آخير چرشنبه

ائل اوبا – قيشين آخير آييندا جمله لر ( بوْز آي ) باشلانان گون ده ن قيشين آخير چرشنبه گونونه ده ک ، هر چرشنبه آخشامي ( بايرام آييندا دؤرد چرشنبه آخشامي وار) دام باجالاري نين قيراغيندا حياط لاردا تونقال قالاييب اوستونده ن آتيلارلار. آتيلاراق دئيرلر:

بولگه لر سرويسي:ائل اوبا – قيشين آخير آييندا جمله لر ( بوْز آي ) باشلانان گون ده ن قيشين آخير چرشنبه گونونه ده ک ، هر چرشنبه آخشامي ( بايرام آييندا دؤرد چرشنبه آخشامي وار) دام باجالاري نين قيراغيندا حياط لاردا تونقال قالاييب اوستونده ن آتيلارلار. آتيلاراق دئيرلر:
od_odlar_yorduآتيل ماتيل چرشنبه
بختيم آچيل چرشنبه
آغريم اوغروم توکولسون
اودا دوشوب کول اولسون
يانسين الوو ساچيلسين
منيم بختيم آچيلسين
آغيرليغيم ، اوغورلوغوم گئت
قادا بالام يورغونلوغوم گئت
آخير چرشنبه گئجه سي اوزه ر ليک يانديرارلار. قيشين آخير – يئنجي چرشنبه سينده بايرام قاباغي بؤيوک شنليک کئچيريلر. تاراققا آتيلار فيشفيشا يانديريلار. بوتون ائولرده وارلي ، يوخسول هامي اؤزونه گؤره چرشنبه يئميشي آليب يئير. آخشاما پيلو پيشيريلير. کئچميشده ، ات ، قوورما ، بويالي يومورتا ، قوورقا ، شيرني يئييلردي. سمني ده پيشيررديلر.
دئمه لي دير سمني مقدس بير يئمک ساييلاردي ، دئمه ليدير آدي آپاريلميش رسم لرين بير چوخو ايندي ده گئچيريلر.
چوخ يئرلرده آخير چرشنبه گونو اوشاقلار قاپي قاپي گزيب بايرامليق ييغارلار.چوخ لاري گئجه سحره کيمي ياتمازلار ، اويناييب شنليک کئچيره رلر. قيزلارلا اوغلان لار نيت توتوب قاپي لاري پوسارلار. اونلار پوسدوقلاري ائولرده ن شاد و ياخشي سوزلر ائشيتسه لر توتدوقلاري نيت (فال) ياخشي ، پيس سوزلر ، ائشيتسه لر نيت لري (فال) پيس گلر ، بونا گؤره بو گئجه هامي چاليشار ماهني ايله دانيشسين.بو گئجه قاراوللي له چؤمچه باشي بزه مک کيمي اويونلاري نئچه يولا اوينارلار. اينام لارا گؤره بو گئجه ده طبيعت بوتونلوک له يئني له شر ، ايل معين بير حيوان اوستونده دئييشيلر. ائوده کؤهنه سو ائشيگه آتيلمالي ، قابلاريئني سو ايله يويولوب دولماليدير.
دان يئري آغاران کيمي هامي بولاغا گئده ر ، يئني سو گوتوره ر ، ال اوزلريني يويار ، سويون اوستونده ن آتلانالارلار. بولاغ دا سويا گئده نلر سنه گين ديبينه يئتدي بالاجا داش سالارلار. داشلار بولاغين گؤَزونده ن گؤتورولر. کيشي لر ايسه اوچ بؤيورتگن قانادي قيريب ائوه گتيره ر ، قاپي نين باشي لا آستاناسينا تاخارلار.سنه گه سالينان يئدي داش لارلا قاپي نين باشي لا آستانايا وورولان بؤيورتگن قانادلاري او بيري آخير چرشنبه يه ده ک قالار ، گلن آخير چرشنبه يئني قانادلارلا دئييشرلر.آخير چرشنبه گونو هابئله قبير اوستونه چيخيلار ، يوخسول لارا کومک ائديلر و اؤلولره قرآن اوخونار. آخير چرشنبه شنليک کئچيرمک ، گوزه ل ياز گونلري له يئني محصولو چاغيرماق ، قيشين سويوق گون لريني يولا سالماق و نحس (پيس) گون لرينده ن ساغ قورتارماق نيتي ايله باغلي دير. ائل آراسيندا چرشنبه گون لريني نحس گون ( پيس گون ) سايارلار. آخير چرشنبه گونونون پيس اولماسي آتالار سوزلرينه ده دوشموش ( نه سن گل ، نه ايلين آخير چرشنبه سي ) دئيرلر.
فال آچماق قاپي لاري پوسماق ، آچار سالماق ، قولاق ياتيرتماق ، سحره کيمي شنليک کئچيرمک ، قديم رسم لر ، موسم اويون ماهني لاري اوخوماق ، کوهنه شئي لرله ، سويو تزه له مک ، بختي سيناماق ، بونلار کيمي آيري ايش لر بو بايرام دا گؤرولر. بو بايرام خلقين قديم عادت و اينام لاري ايله علاقه لي دير.
آخير چرشنبه گئجه سينده پيس دانيشمازلار. پيس ايش گؤرمزلر. انسان بوگون گونش کيمي آچيلمالي ، اونون اؤزو ، فکري ، ايستگي له دولانيشدا تازالانماليدير. هامي تازا شن بويالي پالتار گئيمه لي دير.آخير چرشنبه گونو ايشله مزلر. سوباي اوغلان لارلا قيزلارين بو بايرام گونو گره گ لي باغلامالاري ايلقار بيلينر. دئيرلر اؤلولربو گئجه ائولره گليب ، اوز عائله لري نين دولانيشغيندان ، بايرامي نئجه کئچيرمه سينده ن خبر توتارلار.بختي باغلاماق ، بختي آچماق ، انسانلاري اووسون لا بيربيرينه ياخينلاشديرماق بو گونده اولار. قيز اوغلان دئييشمه لري ان چوخ بو بايرام دا اولار. ايلين آخير چرشنبه سينده بير يئره يومورتا ، بير يئره بوياق (بويا،رنگ) بير يئره کومور باسديريب ، نيت ائده ر لر. يومورتا کومور ايله يازيلسا نيت پيس ، بوياق ايسه يازيلسا نيت ياخشي گلر.
سونرا بولاري يئردن چيخارديب اريک آغاجي نين ديبينده باسديرارلار.imageچوخ يئرده آخير چرشنبه گونونده اوشاقلارلا گنج لر(جاوانلار) دام دان داما ائولري گزيب دستمال آتارلار و شال ساللاللار ، بو ايشه قورشاق ساللاماق دئيرلر.
ائو يييه سي (صاحبي) اونلارين قورشاقينا شيريني له چرشنبه يئميشي قويوب قايتارار. دستمال آتان اوغلان ائو يييه سينين قيزيني ايسته ييرسه دستمالين قيراغيني دويونله ييب ائوه آتار. آتا آنا قيزلاريني اونا وئرمگه راضي اولسالار دويونو آچيب قيزين بيله گينه باغلايارلار.راضي اولماسالار دستمالا شيريني له چرشنبه يئميشي قويوب گئري قايتارارلار. آخير چرشنبه گئجه سينده بير قاب سو گؤتوروب ايچريسينه اوزوک ساليب نيت توتارلار.
قيزلاردان بيري ماهني اوخويا اوخويا اوزوک لرده ن بيريني سودان چيخارار.نيت ياخشي گليرسه بير يئرده ن شاد سوزلر ائشيده رلر. آخير چرشنبه گونولاپ تئزده ن قيزلارلا گلين لر ييغيشاراق بولاغا سويا گئده رلر. اونلار سويون اوستونده ن آتلانا آتلانا اوخويوب تئز اره گئتمه لري اوچون نيت توتوب ايکي ال لرينين باش بارماق لاريني ايپ ايله باغلاييب ، سويون اوستونده ن بير نئچه يول آتيلديقدان سونرا بخت لري نين آچيلماسي اوچون ايپي کسيب سويا آتارلار. رز بايراميندا اوخونان ماهني لارلا اويون لارين بير چوخو آخير چرشنبه رسم لرينده اوخونار.

منبع :