ننه مني قوردا وئرمه

بولگه لر سرويسي: آتام قاپيني چيرپيب گئتدي. بيزي ده پارکا آپارمادي. آنام اوزانيب الي ايله اوزونو توتموشدو. سانکي گون ايشيغي‌نين گؤزونه دوشمه‌سيني ايسته‌ميردي. آيدين قاپي-باجاني بير-بيرينه ووردو. ساواش اويونو اويناديق. من اوغرو اولدوم، آيدين توفنگله مني قووالادي. آنامين يئکه قارنينين داليندا سنگر توتدوم. او منه گولله آتدي. آنام بيزه دئيينمه‌دي. آيدين بير آز دا اوجادان قيشقيردي. من تسليم اولدوم. دئديم: – گل ايندي بير پارک دوزلدک. اول پيلله‌لري دوزدوک.

فريبا وفي

سورا دا پارکين آغاجلاري اولسون دئيه گولدان‌لاري گتيرديک. آيدين دئدي: – هئيکل! تئز قاچيب کور قولچاغيمي‌گتيرديم. گؤزلريني آيدين چيخارتميشدي. آيدين آياق اوسته آناما باخيردي. قولومدان چکيب دئدي: “گل، آنام دا اولار هئيکه‌ليميز.” آنامين آياغيندان توتوب چکديک. ترپه‌ده بيلميرديک، آغيرييدي.
ايکيميز يارديملاشاراق يئنه ده او بيري آياغيني چکديک. دال – دالي گئديب دوشدوک. گولوشدوک. بير داها قالخديق. بو دفعه باشيني چکديک. سورا او بيري آياغيني چکديک. او قدر ترپتديک کي، سونوندا اونو اوتاغين اورتاسينا گتيره بيلديک. ايندي آنامين گؤزلري يومولويدو اللريني ده يئکه قارني‌نين اوستونه قويموشدو. سونرا آنامين دؤوره‌سينه چپر چکديک. ائوده ‌کيبوتون ياستيق‌لاري گتيريب دوزدوک. آتام ائوده اولسايدي، ايکيميزي ده آنبارا ساليب قاپيني قيفيللاياجاقدي. آنام دا گؤزلريني آچسا قيشقيراجاقدي. آما آچميردي. او، دوغورچو بير هئيکل کيمي‌اولموشدو. ايندي آنام اوتاغين تام اورتاسيندايدي، اطرافيندا من اوجاليقدا بير ديوار.
آيدين دئدي:– گل داوا-داوا اويناياق.دئديم:
– پارکدا ساواشمازلار.
– اوندا گل »ننه مني قوردا وئرمه« اويناياق.
بير-بيريميزي قووالاييب قيشقيرديق. آيدين بيردن داياندي. آناما ائله باخيردي ائله بيل اونون اوزونده يئريين بير قاريشقايا باخيردي. ياخينلاشديم. آنامين گؤزونون اوجوندان سو آخيردي. ساچلاري دا ايسلانميشدي. دئديم:
– آيدين بو دا فواره‌ميز!
آيدين آنامين بولاق کيمي‌آخان گؤزلرينه باخماق اوچون اَييلدي. ياواش سسله دئديم:
– گل بو يانا، بوردا داها چوخدو.
آيدين آنامين اوزونه ساري اَييليب قيشقيردي:
– آنا! ايکيميز ده بيردن دئديک:– آنا! آنا!
آنام اللريميزدن توتدو. اللري بوز کيمي‌يدي.
– بو قدر اويناماقدان يورولماديز؟… من چوخ يورولدوم، اوشاقلار. اويون اويناماقدان چوخ يورولدوم.او گولدو و سو گؤزلري‌نين اوجوندان ساچلارينا تؤکولدو.قادينلار
قادينلار ايکي قروپدور. قورونانلار و قورونمايانلار. بيرينجي قروپو ماشين‌لا او يان-بو يانا آپاريرلار. واختلي-واختيندا گؤزل‌ليک سالونوندان، حوض‌دان، مکتبدن، ايش يئريندن و… گؤتورورلر. تئلئفون‌لا حاليني سوروشورلار و بيردن باشي آغريسا، »بير آز استراحت ائتمن گرکميرمي؟« دئين بيري واردير. ايکينجي قروپون قادين‌لاري يئلده، ياغيشدا و کولکده ساعاتلارجا آوتوبوس نؤوبه‌سينده دورورلار و دفعه‌لرجه آوتوبوسون گله‌جگي يئره باخماياجاقلاريني دئسه‌لر ده، بويونلاري ايستر-ايسته‌مز بير داها و بير داها او يؤنه چئوريلير. گئجه‌يه قدر او يان-بو يانا قاچيرلار و گئجه »عزيزيم، آغري کسيجي ايسته‌ييرسنمي؟« دئين بيري يوخدور. بيرينجي قروپون قادينلارينين سسي يومشاقدير و تئلئفونلا دانيشارکن گئرچک ياشلاريني بيلمک چتيندير. ايکينجي قروپون قادينلاري کوبود و آجي‌ديرلار. ديش‌لري تئز چورويور. و هر آن ساچ بوياسي‌نين باهاليغيندان شيکايتچي‌ديرلر. قورونان قادين يئرلي-يئرسيز کيلوسونو اؤلچور و شيشميش قارنيندان ناراحاتدير.
 او، ايدمان سالونلارينا سونايا گئدير… گئجه يئمگي يئمير و بونو بؤيوک بير لذتله هر يئرده آنلادير. دوستلاري‌نين آراسيندا چئشيدلي آريقلاما ديئتي اوصول‌لاريني پايلاشيرلار و اونلاردان بيري‌نين بيشيرديگي تورتو ذؤقله يئييرلر. ايدمان معلليم‌لري اونلارا مشقي ائوده ده داوام ائتمه‌لريني مصلحت گؤرور. اونلار ارلريندن ايدمان ائتمه‌ينده اونلاري جزالانديرمالاريني ايسته‌ييرلر. ماقنيتافونا بير کاسئت ساليرلار. دار بير پالتار گئييرلر و ائوين بالکونوندا ايپ‌آتدي اويناييرلار. قارينين ايچري گئتمه‌سي آنجاق شانسليلارا اوز گتيرن بير معجيزه‌دير.
ايشيغين يايديغي معلومات اساسيندا آرازآذربايجان راپورونا گوره ، شانسلي قادين سيرريني آچيقلايير: »سحر يئمگيندن اؤنجه يئريمک.« اونلار بير-بيريله قرارلاشيرلار و سحر يوخولو گؤزلرله ائولرينه ان ياخين پارکا گئديرلر.
آناديليميز:ايدمان معلليم‌لري اونلارا مشقي ائوده ده داوام ائتمه‌لريني مصلحت گؤرور. اونلار ارلريندن ايدمان ائتمه‌ينده اونلاري جزالانديرمالاريني ايسته‌ييرلر.
ماقنيتافونا بير کاسئت ساليرلار. دار بير پالتار گئييرلر و ائوين بالکونوندا ايپ‌آتدي اويناييرلار. قارينين ايچري گئتمه‌سي آنجاق شانسليلارا اوز گتيرن بير معجيزه‌دير. شانسلي قادين سيرريني آچيقلايير: «سحر يئمگيندن اؤنجه يئريمک.» اونلار بير-بيريله قرارلاشيرلار و سحر يوخولو گؤزلرله ائولرينه ان ياخين پارکا گئديرلر.دؤنوشده دويون قارينا بير يئمک يئييرلر
. سونرا دا بير-بيرلرينه گئجه‌لري يئمک يئرينه سالات يئمگي اؤنريرلر. ايکينجي قروپون قادينلاري نه سونا تانييرلار، نه حوض. ياواش-ياواش بوش ممه‌لر و آسيلميش قارينلارينا ضررسيز بير ائو پيشيگي کيمي‌آليشيرلار. ساچ اوستاسي قورونان قادين‌لاري ايلک باخيشدا تانيير. او، الي آچيقليليقلا باغيشلايير و گيزلي بير آنلاشمادا اوندان، زامانين اثرلريني اوزوندن يوخ ائتمه‌سيني ايسته‌يير. اؤزونو آجي بير لذتله ساچ اوستاسي‌نين اللرينه تاپشيرير و تزه گؤرونوشونون انتظاريني چکير. قورونمايان قادين مين بير ديل‌له، ساچ اوستاسيندان اونو کيشيسي‌نين ايسته‌ديگي شکله سالماسيني ايسته‌يير. ساچلاريني بويايير، آما قيسالتمير. بير آز غرور و اوتانجلا، اري‌نين اوزون ساچدان خوشو گلديگيني سؤيله‌يير.ائوليليک‌لريندن بير نئچه ايل سونرا اؤزلري‌نين سانديقلاري بير جسارتله ساچلاريني آلمان مانکن‌لري کيمي‌قيسالديرلار. بير قادينين اللريندن اونون‌هانسي قروپا عايد اولدوغونو بيلمک اولار. قورونمايان قادينين الينده گؤي رنگلي، شيشميش دامارلار وار و سوموکلري گؤرونور. بارماقلاري‌نين تکليکده حرکتي يوخدور. الي‌نين هر طرفي عيني آندا بئيين‌دن امر آلير.
آما قورونان قادينلارين اينجه بارماقلاري وار. يومشاق و قيوراقديرلار و الين حرکتيني تکميللشديرمک اوچون سرعتله اونا اويوم ساغلاييرلار. قورونمايان قادينين اللري اطاعت ائدرجه‌سينه بدني‌نين کناريندان ساللانيب و هردن يوخاري قالخماق ايسته‌ديکده سينه‌سيندن يوخاري قالخمير. قورونان قادينلار آغير يئريشلي‌ديرلر. آما قورونمايان قادينلار يا چوخ ياواش، يا دا چوخ سرعتله يئرييرلر؛ يا بئل‌لري اَييليب، يا دا باشلاري بدنلرينه اويومسوز بير يوکسکليکده يئر آلير.
اونلارين يئريشلرينين تاماشاچيسي يوخدور. اونلار کيشي‌لرين سؤز آتمالاريندان لذت آلميرلار و دقتله، مهربانليق‌لا، عشقله دولو باخيشلارين اونلارا باخماياجاغيندان امينديرلر. قورونمايان قادين يا دئيينير، يا بير يئره زيلله‌نير، يا دا گيجلله‌نير.
يا قارين‌قولولوغا باخير، يا دا اؤزونو بئل، تنگه گتيره‌جک قدر خسيس‌ليک ائدير. قورونان قادين قوناقليق قورور، خارجي سفرلريندن دانيشير، اورتا ياشلاريني کئچسه ده، سرعتلي بير رقص ده ائده بيلير. دوستلاري اونو اؤيورلر و بو قدر جاوان قالديغي اوچون تعجوبله‌نيرلر. قورونمايان قادين اوينامير. ديرناقلاريني اوزاتماقدا اوغورلو دئييل. دار بير کؤينگي وار. او، قيزينا باخير.
اونون اَينينه کسه بيله‌جکمي؟ قورونان قادين کيشيني تانيير. اوندان نه زامان و نئجه پول ايستيه‌جگيني بيلير. بير اووچو کيمي‌کيشي‌نين ضعيف يئرلري‌نين پوسقوسوندا ياتير و اوندان يارارلانير. قورونمايان قادين اؤزونو ده تانيمير و هر زامان نه‌دن او و کيشيسي هئچ نه‌يي عيني آن دا ايسته‌ميرلر دئيه، شاشيرير. قورونمايان قادين گوناه و وجدان عذابيني دوغولماميش اکيزلر کيمي‌اؤزويله داشيير.
او، اريندن نيگاراندير، او بيريسي ايسه اؤزوندن. هر دفعه چئک-آپ ائدير. قان آناليزينه گئدير، ساغلامدير، آنجاق انرژيسي آزاليب. خسته‌ليک و ياشليليق اونو مين اژداهادان داها چوخ قورخودور. آما قورونمايان قادين زامانين کئچمه‌سيني بيلمير. ايشيغين يايديغي معلومات اساسيندا آرازآذربايجان راپورونا گوره بيرينجي گونه ايکينجي گون دئيير، اوچونجو گونه دؤردونجو گون. اري‌نين اوزونده‌کي آغ توکلري گؤرور و صاباحي دوشونور. قورونمايان قادين آغلايير. گؤز ياشلاري بيته‌جک قدر آغلايير. قورونان قادين آغلاماق و حوزنون ياري يولوندان حياتا قاييدير.

منبع :