گور با گور

بولگه لر سرويسي:هر گون کئچديکجه اؤزونو داها بالنيز، کيمسه‌سيز و چاره‌سيز حس ائديردي! اوشاق‌لار هله هوله ايچين، بير– بيري نين جانينا دوشوب، ديديشيرديلر. گئجه – گوندوز ديغلاييردي. اونلار بؤيويرکن، ايستک‌لرينين داها چوخالديقلاريني و ايشي‌نين آرتيق چتينلشدييني بيليردي… قاپيني آللاوئردي‌نين اوزونه باغلاديغي گوندن بري، ياشامي‌نين زهرمار اولدوغونو ياخشي بيليردي!

آذربايجان ناغيللاري
بولگه لر سرويسي:هر گون کئچديکجه اؤزونو داها بالنيز، کيمسه‌سيز و چاره‌سيز حس ائديردي! اوشاق‌لار هله هوله ايچين، بير– بيري نين جانينا دوشوب، ديديشيرديلر. گئجه – گوندوز ديغلاييردي. اونلار بؤيويرکن، ايستک‌لرينين داها چوخالديقلاريني و ايشي‌نين آرتيق چتينلشدييني بيليردي… قاپيني آللاوئردي‌نين اوزونه باغلاديغي گوندن بري، ياشامي‌نين زهرمار اولدوغونو ياخشي بيليردي!
بير ياندان دا ائيلشديکلري کومه‌ني الدن وئريردي، چونکو آللاوئردي کرايه ايسته‌ييب، زيور يئتيريب وئره بيلمه‌ديگي ايچين، اوردان چيخمالاريني ايسته‌ميشدي!قارا يازي آرواد، کله‌فين اوجونو ايتيرميش آدام کيمي‌معطل قالميشدي.
او ايسه، آرتيق زيورين ال – آياغينا دولاشميردي، آمما اورادان چيخمالارينا آياق‌لاريني بير باشماغا قيسميشدير…بوتون قاپي‌لار اوزونه باغلانميشدي، نه چکديييندن، بالالاري‌نين کورلوق‌لا کئچيندييندن، تام يوخسوللوق‌لاريندان هئچ بير کيمسه‌نين خبري يوخ ايدي!جانا گلدي! اؤزونه قراريني وئردي…….بو گون آللاوئردي، کرايه ايچين گله‌جکدي؛ آياغا قالخدي، قوللاريني چيرمالاييب، بئزه – دوزه‌يين گوتوروب، قيرميزي چيچکلي کؤينه‌ييني گئييب، آغ چارشابيني اؤرتدو!آللاوئردي نين گوزلري بره‌لميشدي، حيرت دن آغزي آچيق قالميشدي!
کرايه‌ني وئرديگي زمان، اوزونون بوتونو گورونمه‌ين زيور، ايندي گؤزل بير رسيم کيمي‌اونون قاباغيندا دايانيب، شيرين بير گولوشله کرايه‌ني الينده ساخلاميشدي. آللاوئردي‌نين دومبا گؤزلري چه‌ره‌ليب، يوغون دوداق‌لارينا بير جانلي گولومسه‌مه ائيلشدي، آلني‌نين تريني سيليب، کرايه‌ني آلمادي!!بير نئچه ساعات اوندان سونرا، شافاق قارالديغيندا، دولو نايلون‌لارلا قاييديب، اوشاق‌لارين الينه وئريب، قاييتدي… زيورين گؤزلري دولو رضايت‌له، بالالارينين سئوينج سس‌لريني دوياراق، بالاخانانين پيله‌کان‌لاريندان يوخاري چيخيردي!او گوندن بري، زيورين زندگانليغي، گئت – گئده ياخشيلاشدي….

منبع :