دوستلوغون سيرري

ايندي بورا‌دان گئدرسينيز لاپ شهر‌دن چيخحاچيخدا قاباغينيزا هوندور بير ايمارت چيخاجاق.

آذربايجان ناغيللاري
بولگه لر سرويسي:ايندي بورا‌دان گئدرسينيز لاپ شهر‌دن چيخحاچيخدا قاباغينيزا هوندور بير ايمارت چيخاجاق.
 اورادا احمدله, مممد آدلي ايکي دوست اولور. آختارديغينيزي اورا‌دان اويرنه بيلرسينيز. مليکله کئچل قارينين يانين‌دان چيخيب باشلادي‌لار يول گئتميه, بير آز گئتميشدي‌لر کي, گؤردو‌لر شهرين کناريندا بير چوبان قويون اوتارير. اونا ياخينلاشيب دئدي‌لر:- آي چوبان قارداش, بلکه سن بيله‌سن, بورا‌لاردا احمدله مممد آديندا ايکي دوست وار, اونلار هارادا اولور‌لار? چوبان دئدي:- ائله من اونلارين قويون‌لاريني اوتاريرام. اودور باخ, او ئوزاقدا گؤرونن هوندور ايمارت اونلاريندي.مليکله کئچل بير خئيلي گئديب همن يئره چاتدي‌لار. قاپيني دؤيدو‌لر. قاپييا احمد اوزو چيخدي.مليک دئدي:- بيز قريب آداميق, قالماغا يئريميز يوخدو, اوزو ده سيزينله ايشيميز وار. بيزي بير گئجلييه قوناق ساخلايا بيلرسينيزمي? احمد دئدي:- قارداش, قوناغا گؤزوم اوسته يئريم وار, بويورون ايچري.احمد قوناق‌لاري آپاردي ائوه. اورا‌دان, بورا‌دان صحبت ائلين‌دن سونرا اورتاليغا يئمک گلدي. احمد قوناق‌لارا يئمک تکليف ائلدي.
هئچ بيري اليني سوفريه ئوزاتمادي. کيشي نه قدر ائلديسه مليکله کئچل يئمدي.- نييه منيم چؤرييمي يئميرسينيز? مليک دئدي:- قارداش, بيز گلميشيک سنينله دوستون مممه‌دين سيرريني اويرنميه. اگر بو سيرري دئمه‌سن, اليميزي سوفريه ئوزا‌دان دئييليک.احمد گؤردو کي قوناغي چوخ ترس آدامدي, سيرري دئمسه اليني سوفريه ئوزاتماياجاق. اودور کي, دئدي: قارداش, سيز قولاق آسين, ايندي من اوز سيرريمي آچيم. منيم جاوانليقدا چوخلو دوست‌لاريم واردي. گونده بيري ايله کئف چکيب, واختيمي کئچيررديم.بير گون آتام دئدي:- اوغول, سنين کي, بو قدر دوستون وار هئچ اونلاري سيناييبسانمي? من دئديم:- آتا, يوخ من بيليرم کي, اونلار منيم ياخين دوست‌لاريمدي. گؤرور‌سنمي, هر گون گلير‌لر يانيما; مني گولدورور‌لر, داريخماغا قويمور‌لار اوزلرين‌دن ده هئچ بير پيسليک گؤرمه ميشم.آتام دئدي:- اوغول, سن هله اوشاقسان, آدام هر اوزونه گولنه دوست دئمز.
اونلارين چوخوسو يئمک دوستودو, ايندي آز-چوخ دؤولتيميز وار, ميلچک شيريه ييغيلان کيمي اونلارين دا چوخو يئميه-ايچميه گلير سن ده ائله بيلير‌سن کي, سني ايستييب گلير‌لر, گل بير-بير دوست‌لارينين اوره ييني يوخلا.آتامين سؤزون‌دن سونرا, گون‌لرين بيرينده بير قويون اولدوروب سالديم بير چووالا, آغزيني دا باغلاييب آلديم داليما, آخشام شر قاريشاندا دوشدوم قاپي-قاپي دوست‌لاريمين ائوينه, هانسي دوستوم قاپييا چيخديسا چووا‌لي يئره قويوب دئديم.- بو گون اليم‌دن بير خطا چيخيب, ووروب پادشاهين ان چوخ سئودييي قوچو اولدورموشم, اگر شاه بو ايشي بيلسه, مني دار آغاجين‌دان آسديراجاق.ايندي قوچون جمعدييني گتيرميشم کي, سيزده گيزله‌ديم, سن نه دئيير‌سن? دوستوم قاش-قاباغيني تؤکوب دئدي:- جانيم, ال چک ياخام‌دان, قلت ائلمديم کي, سنينله دوست اولدوم,ايندي اولمورام.چووا‌لي داليما گؤتوروب بوتون دوست‌لاريمين يانينا گئتديم.احوالاتي سؤيلين کيمي هاميسي قاپيني اوزومه باغلاييب مني قوودو‌لار. او گئجه دوز اوتوز دوققوز دوستومون ائوينه گئتديم, هئچ بيري مني ياخين قويمادي.کور-پئشمان قاييديب گلديم ائويميزه بير‌دن ياديما دوشدو کي, يولون قيراغيندا منيم بير کؤحنه تانيشيم وار.اونونلا او قدر ده ياخين دئييلديم. ايسته ديم بونون قاپيسيني دؤيم, اوره ييمه گلدي کي, گئجگوندوز ائويمده يئييب ايچن دوست‌لاريم منه يييه دورمادي, بو نئجه يييه دورار? بير‌دن لنت شيطانا دئييب, قاپيني دؤيدوم, کيشي اوزو چيخدي قاپييا. سلاملاشيب دئديم:- تصادفن ووروب پادشاهين قوچونو اولدورموشم, ايندي اونو گيزلتميه يئر تاپميرام, گلميشم سنين اوستونه کي, منه بير کؤمکليک ائده‌سن.
کيشي دئدي:- اولا, سن اوزگه‌نين قوچونو اولدورمکده چوخ پيس ايش گؤروب‌سن.داها اولان اولوب, کئچن-کئچيب, ايندي گرک سنه کؤمک ائليم. بير قوچ‌دان اوترو سني اولومه وئرمک اولماز.کيشي بئل, کولونگ گؤتوروب دئدي:- دوش قاباغيما, گئدک جمعديي شهرين قيراغيندا بير يئرده باس‌ديراق.بيز ايکيميز ده يول باشلاييب گئتديک.بير خئيلي گئدن‌دن سونرا کيشي چووا‌لي من‌دن آلدي کي, سن يورولوبسان, وئر بير آز دا من گؤتوروم.من چووا‌لي وئرمک ايستمديم, اما زورلا اليم‌دن آلدي. گئديب بير بالاجا آرخين قيراغينا چاتديق بو آرخين بؤيرونده بير چوخور قاضيب چووا‌لي يئره باس‌ديرديق, اوستونو تورپاقلايان‌دان سونرا کيشي دئدي:- دوستوم, گل بو آرخي بير بالاجا بري‌دن قازاق, سو دوز چووالين اوستون‌دن آخسين. هئچ کيمين آغلينا گلمسين کي, بورادا بير شئي وار.ايکيميز ده آرخي بير آزجا بري‌دن قاضيب ايديک, سو دوز قازديغيميز يئرين اوستون‌دن گئتدي. سونرا من کيشي‌دن چوخ راضيليق ائلديم, قاييتديم ائويمه.
صاباح آچيلدي, گئتديم هامان دوستومون يانينا کي, اونا يئنه راضيليق ائلييم. دئدي‌لر ائوده يوخدور, فيلان بيين تويونا گئديب. اوزؤزومه فيکيرلشديم کي, بو دوستلوقدا صداقت‌لي آداما اوخشايير. ايندي ده قوي بونون سيرر ساخلايان اولوب-اولماماسيني يوخلاييم. اودور کي گئتديم همن توي مجليسينه. گؤردوم شهرين نه کي منم منم دئين آدام‌لاري وار, هاميسي بوردادي. دوز گيرديم ايچري, گؤردوم دوستوم يوخاري باشدا ايلشيب. اونون آدي مممد ايدي. سسيمي ئوجالديب دئديم.- ه, سنين آتان بئله, آنان بئله, بير چيخ ائشييه, گؤر سنين باشينا نه اويون گتيرجيم. دوستوم منيم بو سؤزوم‌دن هئچ کئفيني ده پوزمادي,دئدي:- ه, احمد يئري گئت, سؤيمور‌سن نه ايستيير‌سن دئ, قورخما, دئمرم کي, سو نيين اوستون‌دن آخير.من دوستوم‌دان بو سؤزو ائشي‌دن کيمي باشا دوشدوم کي, بو چوخ مؤحکم آدامدي.او گون‌دن مممه‌ده اولان محببتيم بير ايديسه, اولدو مين. گئديشگليشيميز گونو-گون‌دن آرتدي. ايش ائله گتيردي کي, مممد اوزگه شهره گئده‌سي اولدو. ائو-ائشيک‌لريني ساتيب, آتاسي ايله بيرليکده کؤچدو‌لر اوزگه بير ويلايته.آرا‌دان بير مدت کئچدي, آتام-آنام اولدو اليم آشاغي دوشدو,دولانا بيلمه‌ديم. بير باجيم قالميشدي, اونو دا گؤتوروب گئتديم اوزگه بير ويلايته. هئچ يئرده ايش تاپماديم, اليمده اولان پولوم دا قورتاردي, جيرجين‌دير پالتارين ايچينده قالديم. بير ده اويرنديم کي, دوستوم مممد بو شهرده اولور. يئميه بير تيکه چؤرييميز يوخ ايدي باجيم آجين‌دان تاقت‌دن دوشموشدو. فيکيرلشديم کي, گئديم هئچ اولماسا مممه‌دي تاپيم, بير آز اوندان بورج آليم. سوراقلاشاسوراقلاشا گئديب قاپيسيني تاپديم.    آردي وار

منبع :