حيله‌گر کئچي
حيله‌گر کئچي
1396/06/12
بولگه لرسرويسي:گون‌لرين بير گونونونده ائل داغ‌دان کؤچوردو.
يايلاق حيکايه سي
بير کئچي, بير دانا, بير قويونون بون‌دان خبري يوخ ايدي. اوزلريني خلوت بير يئره وئريب اوتلاييردي‌لار. حيوان‌لار بير واخت باش‌لاريني قال‌ديريب گؤردو‌لر کي, لل کؤچوب, يوردو قاليب; بير-بيري‌لري‌نين اوزونه باخدي‌لار. دانا آغلاييب دئدي:کئچي قارداش, قورد گليب بيزي يئيجک. تئز بير چاره ائله.
کئچي دئدي:گئدک بير داخما تاپيب ايچينده ياشاياق.هر اوچو بونا راضي اولدو. چوخ گزدي‌لر, آز گزدي‌لر, دانا بير آيي دريسي, کئچي بير قورد دريسي, قويون دا بير تولکو دريسي تاپيب بوروندو. بير خئي‌لي گزن‌دن سونرا بير داخما تاپدي‌لار. سئوينه-سئوينه ايچري گيريب گؤردو‌لر کي: بير آيي, بير قورد, بير ده بير تولکو اوتوروب صحبت ائليير.
آيي سئوينيب دئدي:تولکو بابا, قالخ بير اودون گتير.تولکو گئديب اودون گتيردي. آيي اونو دؤشونه باسيب دئدي:دينقير سازيم, دينقير سازيم, بير دانا يئميشم, بيري ده باجا‌دان دوشدو.قورد اودونو آيي‌دان آليب دئدي:دينقير سازيم, دينقير سازيم, بير کئچي يئميشم, بيري ده اوز آياغي ايله گلدي.سونرا اودونو تولکو آلدي:دينقير سازيم, دينقير سازيم, بير قويون يئميشم, بيريني ده يئيجم.بو سؤزو ائشيدئن کئچي قويونا دئدي:قالخ منه بير اودون گتير.قويون کئچييه بير اودون وئردي. کئچي اودونو دؤشونه باسيب بئييردي:دينقير سازيم, دينقير سازيم, بير قورد يئميشم, دريسينه بورونموشم, بيريني ده يئيجيم.
اودونو دانايا وئردي. دانا بير شيللاگ آتيب ديله گلدي:دينقير سازيم, دينقير سازيم, بير آيي يئميشم, دريسينه بورونموشم, بيريني ده يئيجيم.دانا دا اودونو قويونا وئردي, قويون سؤيله‌دي:دينقير سازيم, دينقير سازيم, بير تولکو يئميشم, دريسينه بورونموشم, بيريني ده يئيجيم.تولکو بو سؤزو ائشي‌دن کيمي گؤتورولدو. اونون دالينجا قورد دابان آلدي, آيي دا اونلارا باخيب قاچدي.کئچي يولداش‌لارينا باخيب دئدي:بوکلکله اولوم‌دن قورتارديق. گلين قاچيب بير يانا گئدک. اونلار يولدا فيکيرلشجک, گئري قاييديب بيزي يئيجک‌لر.کئچي‌نين فيکريني بئينيب يولا دوشدو‌لر. بير آز گئتدي‌لر. قاباق‌لارينا بير قايا چيخدي. ديرماشيب قايانين باشينا چيخدي‌لار, اورادا ئوزاندي‌لار.آيي, قورد و تولکو ده بير خئي‌لي قاچدي‌لار. سونرا بير آغاجين ديبينده دوردو‌لار. او بيري طرف‌دن قورد دئدي:اده, قويون, کئچي, دانا بيزي يئيه بيلمز. اونلار بيزي آلداتدي‌لار. قاييدين گئدک, اونلاري يئيک.قاييديب داخمايا گيردي‌لر, گؤردو‌لر کي, لله کؤچوب يوردو قاليب. اونلارين ايزي ايله گئديب قايايا چاتدي‌لار. گؤردو‌لر کي, کئچي, قويون, دانا قايانين باشيندادي. آيي گؤز‌لريني آشاغي‌دان يوخاري برلدنده دانا برک قورخدو, آياغي سوروشوب تاپپيلتي ايله قايا‌دان دوشدو. داناني گؤرن کئچي سسي گلديکجه باغيردي:دانا قارداش, سن آييني برک توت قاچماسين, بيز ده قوردلا تولکونو توتاق.
تولکو کئچي‌نين بو سؤز‌لريني ائشي‌دن کيمي قاچدي, اونون دالينجا قورد, قوردون دالينجا آيي گؤتورولدو.کئچي, دانا, قويون او کي وار گولدو‌لر, سونرا هر اوچو بير-بيرينه قوشولوب آرانا گلدي‌لر.بئلهجه, عزيز دوست‌لاريم ناغيليميز بوردا بيتدي. گؤي‌دن اوچ آلما دوشدو, بيري منيم, بيري سنين, بيري ده ناغيل دانيشانين. يعني بو حسابلا منه ايکي آلما, سيزه ده بير آلما دوشموش اولدو!!! بيليرم, آلما‌لاري بئله بؤلدويومه گؤره من‌دن اينجيمزسينيز.
آخي سيز ده بيليرسينيز کي, ناغيل‌لاريميز هميشه بو »وچ آلما« ايله بيتر. يوخسا منه قالسا نينکي آلما‌لارين هاميسيني, يئر اوزوندکي ان گؤزل مئيوه‌لري, نئمت‌لري, حديييه‌لري, حتي گونشي گؤي اوزون‌دن قوپارديب سيز‌لره وئررديم.ائله بيزيم بو دفعهکي گؤروشوموز ده بوردا بيتير. سانيرام کي, بو دفعهکي نووروز بايراميندا دا يئنه سيز‌لرله بايرام سئوينج‌لريمي بؤلوشه بيلديم. سيزه و بوتون خالقيميزا گؤزل نووروز بايرامي, برکت‌لي ايللر, عمين-آمان‌ليق و سيز, گول بالا‌لاريميزا سئوينج دولو بير حيات آرزو ائديرهم.
منبع :