آذربايجان ناغيللاري بولگه لر سرويسي:اسديي‌نن کرم، اورسيتده گنجه‌ده اولئيميشدار. اورسيتين گنجه‌سينده. هه کرم موسلمانيميش دده‌سي ده موسلمانيميش. هه آما اسدي‌نين دده‌سي ائرمنيميش، اسدي موسلمانيميش ننه‌سي ده موسلمانيميش، اسديي‌نن کرم بير-بيرينه محبّت ائله‌ميشميش، بقوولي گئجه گوندوز ائله، هه قارامليگ ناققارتا اللشئي گؤرئي خئيير کرمه چاره يوخدو، گئجه کؤچئي- قاچئي، گئجه گنجه‌دن کؤچئي- قاچئي، باش گؤتورئي اسديني ده گؤتورئي- گئدئي. گئدئي هرزورومون داغيناا. هرزورومون دا داغي دئي بي داغدي ساوالان کيمي، همه‌شه يايدا دا قاردي، قيشدا دا قاردي کولک بؤؤي داغدي، گئدئي اوردان آشئي- دوشوي او اوزه. هه سورا کرم گئدئي بيلارين يوردوناا گؤره اسدي ناغايرئي، گئدئي- گؤرئي قارامليک کؤچوب قاچيب. اوردا دورئي دئي: قارامليگ کؤچ- کؤچ ائيلر يوردوننان کئچديگي يورتدارينا قوربان اولدوغوم هه بئله ائيدي دايانميشدي اوخيئيدي، شاتيرنان له‌له گلدي‌لر- گؤردي‌لر کرم بيردا آغلئي اوخيئي. شاتير دئدي کرم من سننن آيريلميه‌جييم. له‌له دئدي: من ده سننن آيريلميه‌جييم، هر يانا گئسسؤن وارام.هه للئينن کرم آتنان، هه شاتير پيادا، دوشدي‌لر يولا هر ندن خبر آلئي‌لار کول‌دان- کوس‌دان کرم خبر آلئيدي هاميسي نيشان وئرئيدي، بو يولنان گئتدي قارامليک. هه گئتدي بي داغين دامه‌نينده گؤردي سيويرقويروغونون کول‌لاري بيتيب يازدي اؤزي ده يازين آخيريدي يايه يوخوندي سارو گول آچيب، اوردا توتدو اوزين سيويرقويروغونا دئدي: سنه قوربان اولوم ائي سيويرقويروغونون کول‌لاري باشينه اؤرتوبدو ساري-ساري شال‌لاري سووله منه گؤروم اسدي گئدن يول‌لاري اصليم هانسي دياره گئتدي بو الله‌ون حؤکمييله سيويرقويروغو نيشان وئردي دئدي باخ بو يولنان گئتديلر هرزورومون داغينا. آتي سوردولر گئتديلر هرزورومون داغينين دامنينه، هه بيردا ساخلادي آتي دئدي: من گلنده ائي باهاريدي يازيدي هاوا قاريشيب هه دؤؤره- دؤؤره اؤردگينن قازيدي اصلي‌نين قويني جننت باغيدي گيرسم اؤلدوروللر گيرمه‌سم اؤللم. بي- ايکي اوخيدي هه اوردان حرکت ائله‌ديلر، دئدي من کرمم دوگوننييم- داغليام شدده گتيرون يارا‌لاريمي باغليام آشيق کرم گنجه بيي‌نين زياد خانين اوغليام -دده‌سي‌نين ده آدي زيادخان‌يميش- آشيق کرم زياد خانين اوغليام بيردان قاييسسام ائل قينار مني- ائل قينار مني. اوردان حرکت ائله‌ديلر هرزورومون داغينا طرف، کولققالتدي، تک- تک قار گلدي هه، اؤزي ده ياينن يازين آراسيدي، دئدي: بيرم- بيرم قار گلر ائئ من بو قاردان قورخارام عالم ايچون قيش گونينده تابيستان من فاغيرچون ياي گونينده قار گلر بي آز اوخودي حرکت ائله‌ديلر هرزورومون داغينا، ياري چيخميشديلار داغ دا بي هوندور داغدي هه گئتميشديلر ائله بونون ياري‌سينا باشدادي قاري، کولگ- کوله‌يي، کولگ بيلاري دالي- قاباغ ائله‌دي، هه‌ه له‌له ياوا‌لاشدي.هرزورومون باشينا بي آز قالئيديلار له‌له ديل‌دن دوشدو آتين اوسدونده، هه اوردا دئدي: هه، زاد،من کرمم دوگوننييم داغليام هه زاد، هه اوردا بي- ايکي سؤز دئدي او فيکيريمنن چيخيب به‌قوولي هه دئدي: اؤلمه له‌له‌م اؤلمه له‌له دوشدو قارين ايچينه آتين اوسدوننن، دئدي: اؤلمه ائي له‌له‌م اؤلمه اؤلرسن ائي اؤزوم سني گؤتوررم سير سؤزووي موسلمانه يئتيررم هه، موللا منم موشدئهيدم قاضيام من هم مولليام، هم موشدئهيدم هم قاضي‌يام اؤزوم سني گؤتوررم. له‌له دوشدو قارين ايچينه، قار دا بوردان، هه اؤلدي گؤزدرين باسدي له‌له‌نين، قاري اويان- بيان ائله‌ديلر آياغلاري‌نان ايندي نه‌لري واريدي خنچل‌لري واريدي نه‌يي واريدي، يئري ائشديلر له‌له‌ني باسديرديلار اوردا.شاتير دا ميندي له‌له‌نين آتين، آشديلار هرزورومون داغين. داغي آشديلار اويوزه داغي آشاننان سورا بي آز گئتديلر هاوا دوشدي ياي گوني، گون چيخدي هه گون قيزدي ها بالا-بالا ايسدي دوشدي.گئتديلر بي شهره، گئدننن سوهرا اوردا دا بقوولي شاها بيننان قاباغ خودکار دييَرميشدر، گئتديلر بو خودکارين شهرينه. گئتديلر بي منزيل توديلار. کرم ده چوخ گؤزل ايدي، همي ده کي، بيردا بو آلنيندا بيدنه خالي وار ايدي ائله گئننن معلوم ائلردي.هه قارامليهـ ده گئديرميش او شهره گئتميشميش. گئدئي اوردا خودکارين يانينا، قارامليهـ دئي من بئله گلميشم گله‌جگ کرم- نجور اولسا گله‌جگ، آنجاغ بيزي نيشان وئرديرمه، دئي قالامليک گلسه دئي‌سن کي هاقاشوغيدو ده قيزي وئره‌ي تويين من ائلئييم. هه اسديني، دئي خئيير. آردي وار
بولگه لر سرويسي:اسديي‌نن کرم، اورسيتده گنجه‌ده اولئيميشدار. اورسيتين گنجه‌سينده.
اداي هارا چاتاجاغ خوش- بئش، هه گئتدي آفتاا- له‌ين گتدي تؤکدو سويو يودو ديشين- زادين، بلي کرمي آپارديلار ائوه، شاتير قالديي.