تورپاق

بولگه لر سرويسي:چوخ زامان دير گوزو يولدا، قولاغي سسده ايدي. ايسکندردن خبر يوخ ايدي.

بولگه لر سرويسي:چوخ زامان دير گوزو يولدا، قولاغي سسده ايدي. ايسکندردن خبر يوخ ايدي. قيش قورتارماقدا ايدي. نوروز بايرامي ياز مژده سي وئريردي، نيگران حالدا پنجره اونونده دايانيب قارنليقا جومان حيطه باخا- باخا سحرين آچيلماسي گوزله ييردي. حيطين اورتاسيندا اولان آغاج لارين يارپاغين يئل ترپر ديردي. باغچا هله بئللنمه ميشدي، دويوش بولگه سيدن گلن لردن ايسكندرين سوراغيني توتموشدو. اونون ساغ اولماغيني دئميشديلر، اونون ساغليق خبري آنانين قلبيني سئوينديرميشدي. قابي دؤيولدو، زوبيده گوزونو قاپي يا زيلله ميشدي، کيپريک ده چالميردي. ايسکندر قاپي ني اوز آچاري ايلا آچيپ ايچري گيردي،زوبيده گوردويونه اينانميردي. سئويندييين دن آز قالدي باغري چاتلايا، اياق ياليان قاپي يا ساري قاچيب ايسکندري قوجاغلاييب باغرينا سيخدي، دئدي:
اوتور باشينا دولانيم آي بالا، خوش گليب سن.
ايسکندر دويوش پالتاريني دييشمه ميش آناسي دئدي اوغلوم، آسلانيم، جيياريم! دئه گوروم ديوش بولگه لرينده نه خبر واريدي؟ نه خبر دويوشوندن، مئيداندان؟ گل اوتور قادان آليم سندن اوترو اوره ييم بير تيکه ايدي، گل بالا گل اؤز يانيمدا اوتور ايسکندر آناسينا ساري دونه رک آرام لحن ائله دئدي:آنا دويوش ميدانيندان خوش خبر کي يوخودو، دويوش بولگه سينده قاندير، اولوم دور، نئجه دئييم گوزومون قاباغيندا يولداشلاريم، دوستلاريم، هم سنگرلريم دوشمان آتشيندن پارچا- پارچا اولدولار. نئجه دئييم نئچه سين اسير توتوتدولار، نئجه دئييم دوشمان بول- بول باشدان آياغا سيلاحلانيب اودا مدرن سلاح لارلا، آمما بيزيم سيلاح حلاريميز پاسلي و آزدير، بيزيم دويوش ميدانينا گلن لر چوخو او قدر اوشاق دير کي سيلاحي چينينده، الينده ساخلايا بيلمير. اي آنا جان درديمي تزه له مه. خيياليمدا اولان يارالاري دئشمه، قوي بير نئچه گون خياليم راحات قالسين. دويوش ووروش، سلاح فانوسقاني ياديمدان چيخارديم.زوبيده داغي داشي دلن بير آه چکيب سوکوتا گئتدي. ايسکندر آناسينين سوکوتون پوزماق ايچون سوزونون آرديني توتدو. زوبيده يئنه دريندن بير آه چکيب ديک اوتوروب ايسکندرين ماوي گوزلينه گوزون زيلله ييب دئدي آناجان آخي فارسلار دئيللر«جهان ديده بسيار گويد سخن» بئله کي دئييرسن دويوش ميداني بير دونيادي دئيه گوره ک داي نه خبر؟آي آنا باشينا دولانيم، ديلي گلر گلمز چوخ خبرلردن حخبريميز يوخدو کي!! فرمانده دئدي زوبيده هوول ايسکندره ساري باخيب ماوي گوزلرين بوتون آچيب ديگ باخاراق: نه خبر؟خبر بودورکي، تئزليک له بورادان گئتمه ليسن پنجردن حيطه ساري باخديقدان سورا آناسينا اوز ائله ييب:آنا هول ائله مه صبرين اولسون فرمانده دئييردي کي شهرلري بوشالتمالييق نئجه ياني شهرلي بوشالتمالييق؟ آناجان بوردان گئتمه لي يک، بونا گوره کي دوشمان شهره يوگورمک فيکرينده دي، هر آن مومکون دور قودوز دوشمان شهره باسقين ائتسين.باشچينيزهاردان بيلير؟دئييب دوداغين ديشله دي. ايسکندر گولومسه يه رک:آناجان اوزون دئييرسن باشچي او بيلمه سه من بيله جم؟ فرمانده دئدي دستور گليب کي ياخين شهرلري بوشالداق، بيزيم شهرلرده ياخين دير، لاپ تئز بوشالتماييق.يوخ اوغلوم من بو شهري ترک ائده بيلمرم، بورا منيم دوغما يوردومدو، بوتورپاغدا بوي اتيب ياشا دولموشام، ايندي نئجه ال چکيم؟! داغيندان، هاواسيندان،خورماليق لاريندان، نئجه ال چکيم؟! منيم اولولريم، ديري لريرم بوردادير. بير يئرده ائولنيب، کوک سالان اوغول قيزين اوردا ائولنديرن نئجه خاطيرسين بوراخيب گئده بيلر؟سني لاپ ياخشي باشا دوشورم سن حاقلي سان، آمما نه ائتمک اولار؟ تک بيز دئييليک بوتون شهرلرين آداملاري بورادان گئتمه ليديلر. ايرانين عراقا اولان قونشو شهرلري بوخطري دويمالي ديلار. بوگون صباح صدامين سرباز لارينين آياغي بو يئرلره آچيليب هئچ کيمسه يه رحم ائله مه يه جکلر. آنا جان سن بيلميرسن کي اونلار نه قدر رحم سيزديلر؟ ديرلير قالسين بير يانا اولوله ره ده رحم ائتميرلر، بئله کي دئييرلر هانسي شهره، کنده، چاتيرلار، ديريلره رحم ائتميلر، هئچ قبيريدن سوکوب داغيديب گنج قيزلاري، قاري قوجالاري دا اسير توتوب آپاريرلار. آناجان آغرين آليم چوخ چتين گون لر ايچينده ييک يامان روزگار کئچرديرک عومورميز يامان سورونور. دوشمان گون به گون تورپاغيمزدا ايره لي گئتمه مکده دير. صداما، آمريکا، اروپا بوتون بوينو يوغون اؤلکه لر کؤمک ائله يير، اونلارين کؤمه يي اولماسايدي صدام تک ليکده اوره ک ائديب بيزيم تورپاغا گوزونون اوجو ايله ده باخا بيلمزدي زوبيده نين اوره يي ائشدييي سؤزلردن دولاشب آغزينا قره سو آچيلدي، ائله بيل قلبينده آغير بير درد حس ايدي، قوجاغيندا اتوران نوه سين قالديريب آياغا قالخدي، سيامک بويوک آناسينين اته يين توتوب اونون قوجاغينا گئتمک ايسته دي، زوبيده نين ديزلرينده داها گوج يوخ ايدي، صندل اوسته اوتوروب سيامکي قوجاغينا آلدي. آللاه دان ايسته دي کي ائيشيدييي سؤزلر يالان اولايدي. آمما هيهات.سيامک هوشيارليق لا دانيشيق لارا قولاق آسيردي و آلا شوه گؤزلرينيني درين فيکري بيليمنزدي اونون ياشي کيجيک اولسادا دوشونجه سي درين ايدي. نييه کي او موحاريبه زمانين اوشاق ايدي و ايون اسبابي  تفنگ، تانک و ائيشيدييي سؤزلر سويوش، اسير، شهيد واژه لري ايدي. زوبيده ايسکندرين دئديک لريندن بئله راحاتجاسينا کئچه بيلميردي. آخي اوز اوزو ده ايکينجي دونيا محاربه سينده چتين گونلر کئچيرميشدي . موحاربه ده موحاربه ده اولان بلالاري ياخيندان کؤرموش و تانيش ايدي، اونا گؤره بوگون سين سينده جوشان بير غم وار ايدي، زوبيده باشيني آياق اوسته دايانان اوغلونا قوزاياراق دئدي: ايسکندر قولاق آس، آنانين ايکي ماوي گوزو اينتيقلاما و درين نيفرت حبسيني دولموشدو ايسکندر آناسينا اوز اليب دئدي: جانيم آنان دردين جانيمه دئه،بويور گوروم نه دئييرسن.عزيز بالام- اوغلوم تورپاغي کي اوز باشينا بوراخيب دوشمانا وئرمک اولماز، بوتورپاقدان هره نين بير پاي وار، اولکه ميزده نه قدر نفس چكن وارسا اونا بو تورپاقدان بير پاي چاتير، آنجاق هره اؤز باشارديغي قده ر اوز پاييني قورومالي دير. اونا يييه دورماقدا وظيفه ميز چوخ آغيردير. قاريش- قاريشندا وار گوجه سؤزله دويوشمه لييک،اولورسا بو تورپاغي چييين لريمزده داشيياق، آمما تورپاغيمزي دوشمان الينه وئره بيلمه ريک. من بيلميرم بير بئله مئيداندا اولانلار نه ائديرلر؟ اولکه ميزين ايييرمي دؤورد طرف دن دوشمان باسيقي سينين قارشين آلابيلمير آناجان دويوش ميدانيندا اولان ديوشجولريميز سون گوجلري ايله دوشمانا قارشي ديلار. عزيز جانينا آند اولسون الي بوش- بوش، پاسلي سلاح لا دويوشوب قان لاريندان، جان لاريندان کئچيب لر. باخ آنا بير بالام جاني اوتانيرام دئييم بيزيم اوز اوردوموزدا اون ايکي- اون اوچ ياشلي دا وار،يئمش- دوخسان ياشلي دا وار. آنجاق تاسوف لر اولسون کي چاتيشمامازليق لار آز دئييل گوروسن نئچه گون اولور، آرخا جبهه دن اورا کومک اولونمور.بالا باشينا دؤنوم اوشاق لارين چوخو بير بيرينين هوه سينه مئيدانا گئديرلر؟ دويوش درسين اويرنمه ميش سيلاح لارلا تانيش اولورلار آناجان چوخدا گوناه سيز شهيد اولورلار اي آنا گوره سن تاريخ بيزيم بو موحاربه دن نه يازاجاق؟زوبيده دولغون گؤزلريني سيخديقجا گؤز ياشلاي مرواريد نه لري کيمي ياناقيندان دوغرانيب اته يينه توكوردور، سيامک بو حالدا بو ينونه بوروب گاه آتاسينا گاهدان بويوک آناسينا باخيردي زوبيده ياشلي گوزلريني لئچه يينين اوجوايله سيلدي آللاه سن اؤزون رحم ائله! نه گونه قالديق، گوره سن آخريميز نئجه اولاجاق؟ کاش منيم ده ال- آياغيمدا گوج اولايدي، گليب هيچ اولماسا دويوشچولرين يئمه ييني پيشيررديم.سيامک آنا- باباسينا باخيب شيرين ديل ايله:ماماجي سن قوجوسان، من آتام لا گئدره رم دوشمان لارلا دويوشه رم، توفنگ اليمه آليب پارت- پارت گولله آتارام هه عزيز بالام سيلاح دا گوتوررسن توفنگي ده آپارارسان، اونلارا گوستررسن کي بيزيم اولکه ميزدن اونلار يئر يوخدور. بيز بير اووچ تورپاغيميزدان دوشمانا وئرمه ريک، آي منيم گؤزل بالام، آي منيم آسلان بالام، سن بويويوب بشا چاتينجا بيزيم داي دوشمانيميز اولماياجاق سن درسيني اؤخويوب حکيم اولوب خالقا خدمت ائدرسن، منيم ده قيچلاريمين آغريسن توختاداجاقسان، اميدوار کي سن بويويه نه جن موحاريبه قورتاريب امن آمانليق اولسون و اينسان لار متمن له شيب داها بير اووج تورپاق اوسته بومبالار ساليب بير- بيريم قيرماسين لار، ناحق قان لار توکولکه سين آللاه قويسا زوبيدا و ساير همشهريلر خرمشهردن کوچدولر، ايستير- ايسته مز بوتون  سرحدده اولان شهرلري دوشمان اختيارينا آلميش، خرمشري لي لر ديدرگين اولوب چوخدا هر وسيله ايله اولدي، اشياء لارين يخيب آپارديلار، چوخدا هئچ بير وسيله آپارا بيلمه دي، آبادان لي لار دوشمن آتش آليندان دزفولا، دزفول دان زنگانا گئتديلر. قالان آداملار چاديرلاردا ياشاماغا باشلاديلار شهيد اولان کيم، يارالان کيم، اسير گئدن کيم، ايتيب- باتان کيم؟؟صدامين دويوشچيلري شهرلرده- کندلرده چوخلو قانلار توکولوب، جنايت لر ياراديبلار، اونلارين فاجعه لي ايشلري هيتلرين ده اوزونو آغ ائله دي چوخ چکمه دي کي، راديو تلويزيون دان دهشتلي بير خبر ائشيديلدي، خوزستان دا اولان گوناه سيز اينسلانلاري صدامين قوشونو وحشيجه سينه اولدوروب ، ائولريني يانديريب و چوخلاريني عراق تورپاغينا آپارديلار خوزستان دان کوچوب زنگنانا گلن عاييله لر دوولت ظرفيندن ائو وئريلدي زوبيدا دا نئچه آيلاري ايدي کي،اوردا ياشاييردي، بئله ليک بيرگون ايسکندرين شهادت خبري اونا گلدي، اونون جنازه سي دوشمان غصب ائله ين تورپاقدا يعني اوز تورپاغيميزدا قالمشيدي، زوبيدا نئچه آي خسته ليک کئچيره ندن سونرا بيرگون قونشولاري ايله دويوش مئيدانين خاطيره سينده ن دانيشيردي:تورپاغيميزي الدن وئرمه يه جه ييک، بيز دوشماني ياشا دولموش دوغما يوردوموزدان قوورالاياجاييق، دوشماني تورپاغيميزدان چيخارديب اوز شهريميز گئده جه ييک، آللاه قويسا بو حالدا سيامک کي بوينونو بوروب بويوک آناسينا باخيردي سرعت له اوتاق دان چيخب الينده بير بوغچا اوتوران لارين يانينا قاييتدي، او بوغچاني اوتورانلارين اؤنونده آچدي بير باخين بورا من اوز پايي مي قوروموشام بوغچانين آراسيندا ايکي اووچ تورپاق واريدي. زوبيده بير حالدا کي ياشلي گؤزلر ايله اوشاغي باغرينا باسيردي. ايسکندرين چفي يه سين اوز بويونونان آچيب سيامک ين بويونونا سالدي.

منبع :