پيس اوشاق ؟ ! يئنه ده نه اولوب سنه ؟ نه دئيينه - دئيينه گليرسن ؟هئک جاد عجيجيم ... هئک جاد ... !آوا ... آوا ... ! بو جور ازيله - ازيله دانيشسان آخيرده شيتيلين چيخارهااا ! اؤزو ده کي هميشه اؤزون بير بئله يوبانيرسان اؤزون ده مسئوللارين باشي سويوقلوغونا لاغ ائديرسن ! بير ساعات قاباق زنگ وورموشام کي شام حاضيردير ، دئييبسن " سوفراني آچ بئش دقيقه يه ائوده يم ! " سنين بو بئش دقيقه ن بير ساعات اولدو ، به هاردا قالدين ؟ اوغلون دا سندن بئش بتر ! سونرا دا مستوللاردان گيلئيليسن کي فيلان پروژه ني بير ايل دئييب ، ييرمي ايله قورتارا بيلمه ييبلر !سکينه دايغيزي ! آز دانلا مني سن آللاه ! غاباقيما ايش کيخدي کي يوبانديم !ديليني اييب مني دارخديرما ! گکيل سوفرانين باشينا ... چکيل ... چکيل ... ! دويونو اؤزون چکيرسن يا من چکيم ؟ععععععع غاشغ بوشغابي وئرسن اؤجوم ککرم !دده واي ننه واي ! کيشي اولمايا بئينين فورمت اولوب قاييديب کرخانا تنظيماتينا ؟ حرفلري نيه کؤرپه لر کيمي ده ييشيک دئييرسن ؟لهگه درماني ائديرم سکينه دايغيزي!او نمنه دير ؟تاجا بخشنامه قليب کي لهگه سي اولان معلليملره درس دئمک ايگاجه سي وئريلمه يه گک ! بير آج فيکيرله شيب قؤردوم ايخراگ اولانلارين ايکينده يم اينديدن تمرين ائديرم کي لهگه تستيندن غبول اولام ! قؤر حغغيم وار مسئوللاري لاقا غويام يا يوخ ؟ دوغرودان ؟ يازيق معلليملر ! ... آما سنين بئله داتيشماغينين لهجه يه نه ربطي وار ؟ سن سؤزلري ترسه - تورسه دئييرسن باااا ! ائله دانيشيرسان کي ائله اؤزون باش تاپايرسان نه دئييرسن ! " غ " اولوب " ق " ، " ق " اولوب " غ " ...لهگه ايله دانيشماماقين ايلک يولو بعجي حرفلري قلط قولط دئمکدير ! " ق " اولاگاغ " غ " ، " غ " دا غاييديب اولاگاغ " ق " ! " چ " اولاگاغ " ک " ، " ز " دا اولاگاغ " ج " ، " ج " دا ماياللاغ ووروب اولاگاغ " گ " ، سونرا " گ " دؤنوب اولاگاغ " ق " !نه ده مسخره ! بو اولان ايش دئييل ، حتمن شوخلوق ائديرسن يوخسا بيزيم مسئوللار موفته سؤز دانيشمازلار !سکينه دايقيزي ايله آپارديغيميز علمي ( !!! ) بحث تازا شيرينله شيردي کي قاپي آچيلدي . " آتابي " هميشه کينه تاي ساللانا - ساللانا ايچري گليب « سلام ! وئردي . کيشي نين اوغلونون قاش قاباغي يئر ايله گئديردي ! هر ايشي هر اخلاغي ننه طرفينه چکسه يدي ده ، کيشي کيمي قاش قاباقلي اولماغي دوز اؤزومه چکميشدي !» روحيه دن ده دوشدوک آتانين اليندن ! « دئييب يانيمدا اوتوردو ! بيزيم ائوده بو ننه بالانين عادتي ايدي کي ترامپين دا بارالارين سالسينلار منيم باشيما ! آغا سحر گونش چيخماميشدان ائودن چيخيب ، هئچ آتاسينين اوزون ده گؤرمه ييب ، ايندي ده کي گونش باتاندان سونرا ائوه گليب ، روحيه سيزدير ... اؤزو ده منيم اليمدن !اوقول ! من سنين تويوقونا پيشته دئميشم يا پيشييينه کيشته ... ؟آتا ! تويوغا کيشته دئيرلر ، پيشييه پيشته ! حوصله ن اولماياندا ياهاليرسان هااااااااا گيبيني پولسوج غويموشام ؟يووووو قيج دوستوندان کوسدورموشم ؟يووو آما نيه بئله دانيشيرسان آخي آتا ؟ سؤز قيز دوستونا چکيلجک خانيم اعتراض ائديب دئدي :» ياخشي بابا ! اوشاغين اوزون آچما !« خانيما " باش اوسته ! " دئييب ، اوغول بالانين منيم اليمدن روحيه دن دوشمه سينين علتين سوروشدوم !بو نه ايشيدير اؤزونه تاپيبسان ؟ معلليمچيليک ده اولدو ايش ؟ ايندي بو لهجه ن ايله نئيليه جکسن ؟ نيقران اولما ... هر جاد دوجه لر ... هئک جاد اولماج ! قؤرمورسن تمرين ائديرم ؟آهاااااااان ! دئييرم آخي نم نجور دانيشيرسان ! بير آز دا غليظلتسن داها ديليندن باش چيخاردانمارام ! " ز " اولوب " ج " ، " ج " اولوب " گ " ... بلي دا ... ايستيرم اوخوللار آکيلينگا لهگه مي دوجلدم ! آتااااا ! لهجه ن دوزلمه دي نئيليه جکسن ؟ اولمازدي او زامان معلليم اولماييب کرخانا صاحيبي اولاسان ؟سکينه دايقيزي بيزيم بحثين آراسينا شتل آتسايدي دا ، بيزي سوفرا باشينا چکنميردي ، حيرصله نيب دئدي : « داي بسدير دااااااااا ... گلين سوفرا باشينا ! گؤر نه ده انگلري صحبته قيزيشيب ! سوفرانين باشينا چکيله - چکيله دئديم : » لهگه م اولدوقونا خاطير کرخانا صاحيبي ده اولانماجديم ! آنگاغ قرک هر ايشه باخسايديم لهگه مي دوجلده يديم !« آتا ! نه ربطي وار ؟ربطي وار بالا ... ربطي وار ! ربطي وار کي لهگه سي اولان کرخانادارين مالياتي يوجده اون آلتي آما لهگه سي اولمايان اصفهانليلارين ، تهرانليلارين مالياتي يوجده ايکيديردااااااااااااا اوقول !اصلن کرخانا ايستمه ديک با ... جهنم ... نيه فوتباليست اولمادين ؟ سنکي ياخشي توپ اويناردين ... اونا کي لهجه نين ربطي يوخدور !ربطي وار بالا ... وار ! آقجيندا دئييرسن " تراختور " ! او " خ " ايشلري کورلور باااا ! لهگه نين ربطي اولماسايدي تراختورون حغغي بير بئله يئييلمجدي ! ياخشي ... آل وئچي اولسايدين ، نئجه ؟ بازار کي لهجه ميزه گؤره تنظيم اولماييب !بيز کي تومانا تومن دئييريک ، ايشلر کورلانير !ععععع دوز ئييرسن ها آتا ! تومانا نه دئييريک به ؟تومانا دا شالوار دئييريک ! بيز باشدان آياقا لهگه ييک با ... قرک تمرين ائدک ! آتا ! سني بيلميرم ، منکي افتخار ائديرم لهجه م وار ! روحيه م ده گلدي يئرينه با ! سن ده چوخ فيکر ائله مه ... اؤزون دئميشکن " هر زاد دوزه لر ! بو جور ده دانيشيب هاميني داريخديرما ...سکينه دايقيزينين بوز - بوز باخماغيندان ، شامين نقدر سويوماسي بللي ايدي ، بيله سينه باخيب گولومسيه رک دئديم :»آما قورخورام لهجه مين اولدوغونا گؤره بو ايلدن درس وئرنمه ييب ايشيمي الدن وئرم ... !« کيشي ! آز تاپاريق آز يئيه ريک ، چوخ تاپاريق چوخ ! آللاه قاديردير ! ال ساخلايين شامي بير داها قيزديريم سونرا ... منيم کي جانيما سينمز سيزه سويوق يئمک يئديردم !
بولگه لرسرويسي:بولگه لرسرويسي:دده ن ايت ايله ياتسين مني غينايان !