آذربايجان ناغيللاري بولگه لر سرويسي:آردي وار. شاه دئـيير: سنين بوردا نه ايشين‌وار؟اوغلان دئـيير:»آللاهين امريله و پيغمبرين شرعي‌له سنين قيزين‌لا ائولتمک ايستيره‌م.« شاه دئـيير :»سؤزوم يـوخ. آمما منيم‌ده بير شرطيم وار. اودا بوکي فلان يـئرده بير قصاب کيشي وار کي اونون سيرريني ايندي‌يه جان کيمسه بيلمه‌ييب. اگر قيزيمي ايسته‌سن گرکدير کي او کيشي‌ني تاپيپ و سيرريني بيليب منه دئيه‌سن!.«اوغلان قبول ائله‌ييب و يـولا دوشمک ايسته‌يير. گيزلتديگي بؤرکي، خالچاني و قمچي‌ني تاپيپ و حضرت سليمان عشقيله »مني قصاب کيشي‌نين يانينا قوي. دئـييب اؤزونو قصاب کيشي‌نين توکانيندا گؤرور. بؤرک باشيندا اولدوغو ايچون ده، کيمسه اونو گؤرمه‌يير. قمچي‌له خالچاني گيزله‌دندن سونرا بؤرکونو جيبينه قويـوب قصاب‌لا راست‌لاشير. قصاب اوندان نه‌ايسته‌ديگيني سوروشاندان سونرا، پادشاهين اوغلو دئدي:» من أت آلماغا گلمه‌ميشم. غريب اولدوغوم ايچون بو گئجه‌ني سنه قوناق اولماق ايستير‌م.« قصاب کيشي اونون سؤزونو يـئره سالمادي و اونو قوناق آپاريب چوخ حؤرمت ائله‌دي. پادشاهين اوغلو آمما دؤزمه‌ييب و حقيقتي بوسبوتون آچيب دئدي. قصاب کيشي اوزونو اونا توتوب دئدي:» منيم سيرريمي بيلمه‌سن ياخشي‌دي. منيم سيرريمي آنلاماقلا اؤلمه‌گين بيردي. ايگيت‌ليگينه يازيقين گلسين. سحرکي اولدي دورگئت بيرده بويانا دولانما.« پادشاهين اوغلو باشلادي آندا ـ قسمه کي حتما گرک من سنين سيرريني بيلم. او قدر يالوار ياخار ائله‌دي کي آخيردا قصاب آياغا قالخيب و ايشقاب‌دان قيرخ کليد چيخارتدي و پادشاهين اوغلونو بير سالونا آپاردي کي اوردا قيرخ قاپي وار ايدي. قاپي لاري کي بيربير آچيردي هره‌سينده بير آدامين سوموکلري گؤرونوردي. قصاب دئدي:« بونلاردا سنين کيمي منيم سيرريمي بيلمک ايستيرديلر. آمما هاميسيني اؤلدورموشم. سيرريمي سنه دانيشاجاغام، آمما آنلاياندان سونرا، سني‌ده بونلار کيمي اؤلدوره‌جه‌گم. منيم سيرريم بئله‌دير، قولاق آس! من عم قيزيم‌لا ائـوله‌نيب، اؤزومو چوخ خوشبخت بيليرديم. آمما بير گئجه کي يـوخودان آييلديم، گؤردوم او يانيمدا دئـييل. بير آز کي کئچدي گؤردوم گلدي. هاردا اولدوغون کي سوروشدوم سو باشينا گئتمه‌يين آنلاتدي. بونون اوستوندن بير مدت کئچدي. يـئنه بير گئجه آييليب عم قيزيني گؤرمه‌ديم. آمما هاننان گيزدين اونون گلمه‌سيني گؤردوم و جاوابدا يئنه همان سؤزو ائشيتديم. صاباحکي‌گون أليمي کسر‌کن اونو دوزلاديم تا يوخوم گلمه‌سين. گئجه ياريسي ايدي کي قئـينانام اتاقا گيردي و مني يوخودا گؤردوک‌دن سونرا عم قيزيمي آييلديب »دور گئده‌ک« دئدي. قئـينانام‌لا خانيميم يولا دوشدولر. من‌ده تئز آييليب اونلاري بوسماقا باشلاديم. گوردوم حيط‌ده ايکي آت وار. بيرينه عم قيزيم بيرينه‌ده قئـينانام مينيب يولا دوشدولر. من‌ده ماجال وئرمه‌ديم. آتيمي مينيب اونلارين داليجا دابانا قوت چاپديم. اونلارين بير قالايا گيرمک‌لرين گؤردوم. آتدان يـئنيب من ده گيزلين ـ گيزلين و سس‌سيز سميرسيز قالايا گيرديم. قالا دولو ايدي حرامي‌لر ايله. قئـينانام يـئتيرجک، دايانمادان لوت سويـونوب باشلادي حرامي‌لر ايله اويناماقا. عم قيزيمي‌دا آپارديلار بير اتاقا کي حرامي‌لرين باشچي‌سي اوردا ايدي. حرامي‌لرين رئيسي عم قيزيمي گؤرجک اونون يـوبانماسيندان حيرص‌له‌ييب و باشلادي يامانلاماقا. سونرا ساچلاريندان ياپيشيب و اونو قويـنونا آلماق ايسته‌دي. قان گؤزومون قاباغيني توتوب و قيلينجي چکرکن، يـومولدوم حرامي‌لر اوستونه و باشچي‌لاريني قانينا غلطان ائله‌رکن قارانليقدا گؤزذن ايتديم. آتي مينيب ائـوه ساري يـوللانديم. يـئريمه گيريب اؤزومو يـوخويا ويرماقيملا بيرگه، عم قيزيم دا يـئتيردي. هئچ دينمه‌ديم. ناهار چاغي ايدي کي عم قيزيم‌لا قئيناناما دئديم کي گئجه‌ني بير يـوخو گؤرموشم. يـوخومو سيزه دئـيه‌جگم، آمما قلبينيزه آلمايـين. بئله‌ليکله باشلاديم گئجه‌ني هر نه اولوب کئچميشدي اونلارا تعريف‌له‌مگه، آمما سؤزوم هله قورتولماميشدي کي قئـينانام، ايشيني آنلايـيب و برک‌دن منيم اوزومه توپوردي. اونون توپورمه‌سي‌له منيم سئحير جادو اولماغيم بير گوز قيرپيمي چکمه‌دي. من اولدوم بير ايت و ائـودن قاويلديم. هاپپيلد‌ييا هاپپيلد‌يا قارداشيم گيله گئتديم. آروادي مني گورجک :»ايت گئت« دئدي و مني قاودي. آمما من گئتمه‌ديم. گؤزلريمي قارداشيم قيزينا ديکيب ديلسيز ـ ديلسيز اوره‌ک سؤزلريمي آنلاتماق ايسته‌ديم. قارداشيم قيزي باشلادي آتاسيني چاغيرماقا کي بو ايتين گؤزلري قصاب عمي‌نين گوزلرينه بنزه‌يير. قارداشيم دا حيرص‌له‌نيب اوشاقا آجيقلاندي. آمما قيز دا أل چکمه‌دي. دئدي:اينانميرسان بير باخ! لاپ قصاب عمي‌نين گؤزلري‌دي…» قارداشيم ياخينا گليب گؤزلريمه باخارکن، بير کتاب گتيردي و اونون قاتيني آچيب بير نئچه سئحيرلي دعا اوخودي. دعا بيته‌رکن منيم جيلديم ده‌يـيشليب و اؤز شکليمه قاييتديم .باشيمدان کئچه‌ني قارداشيما دانيشارکن، بير نئچه سئحير جادو منه اؤيره‌ديب اونلاري طيليسمه سالماق قرارينا گلديم. ائله‌ده اولدو. قئـينانام إششک شکلينه دوشدي و عم قيزيم‌دا بير گؤيرچين اولدي. إششکي پيه‌يه باغلاييب هر گون سحر ايشيم اونو دؤيمک‌دي، او قدرکي دريسيندن قان آخا. عم قيزيم‌دا کي گؤيرچين اولوب، قونار پنجره‌نين هره‌سينه و هئچ يانا گئتمز. خوره‌گيمي يـئييب آرتـيقيني ايتين قاباغينا تؤکدوک‌دن سونرا، هرنه قاليرسادا او گؤيرچينين پايي اولار. اول‌ده هئچ نه يئمز. آمما اونداکي اؤلدوردوغوم حرامي‌نين باشيني گتيريب و باشلايارام قامچي‌لاماغا، اوندا قانادلاريني باشينا چکيب باشلايار ايتين آغزيندان قورتولموش آرتيق‌لاري يـئمه‌گه.» قصاب کيشي بونلاري دئـييب قورتارارکن خنجريني چکيب اونون باغريني دئشمک ايسته‌دي کي پادشاهين اوغلو سئحيرلي بؤرکو باشينا قويـوب گؤروممز اولدي. خالچاني قمچي له‌ييب حضرت سليمان عشقي‌ايله سئوگيلسينه چاتماق ايسته‌دي. پادشاهين اوغلو سئوگيلسي ايله گؤرو‌نرکن يـئنه هر زادي اونودوب گونلرين ساييسي أليندن چيخدي. تاکي بير گون يـئنه اونو شيطانلاديلار و شاه اونون توتوقالانماسينا امر ائندي. آمما اونداکي قصاب کيشي‌نين سيرريني پادشاها آچيقلادي، شاه قيزيني اونا وئره‌رکن يـئددي گئجه يـئددي گوندوز هرياندا توي چاليندي.
بير گون وارايدي،بير گون يوخ ايدي،آللهدان سئواي هئچ کس يوخ ايدي. گونلرين بير گونونده بير پادشاه وار ايدي کي اونون اوچ اوغلو وار ايدي.بير گون ايسته‌يير اونلارين اوچونوده ائولنديرسين.
آردي وار. شاه دئـيير: سنين بوردا نه ايشين‌وار؟اوغلان دئـيير:»آللاهين امريله و پيغمبرين شرعي‌له سنين قيزين‌لا ائولتمک ايستيره‌م.«
اوننان سوهرا، گتيرئي بي منزيل وئرديرئي قارامليگه، گئديب ييغشئي‌لر اورا. اؤزي گلئي، سوب گلردي خودکارين يانيندا قالاردي، ياتيشاندا گئدردي ائوينه، دئدي خاييش ائلييم سننن دسدور دئ شهره- جار چاغيرتدير هئشگس منيم ائييمين يئرين دئمه‌سين گلسه‌لر.