دوستلوغون سيرري

پادشاه او ساعت امر ائلدي کي, آپارين اونو سالين زيندانا, اوتوز دوققوز گون کئچسين, قيرخينجي گونو دار آغاجين‌دان آسين. هئچ مليکي دانيشماغا دا قويمادي‌لار ايتليه-ايتليه آپاريب سالدي‌لار زيندانا.

آذربايجان ناغيللاري
بولگه لر سرويسي: پادشاه او ساعت امر ائلدي کي, آپارين اونو سالين زيندانا, اوتوز دوققوز گون کئچسين, قيرخينجي گونو دار آغاجين‌دان آسين. هئچ مليکي دانيشماغا دا قويمادي‌لار ايتليه-ايتليه آپاريب سالدي‌لار زيندانا.
 مليک زينداندا قالماقدا اولسون گؤرک کئچل مممد نه ائلدي. کئچه‌لي زيندانا سالاندا اونون يانيندا بير جاوان آدام دا وار ايدي. بو جاوان دا پادشاهين غضبينه کئچيب يئددي ايلدي زينداندا عذاب چکيردي. ائله همن گئجه يازيق اوغلان اولدو. کئچل فورست‌دن ايستيفاده ائديب اوز پالتاريني چيخاريب اولويه گئي‌ديردي, اولونون پالتاريني دا اوزو گئيدي. اولونو آپاريب زيندانين بير کونجونده ديوارا سؤيکه‌دي. اوزونو اولولويه ووروب دوز قاپينين آغزيندا ئوزاندي. سحر آچيلدي. گؤزتچي‌لر گلدي‌لر کي, دوستاق‌لارا چؤرک وئرسين‌لر, گؤردو‌لر کي, بيري اولوب. تئز گؤتوروب اونو بير هسيره بوکوب اولو آراباسينا قويدو‌لار کي, آپاريب آتسين‌لار.
 کئچل مممد يولدا هسيرين آرا‌سين‌دان ياواشجا سوروشوب اوزونو سالدي يئره. آراباچي شهر‌دن لاپ کنارا چيخيب بير ئوچورومون کناريندا داياندي. هسيري آرابا‌دان ايتلييب سالماق ايستينده گؤردو کي, هسيرين ايچينده هئچ نه يوخدور.
ائله بيلدي يولدا دوشوب. آراباني گلدييي يوللا گئري سوردو. دوز گليب شهره چاتدي, اما هسيرين ايچيندکين‌دن هئچ بير ايز تاپا بيلمه‌دي آنجاق قورخوسون‌دان بو احوالاتي هئچ کيمه آچمادي.کئچل آرابا‌دان سوروشوب دوشن‌دن سونرا گئجه-گوندوز او قدر يول گئتدي کي, گليب مليکين دوستاق اولدوغو اولکيه چاتدي. گؤردو شهرده جار چکير‌لر کي, بو گون مئيداندا آدام آساجاق‌لار.  کئچل ده گلدي اورايا.
 گؤردو دار آغاجينين قاباغيندا تاخت قورولوب, تاختين اوستونده پادشاه,وزير, وکيل يئرده جللاد‌لار حاضر دايانيب‌لار. دار آغاجينين آلتيندا قولو باغ‌لي دايانان دا مليک‌دير.کئچل تئز پادشاهين حضوروندا باش اييب دئدي:- ائي شاهيم, من بو آدام حاقيندا سنه چوخ لازيم‌لي سؤز‌لر دئيرم,اما گرک اونون آسيلماغيني منه هواله ائليه‌سن.پادشاه دئدي:- ائي جاوان, سن اونون حاقيندا منه نه دئيجک‌سنسه دئ, سؤز‌دن خوشوم گلسه شرطيني يئرينه يئتيررم.کئچل حييله ايشلتدي:- ائي پادشاه, بو اوزو شاه اوغلودور. بورا گلمکده مقصدي سني اولدوروب شاهليغي الينه آلماق‌دير. ايندي سن ياخشي ائله ييب اونو دار آغاجين‌دان آسديريرسان. اونو دا دئييم کي, همن آدامين بير عهدي وار ايدي کي, سني دار آغاجين‌دان آسديراسي اولسا آت اوستونده آسديرسين.
شاه دئدي:- او نه دئين شئي‌دير? کئچل مممد دئدي:- ائي پادشاه, سيز امر ائدين بورا بير ياخشي آت گتيرسين‌لر. آت اوستونده آسيلماغين نه اولدوغونو سيزه گؤستريم, هم ده ائله اونون اوزونو آت اوستونده آساق کي گؤرسون اوزگيه قويو قازانين اوزو قويويا نئجه دوشور.بو سؤز‌لر شاهين خوشونا گلدي: اوغلان, ايجازه وئرديم, نه ايستيير‌سنسه ائله.
پادشاه امر ائلدي, گئديب بير ياخشي آت گتيردي‌لر. دئمه, بو مممه‌دين اوز آتي ايميش.کئچل مممد ايشاره ائلدي, جللاد‌لار کن‌ديري مليکين بوينونا کئچيريب اونو هوپ گؤتوروب آتين اوستونه قويدو‌لار.
کئچل اوزو ده الينه بير قيلينج آليب سيچراييب ميندي آتين ترکينه. آتي سوروب دوز دار آغاجينين آلتيندا ساخلادي. کئچل مممد دئدي:  سيز کن‌ديري مؤحکم ساخلايين, من آتي گئرييه سورجيم. اوندا مليک کن‌دير‌دن ساللانا قالاجاق. بو جور آسيلماغا آت اوستونده آسيلماق دئيير‌لر سؤز کئچلين آغزين‌دان چيخان کيمي جللاد‌لار کن‌ديري چکدي‌لر. او دقيقه کئچل مممد قيلينجلا کن‌ديري کسيب آتا ائله بير تپيک ووردو کي,آت آز قالدي گؤيه قالخسين.پادشاه احوالاتي بئله گؤروب هاي-هشير قوپاردي کي, گرک يئرده ده اولسا, گؤيده ده اولسا اونلار طوطولوب گتيريلسين.
بوتون قوشون تؤکولدو مليکگي‌لي توتماغا. قوشون اونلاري او قدر قوودو کي, کئچلله مليک گليب چاتدي‌لار يئنه همين دنيزين کنارينا.تئز کئچل مممد آتدان دوشوب دنيزين قيراغينداکي سئحر‌لي قارا داشي قال‌ديردي.
 آلتينداکي جيلووو چيخارديب آتدي سويا, او ساعت اوچ آياق‌لي آت دريا‌دان چيخدي. ايکيسي ده مينيب سودان کئچدي‌لر. قوشون اوزونو او واخت يئتيردي کي, اونلار دنيز‌دن کئچميشدي‌لر.
کئچل مممد دنيزين او طرفينه چيخان‌دان سونرا جيلووو يئنه آپاريب قويدو قارا داشين آلتينا. بير آز پييادا يول گئتميشدي‌لر کي, بير ده گؤردو‌لر مئشيه بوراخديق‌لاري آتلار چمنده اوتلايير. تئز هره‌سي اوز آتينا مينيب باشلادي‌لار گئتميه, گليب چيخدي‌لار همن درويش‌لرين قالاچاسينا.ائله قالاچانين قاپيسينا ياخينلاشان کيمي يئنه ايکي ال گليب بون‌لارين آتلاريني آپاردي تؤوليه, اوزلريني ده ائوه. يئمک-ايچمک گلدي, يئييب قورتاران‌دان سونرا يئر ساليندي, گيريب ياتدي‌لار. بوتون بو ايشلري ايکي ال گؤروردو,آدام‌لار اوزلري گؤزه گؤرونموردو‌لر مليک او قدر يورغون ايدي کي,باشيني ياستيغا قويان کيمي ياتدي.
کئچل مممه‌دي ده يامان يوخو طوطوردو. گؤردو او دا ياتاجاق, تئز باش بارماغيني چرتيب ايچينه دوز باسدي.بارماغينين آغري‌سين‌دان ياتا بيلمه‌دي. اما گؤزونو يوموب اوزونو يوخولوغا ووردو. کئچل بيليردي کي, يئنه قوجا‌لار گلجک.گئجه‌دن خئيلي کئچميش بير ده گؤردو قاپي‌لار تايباتاي آچيلدي, اولجه الينده کيتاب اولان قوجا, لاپ آخيردا الينده قيلينج اولان قوجا ايچري گيردي.
بو دفعه ده علي قيلينج‌لي قوجا دئدي:- گل‌سنه بون‌لاري اولدوروم, گئديب سيرريميزي آچماسين‌لار.علي کيتاب‌لي قوجا دئدي:- سن اينصافسيزليق‌دان, دئيه‌سن, ال چکميجک‌سن. بو يازيق‌لار نه ظلم‌لرله گئديب دوستلوغون سيرريني اويرنيب‌لر, سن ده دئيير‌سن اونلاري اولدوروم.
کئچل مممد آييليب دئدي:- ائي قوجا, بيز گئديب دوستلوغون سيرريني اويرنديک.قوجا دئدي:- اوغول, گل سن هئچ اذيت چکيب سؤيلمه, اونسوز دا بيز اونلارين هاميسيني بيليريک.کئچل مممد دئدي:- ائي قوجا, سيز کي, بو سيرري بيليردينيز, بس بيزي نييه ئوزاق‌لارا گؤندريردينيز? قوجا دئدي:- اوغول, سيز اگر اوزونوز زحمت چکيب او چتينليک‌لره دوشمسيدينيز بيزيم دئديک‌لريميزين خئيري اولمازدي.
اودور کي, سيزي اورا گؤندرديک. مليکله کئچل مممد قوجا‌لار‌دان راضيليق ائله ييب گلدي‌لر اوز وطن‌لرينه. مليکين آتاسي اوغلونون گلديييني ائشيديب اونو قارشيلاماغا چيخدي. يئددي گون-يئددي گئجه شادليق ائلدي‌لر. پادشاه کاسيب‌لارين,شيکست‌لرين قارنيني دويدوردو, بخشيش پايلادي. مليک ده کئچل مممه‌دي يانينا آپاريب اونا گؤزل بير ايمارت وئردي, اونونلا دوست, قارداش اولدو.

منبع :