ديره ک

بولگه لر سرويسي:اونون اوجا سسي له يوخدان اويانديم. ته له سيک يئريمدن قالخيب، اوشاق لاري اوياتديم. مطبخه گئيريب چايدانين آلتين يانديرديم. گئجه دن مطبخده ميزين اوستونه، شکر، شوشه ده مورابا، پيالادا بال ايستيکان نعلبکي، چاي قاشيقي، قيريلميش قند پنير، سفره دته ده چوره ک قويموشدوم

بولگه لر سرويسي:اونون اوجا سسي له يوخدان اويانديم. ته له سيک يئريمدن قالخيب، اوشاق لاري اوياتديم. مطبخه گئيريب چايدانين آلتين يانديرديم. گئجه دن مطبخده ميزين اوستونه، شکر، شوشه ده مورابا، پيالادا بال ايستيکان نعلبکي، چاي قاشيقي، قيريلميش قند پنير، سفره دته ده چوره ک قويموشدوم
مني حيرصلي حامامدان سسله دي: حوله مي_گئتير گل سشوار توت باشيمي قورولدوم
مطبخه قاچديم چاي دمله يم، يئنه سلسله ندي:
 منيم کوينه ييمي گتير. تئز کوينه يي الينه وئرديم
 جورابلاريم هاني؟ تئز جوراب لاريني تقديم ائله ديم
 ماما براي تغذيه پول بده، ناظم هم پول شيشه اي که شکستم خواسته واسه اونم بده، آيدين دئدي باش بارماغيمي بورئومون اوستونه قويوب سيس دنديم. ياواشجا اونا پول وئرديم ، اوزومه بير اووج سو ووردوم، گوزه فايدان رنگي مدادي چکديم، بيربالاجادا صيفتيمه اينيک ياخديم. پالتاريمي دييشديم گونده کي کيمي اداره يه گئتميه حاضير لاشيرديم.
اوشاق لارا شيرين چاي دوزلديب، چوره ک لرينين اوستونه کره و بال ياخديم. اونادا چاي توکوب سيني ده اوتاغينا آپارديم.
 منه ايکي يومورتا پيشير دئدي. ياخچي ياغ لا بيرچيمديکده ايستي اوت توک، دئدي. تئز اول يوبانما مطبخه قاچديم. تاواني گاز اوسته قويوب. ياغ توکدوم، هوولدون ياغ چوخ داغلاندي يومورتالاري ياغين ايچينه چالاندا ياغ اوزومه سيچيرادي
 ماما روپوشم اطو نداره، سارا دئدي سسي اوتاغي بورودو به نه اولدو بو يومورتا؟ تويوخلار يومورتامادي!! زهره چيخسين بير گون ايسته ديک بير تيکه چوره ک ييک!! بو خاراباد!!!
ساعاتين قولونا باغليا- باغليا ساعاتي گوستردي  کورسان گورموسن گئج اولدو گونده بو ساعات گئتميشديم
يومورتاني تاوادا گتيرديم بير تاوايا باخدي بير منه برلدي  نيه قورودوبسان، بيلميرسن ايليخ سئويرم؟! ديسين ده ده وون تپه سينه                             
آتام ياديما دوشدي اوره ييم سيخيلدي
حيرصلي پئنجه يين آسقي دان گوتوروب راهروا چيخدي
راهرودا يئنه سس لنديبير ياش دستمال گئتير باشماغيمي سيل تئز!!گوردوم چايين ايچمه ييب، بير اليمده چايي و بير اليمده ياش دستمال راهرو کئچديم بير قند گوتوروب آغزينا قويدو. بير قورتوم چاي ايچيب- ايچيب مه ميش قندي آغزندان چيخارديب ايستکانين ايچينه سالدي، اوزون تورشاديب حيرصلي
 بوز کيمي چاي نييه وئريرسن منه؟ اوره ييمي قالخديريرسان! نه دوشمن چيليين وار، دئدي و دئيينه- دئيينه گاراژا ساري گئتدي!!آدين تئز گاراژين قاپيسين آچدي، قاپينين باغلانماغينين سسيني ائشيدن همن پنجره دن ائشييه باخديم گئتمه ييندن آرخايين اولوب دينجلديم.
 سونرا قاديب مطبخين اورتاسيندا دايانديم گونده کي کيمي مطبخ ميزي نين، اوستونده بوشالميش چاي و سود فنجان و ايستيکان لاري چوره ک خيردالاري تاودا قوروموش يومورتا گوزه چارپيردي. آيدين و سارانين سرويسي گلدي، اوزومو اوپوپ مدرسه يه ساري يولانديلار
پنجره يه ياخين صندل ده ايله شيب گوزلريمي يومدوم. اوزون ايل لر يورجوسي بيرهاودا تکراري گوردويومو ايش لردن، ائشيدييم فرمان لاردان و دانناق لاردان داي يورولموشدوم
ايل لر يوروغونو ايدم. گوزو باغلي دييه بيلرديم نه قده ر ايش وار، حامامدا قالانميش چيرک لي پالتارلار، قيريش- قيريش کوينک لر واکس سيز باشماق لار، يويولماميش قاب قاشيق لار، سوپورولمه ميش اوتاق لار، ائوه لازم اولان آيين اويون سياهه سي، وئريلمه ميش سو، برق، گاز ، تئلفون قبض لري، بوياغ سيز باشيمين توک لري، هامي سي گوزومون قاباغيندا جانلانيردي
راديو ساعات سکگيزي بيلينديردي، غفلتن ياديما دوشدو کي بوگون اداره يه گئتمه لي دئييلم، نييه کي دونن گون چيخماميش مييانايا ماموريتينه گئديب و گون باتانا گلميشديم، اونا گوره بوگون ماموريت دن حسابا گليرم، سئوينه سئوينه ايش پالتاريمي چيخارديب ائو پالتاريمي اينيمه چکديم
راديو آپاريجي سي ساعات تيک تاکيندان دا اوساندريجي بير سس له وئريلميش اعلان ائديردي عزيز دينله ييجي لر، ليندي سيزين اوچون حاضيرلاديغيميز خوشبخت عايله وئرليشيني ائشيديرسينيز، وئرليشين بوگونگو قوناغي دوکتور افروز و دوکتور فردوسي جناب لاري دير بيليدنيز کيمي فداکارليق، سئوگي و علاقه اوغورلو عايله قورماغين باشليجا گره ک لري دير اصلينده سوزوموز سيز قادين لارلادير. سيز عائله نين ديرک- داياغي سينيز.
 اوشاق لاري و ارينيزين خوشبخت اولماسي اوچون هر گونو ماراغ لا باشا وورون قويون ائو آداملاري بختورليک له، هيجان لا شاد ياشاماغي تجربه ائتسين لر،آرخايين اولون نتيجه آلارسينيز
دوکتور افروز و خانيم افروز فردوسي دانشماميش بيرماهني چاليندي
گوزوم ديواردا کي ساعاتا ساتاشدي، ساعات دوققوزدان 15 دقيقه کئچيردي. ائو آداملاري نين گلمه يينه بئش ساعات قالميشدي، وار گوجوم له ائوين تميزلييينه باشلاديم. نئچه ساعاتدان سونرا ائو تميزليکدن پارپار پاريلداييردي، پالتارلار يولوب اتولنميش و هر يئر ساهمانا دوشموشدو
يئمک لرين خوش قوخوسو مطبخي بوروموشدو.
او گويرتي دن اوترو ساريمساق دان اوترو اولردي، قيز ترشي سئوردي، اوغلان سالار خوش لاردي، هامي سينين گويلون آلماعا ايسته ديک لرين حاضيرلاميشديم، پالتاريمي دييشديم، گوزگو اوندن سورووشارکن دايانيب، سولغون گوزومه رنگ روخوما باخديم، بزييمي تزه لديم. اذان سسي ائو آدام لارينين قايتماغيندان خبر وئريردي.
 راديودان ائشديييم سوزلر قولاغيمدا جينگيلده ييردي، شن ليک و سعادته لازم اولان »گره ک لري« حاضيرلاشديريرديم، گونده ماراق لا باشلاميشديم، بيرناوار سالديم ضبط صوتا (اشک من هويدا شد ديده ام چو دريا شد) کدرلي اولدوغونا گوره تئز دييشديم، بير شاد ناوار قويدوم، دوستت دارم خيلي زياد، فارسجا ايدي خوشوم گلمه دي، تورکو بيرناوار تاپيب قويدوم گوچه لره سوسپميشم، يار گلنده توز اولماسين ائله گلسين ائله گئتسين/ آراميزدا سوز اولماسين. يورغونلوغومي آلماق اوچون گوزلريمي يوموب اتورماق ايسته ييرديم کي اتورماميش تئلئفون زنگيني ائشيتديم، تله سيک دسته يي گوتوردوم او دئدي: منه باخ عزيز دوستوم عائله سيله تشريف گتيريب، اونلاردان ريجا ائديرم گلسين لر ائوه، ناهار حاضيردي؟
جاوابا دوزمه دن دئدي منيم ايشيم چوخدوراداره ده قالمالي اولدوم، منه ده ناهار يولا گلسين مش حيدر قواناق لاري گتيرنده. منه ناهار وئر گتيرسين.
اوشاق لارين دا دالينجا گئده بيمله ديم اوزلري گلرلر، گئجيک سه لر منه خبر وئر
- نئچه نفرديلر جمله سي آغزميدا فالدي دسته يي قويدو
قوناق لار گلمه ميش اوشاق لار يولدان يئتيشديلر. آيدين سالام دان قاباق، ناهار چي داريم؟ سوروشدو. سارا مطبخه گيريب مني اوپدو، اوره ييم ايشيقلاندي  سارا جان گورورسن بوگون صبح دن بير دونيا ايش گورموشم سارا گوله- گوله دئدي: الين بوش دير، نييه اوزونو يورورسان، بير گون ده ائوده قالاندا اوزوندن چيخيرسان ها! تئز اول منيم يئمه ييمي گتير يئييم کي آجيمدان اولورم. قوناق لار يئتشدي لر مش حيدر قاپيدا دوروب ناهارآپارماغا مطبخدن چيخاندا گوزگونون اونونده بير ديرک گوردوم....

منبع :