز بؤيوموشدو...« بونونلا دا اونا - آيري‌سي‌نين ناموسو اوستونده ووروشموش آذره دئمک ايسته‌ميشدي، گرک باش قوشمايايدين. تانيماديغين ياد بير قيزجيغازا گؤره اؤز قيزيني تک بوراخماق مجبوريتينده قالمايايدين.بونو اونا چوخ‌لاري سؤيلميشدي، اما ندنسه بو کئچميش دوستاغين سؤزلري داها چوخ ياديندا قالميشدي.بلکه ده، ائله بلکه‌سيز ده اونونچون دانيشميشدي‌لار، ايسته‌مه‌ميشدي‌لر داها بير ائو باش‌سيز قالسين، داها بير قادين تنديرده چؤرک بيشيرمک‌دن قاراليب بالاسيني اوزوآغ ساخلاسين، داها بير قيز آتا‌سيز گلين کؤچسون، داها بير اوغول آتا‌سيز بؤيوسون، آتا ديري اولا-اولا... اون دؤرد ايل مؤهنتله دؤيونمه‌يه، چيرپينماغا غيرتي چاتان بير اورک صاحبي‌نين "ناحاق باش قوشموسان دئمه‌يي ائله بئله مسئله دئييلدي. پنجره‌دن باخماق نؤوبه‌سي آذره چاتميشدي. آما امتنا ائله‌دي، هئچ نه دئمه‌دي (نئچه واختدي هئچ نه دانيشميردي)، ساده‌جه، باشيني بولادي. نه بولواري، نه دونيا ايشيغيني، نه هر شئي‌دن خبرسيز ساکت-ساکت دالغا‌لانان بايراغي گؤرمک ايسته‌ييردي. ايکي گون‌دن سونرا تزه‌جه عالي مکتبه داخل اولموش قيزي رايون‌دان باکي‌يا گله‌جکدي. اوخوماغا.او، قيزي‌نين يانيندا اولمايا‌جاقدي. ايلک درس گونو مکتبه آپارا، ايلک هفته‌سونو بولوارا گزمه‌يه چيخارا بيلمه‌يه‌جکدي. اؤز باشين‌داکي پاپاغي قوروياندا بئله آدامي باغيشلامايان حيات، اؤزگه پاپاغيني قورودوغو اوچون اونونلا نئجه داورانا‌جاقدي، گؤره‌سن، اونا حياتي نئچه ايله باشا سالا‌جاقدي، جزا بير يانا اونو - هله ده اؤزونو گوناهکار سايمايان بو "گوناهکاري پئشمان ائدجکديمي، هانسيسا بيريني حاق يولون‌دان دؤندريب، "گرک باش قوشمايايدين دئيه‌جک قدر سينديراجاقديمي؟ آخي "ايچري دکي آدامين چؤل‌دکي حيات‌دان قورخوسو تأثير امکان‌لاري‌نين صفر اولماسين‌دان يانادي.آخي اينسان گوجلريني ايتيرنده عاجزلشير.آخي اينسانين حاق يولوندا فداکارليغي‌نين دا سرحدلري وار. بير سؤزله، پئشمان اولاجاقديمي؟ ايتيرديک‌لري خلاص ائتديگي او بالاجا قيزجيغازين حياتين‌دان باهامي اولا‌جاقدي؟بلکه ده هه. بلکه ده يوخ
بولگه لر سرويسي:ç"وورونوک شهرکناري بولوارلا پارالئل »موازي« يول ايله ايره‌لي‌له‌ييردي. ايره‌لي‌له‌ييردي دئمک ده اولماز، "آدديم-آدديم قاباغا گئديردي.