بولگه لر سرويسي: بير گون عاباس عمي بير آز قويروق ياغي آلير، ايسته ير ائوده بونو ايشلتمه سينلر، ائوده سوروشاندا :بونو کيمدن آلميسان؟ دئيير: محممد بير داوار کسميشدي ،اوندان آلميشام. بيزيم يئرده هامي بيلير ،محممد چوخ بير پينتي بير آدامدي، بيلمه ز بورنون هارا سيلسين! هممشه کر-کثافتين هاراسيندا دولانار .هردن ده محلله لرده -مئيداندا دولانيب کلله دن -قاريندان -قويروقدان ساتار. اونون سسين ائشيدن خانيم ،ائودن ائشيکه چيخماز. بونو من بيليرديم ،فتتاحين توکانيندا چوره ک آلاندا، ياديما دوشدي .ايکي بسته ياغلي دستانا آليب ،ائوه گلنده ،ائوده کيلر سوروشدولار: کيمدن آليبسان ؟نه گوزل دستانالاردي! دستانالار يئييلمه مک اوچون، صاباحي من آپارا بيليم داغا ،دئديم: چوپور فيضضه نين قيزي، قوطور ممصمه ياپيب، اوغلي سيسقا کريم مئيداندا ساتير!داغدا قويونچوموزا آلميشام . خيلاصه نه باشيزي آغريديم ،من دييه- دييه الين آتميشدي ايکي سين کوتورموشدي اويان-بويانينا باخيردي، تز يئرينه قايتاريب، حسرتيله اونلارا باخيب دوداقلارين بوزدي .يعني بو کي يئمه لي دئييل!فيلانکس ياپيب!قادازي آليم هر ايش بئله دي. کيشي ايسته ير ماآشدان بير آي باشي اؤزونه خشله سين، اعداد- ارقاما گره ک بير ال آپارا. آرواد ايسته ير خوت -دامنين عوض ائتسين، کيشي نين باشينا بورک قويماليدي . حتتا اوشاق بير جيبينه پول گلسين ،هي آناسينين ياخاسين سيلکه لير: آي آنا مکتبخانادان پول ايسته يللر.هله ايشکالي يوخدي آرواد يئمه سه کيشي يئيير، ياخوت کيشي يئمه سه خانيم يئيير، يادا هئچ بيرينه يئتيشمه ينده اوشاق قاپير قاچير! امما ائله بيل بيزيم بوتهنه ده قالان دستانالاريميز، داغدا قويونچوموزا گئتمير، چوخ اوزاق اولکه لرده ،اوزاق داغلاردا –يئييلير!خانيمدان دا اولور کيشي دن ده!!
بولگه لر سرويسي: بير گون عاباس عمي بير آز قويروق ياغي آلير، ايسته ير ائوده بونو ايشلتمه سينلر، ائوده سوروشاندا :بونو کيمدن آلميسان؟