گؤزلري‌نين بيريسي تپهسينده، او بيري ايسه آياغيندايدي. قاپي‌نين دؤرد بوجاقلي گؤزلري قاپالي اولسايدي دا، اونا دنيانين ان قورخونج گؤزو کيمي گلدي. موقتده[1] قالديغي سلّولون قاپيسي‌نين بير گؤزو واريدي؛ او دا تپهسينده ايدي.ترپنمه‌دن قاپي‌نين اؤنونده آياقدا قالدي. گؤردوک‌لرينه اينانا بيلميردي. قره‌ني بورداگؤرمک... اؤزو ده هئچ تخمين ائتمهدييي بير يئرده... اؤزويدو! يوخسا اورهييم يئرسيز دؤيونمزدي. قيوريم توک‌لري، قاش-گؤزو، دوروشو هئچ دييشمهميشدي. آباجي دئميشکن: »قرهخان« ايدي. گئنه يتيم اوشاخ‌لار کيمي قول‌لارين سينه‌سينده قيفيللاميشدي. سار-ساققالي هئچ ده اوزونه ياراشميردي. نه ده بوي-بوخون آتيب! او دوروشوق... سهو ائتميرم. لاپ ائله اؤزويدو. آباجي‌نين »قره خاني« ايدي، قره!..نه بيليم! بلکه ده سهو ائديرم؟ اوتانيب، چکينمه‌سه‌يديم، اَييليب اوزونه، گؤزلرينه ياخيندان باخارديم.گؤزلرينده قاپ-قارا اويناغان ببک‌لري بير داها گؤره بيلسه‌يديم... نئجه ده اونون نملي گؤزلري اوچون، ايسلاق-ايستي باخيش‌لاري اوچون داريخميشام. يووو... سهو ائديرم. اونون بوردا نه ايشي اولا بيلر؟ آباجي اذن وئرمز »قره خان«ين آياغي بئله يئرلره چاتسين. اما اؤزويدو، قره‌ايدي قره...دمير قاپي آچيلدي. اونو سلّولا گتيرن قادين قاراوول اليندهکي سوروتمهلري قاپي‌نين آغزيندان ايچري تولازلارکن:»باشماق‌لارين ياددان چيخيب!« - دئدي.هؤولهسک اييلدي کيکرزلري‌نين[2]باغيني آچسين. چيتمهييني آچديغيندا، باغي ترسينه چکدي. باغ دويون دوشدو. قاراوول بير آياغين گؤتوروب، او بيري آياغين قويوردو؛ توالت قاپيسيندا نوبته دورموش کيمي بير حالي وارايدي. قاش‌لارين ييغيب «تئز اول!» - دئدي. اونونسا هؤول جانيني گؤتوردو. ال-آياغيني ايتيردي. ديرناغييلا دويونو آچماغا چاليشدي. توتولاندان بري ديرناق‌لارين توتماميشدي. قاراوولون دوردوغو يئرده قيميلدانماسي، اونو داها آرتيق کيريخ ساليردي.»هلهنه ياخجي ديرناخ‌لاريم اوزوندوهاا...« عقليندن کئچه‌ني قاراوولا دئمک ايسته‌سه‌ده، سوسدو.قاراوول بير داها سسلندي:»به نه اولدي؟ بير دويونو آشماغا دا باشاريغيزيوخدي؟.. يازيخ آنالاريز... هله منه هر اويوندان چيخيللار... پوخ يئماخليغا باخ!..«دويونو آچماغا چاليشيرکن، گؤز آلتي قاپيدان باشيني ايچري اوزالدان قاراوولو سوزدو. قاراوول قارا چرقدي‌نين اوج‌لاريني قولاق‌لاري‌نين داليسيندان کئچيريب، تپهسينده دويونلهميشدي. قارا گؤزلري، آلينماميش قاش‌لاري‌نين آلتيندا، عصبي، کدرلي و اوزونتولو گؤرونوردو. سيگارايا آليشقانليغي اولان آدام‌لار کيمي دوداق‌لاري گؤم-گؤي گؤيرميشدي. بوزومتول پالتاري‌نين دويمهلري آچيق‌ايدي. قارا بولوزونون اوستوندن بئلينه ساريديغي ياشيل رنگلي شال بلليايدي. ديزلري‌نين آلتيندا، آغ-قرمزي رنگلي تومان کئشي، قالين، قارا جوراب‌لاريني سويروشمه‌دن ساخلاميشدي.سونوندا دويونو آچدي. باشماغي‌نين او بيري تايي‌نين چيتمهييني آچيرکن، دويون سالماسين دئيه دقت ائتدي. باشماق‌لاريني قادينا وئردي. آياق‌لاري سويوق سيمنتين اوستونده اوشودو. قادين قاپيني قاپادارکن»دمپايي‌لارين پولونو دا فاب-صابون‌لا بيرليخداحسابلاريخ« - دئييب قاپيني چيرپدي. تاققيلتي باشي‌نين کاساسينا چيرپيلدي. سيمنتدن قالخان سويوق، آياق‌لاريندان يوخاريياقالخينجا،اوشوتمه جانيندا اوتوردو. دريسيني گيزيلدتدي.
بولگه لرسرويسي:قاپي قاپاندي. دؤنوب باخديغيندا ايکي گؤزلودمير قاپي، بير آشاغي، بير يوخاري اونا باخيردي.