ديجيتال ديکتاتورلوک چاغينا گيريريک...…

بولگه لر سرويسي: چين ايندي‌دن گله‌جه‌يي ياشايير و چوخ ياخين زامان‌دا چين-ين تجروبه‌لري بوتون دونيايا ياييلاجاق. دؤولت‌ين بيرئي (فرد) اوزه‌رينده کونترولونون آرتديغي و هر آنيميزين گؤزت‌لندييي ديجيتال ديکتاتورلوق چاغي ايله قارشي قارشي‌ياييق. مئترودان آشاغي ائنير، تئلفونوم‌دان QRکود اويقولانماسيني آچيب، بيليت کونترول جيهازينا اوخوتدوقدان سونرا سرعت‌له گلن ترئنه يئتيشمه‌يه چاليشيرام.

حاضيرلايان: سوسن_نواده‌رضي

بولگه لر سرويسي: چين ايندي‌دن گله‌جه‌يي ياشايير و چوخ ياخين زامان‌دا چين-ين تجروبه‌لري بوتون دونيايا ياييلاجاق. دؤولت‌ين بيرئي (فرد) اوزه‌رينده کونترولونون آرتديغي و هر آنيميزين گؤزت‌لندييي ديجيتال ديکتاتورلوق چاغي ايله قارشي قارشي‌ياييق. مئترودان آشاغي ائنير، تئلفونوم‌دان QRکود اويقولانماسيني آچيب، بيليت کونترول جيهازينا اوخوتدوقدان سونرا سرعت‌له گلن ترئنه يئتيشمه‌يه چاليشيرام. اوتوراجاق يئر تاپماق بوراداکي ان اؤنملي قونو، چونکي يول قيسا دئييل. نه ايسه‌ کي بوش بير يئر تاپيب همن دولدورورام اوراني.مئتروداکي اينتئرنئت، ائويمده‌کي اينتئرنئت‌دن داها سرعت‌لي اولدوغو اوچون تخمينن 45دقيقه سورن يولجولوغومون نئجه کئچدييي‌ني فرق ائتمه‌دن Jing’an Temple دوراغيندان ائنه‌رک، ايکينجي خطّه کئچيرم. باش‌لاري تئلفون‌لارا گؤمولو شکيلده يئري‌ين انسان قالاباليغيندان سييريلاراق، کيچيک بير مارکئته گيريب ايچه‌جک بير شئي‌لر آليرام و اؤده‌مه‌يي هر زامان اولدوغو کيمي “WeChat Pay” ايله ياپيرام.
ذاتن چين‌ده ان سون نه زامان پارا قوللانديغيمي داها خاطيرلاميرديم. شارژيمي يا دا اينتئرنئتيم بيتر دئيه، تئلئفون قابيمين آراسينا قويدوغوم 11 يوان بيله کؤهنه‌لمه‌يه باشلاميشدي. ايکينجي خطّه منتقل اولدوقدان سونرا دوراغيندا ائنيرم. Lujiazuiدوراغيندا ائنيرم. بو مشهور شانگهاي تئلويزيون بورجونون اولدوغو يئر. ايلک ايشيم Luckin Coffee-يه گئتمک. هم ستارباکس‌دان اوجوز، هم ده قهوه کاليته‌سيني چوخ بيه‌نيرم.
 اوسته‌ليک تئلفونومداکي اويقولامادان ساتين آلينجا، 28 يوانا آلديغيم قهوه‌ني چوخ راحات 10-14 يوان آراليغيندا ساتين آلا بيليرم. قهوه آلماق اوچون نه صانديق باشينا گئديرم نه ده صف‌ده دورورام. تئلفونومداکي اويقولامادان سيفاريش وئريرم، کيوآرکود ايله اؤده‌مه‌يي ائديرم. اويقولاما منه بير نوبت نؤمره‌سي وئرير. چاغريلينجا گئديب قهوه‌مي آليرام.
 بيتدي.چين‌ده سيستئم تئکنولوژي قوللانيمي ائله جيددي بير شکيلده تشويق ائدير کي، ايسته‌سز داها بوندان اوزاق قالماييرسيز. قهوه‌مي آليب، يئريمه‌يه باشليرام.
 قارشي‌دان قارشي‌يا کئچمم گره‌کير. يولدا آراج يوخ آما گؤزله‌ييرم؛ چونکي کئچسم قارشيداکي کامئرا مني تثبيت ائديب، اوزومو ترافيک ايشيغي‌نين آلتيندا اولان ائکرانا يانسيداجاق و مني افشا ائده‌جک.کاسپئر اسکاي Kaspersky, (*) بوندان تخمينن بير ايل قاباق “Earth 2050” عنوان‌لي بير وئب سيته‌سي حاضيرلاياراق چوخ مشهور فوتوريست‌لره گله‌جه‌يه داير بعضي تخمين‌لر ياپديرميشدي
 فوتوريست‌لرين ترسينه ايندي آنلاداجاق‌لاريم تخمين فيلان دئييل. وار اولان، ياشاديغيميز و محتملن ياخين بير گله‌جک‌ده بوتون دونانين ياشاياجاغي بير گله‌جک. بيز بورادا ساده‌جه بئتا نوسخه‌سيني اؤنجه‌دن تجروبه ائديريک.
 بوتون سيستئم ضعيف‌ليک‌لري آرادان قالديرديقدان سونرا، دونيانين باشقا اؤلکه‌لري ده چوخ ياخيندا بو تئکنولوژي‌لري قوللانماغا باشلاياجاق و بيزيم بو آنکي تجروبه‌لريميزي ياشاياجاق‌لار.
سيزه ياخشي بير تابلو چکمک ايسترديم آنجاق گله‌جک داها چوخ توپلومون نئجه کونترول ائده‌بيله‌جه‌يي اوزه‌رينه قورغولانير.
کوره‌سل سالقين‌لا بيرليک‌ده چين-ده چوخ يئني تئکنولوژي‌لر قوللانماغا باشلاندي، ائله کي، 3 آيليق بو سوره‌ج‌ده، چين يؤنه‌تيمي 2000 يئني تئکنولوژي‌دن فايدالاندي.
سوسيال اعتبار سيستئمي
چين، اوزون بير مدت‌دير وطنداش‌لاري‌نين داورانيش‌لاريني «سوسيال گووه‌ن(اجتماعي اعتبار)” باشليغي آلتيندا سيرالاياراق بؤيوک بير نؤمره وئرمه سيستئمي قورموش دورومدادير. سيستئم، شخص‌لره صاحيب اولدوق‌لاري نؤمره‌لره گؤره اؤدول و يا جزا وئرير. دؤولت‌ين معين ائتدييي قورال‌لارا اويان‌لار اؤدول‌لنديريله‌جک (جايزه وئريله‌جک). قورال‌لارا اويمايان لار جزالانديريليب افشا ائديله‌جک.
سيستئم، بيرئي‌لرين (فردلرين) نؤمره‌لريني معين ائدرکن؛ مصرف عادت‌لري، سوسيال مئديا استفاده‌سي،آرخاداش چئوره‌سي کيمي سون درجه قاپساملي عنصرلرين داخيل اولدوغو بير آلگوريتمي قوللانير.
ساده آنلاتماق ايسته‌سک؛ بانک‌لارين قارا ليسته‌سي اولدغو کيمي آرتيق دؤولت‌لرين ده قارا ليسته‌سي اولاجاق. قارا ليسته‌ده اولان‌لار بير چوخ امتيازلاردان استفاده ائده بيلمه‌يه‌جکلر.
سياحت و ساغليق حاق‌لاري بيله قيسيتلانا بيله جک.حتتا قيرميزي چيراق‌دا کئچمک، باغلي آلان‌دا سيگار چکمک نؤمره‌زي آزالدا بيله‌جک. چين بو ايلين سونونا قدر بوتون وطن‌داش‌لاريني نؤمره وئرمه‌يي آماجلايير.
ياپاي ذکا (هوش مصنوعي) ايله تکميل اولموش کامئرالار ايله آنيندا انسان‌لارا نؤمره وئره‌جک و بو نؤمره‌لر سايه‌سينده وطنداش‌لاري يا ياخشي وطنداش، يا دا پيس وطنداش اولاراق صينيف‌لانديراجاق.
بئله بير شئيي تصور ائدين، خياوانا چيخديغيز آندان اعتيبارن ميليون‌لارجا کامئرا هر آنيزي گؤزتله‌يير. اوسته‌ليک سيستئم‌ين ياخين گله‌جک‌ده بوتون دونيادا اويقولانماغا باشلانماسي قطعي‌ کيمي گؤرونور. بو سيستئم‌ين ان اؤنملي يارديمجي‌سي ايسه بوتون اؤلکه‌ني سارمالايان (احاطه ائدن) ياپاي ذکا دستک‌لي 200 ميليون‌دان چوخ کامئرادير.
ياپاي ذکا (هوش مصنوعي)سي اولان کامئرالار
چين‌ده اوز تانيما سيستئمينه صاحيب کامئرالار هر يئرده وار. ياپاي ذکانين دا داخيل اولدوغو سيستئم قورخودوجودور. علمي فانتئزي کيمي گلسه ده هر شئي گرچک‌.
سيستئم عئيني آندا يوزلرجه انساني آناليز ائدير. ان اؤنملي قيسمي سيستئم‌ين پسيکولوژيک آناليزلر ائده بيلمه‌سي‌دير. کامئرا گؤروش آلانيندا اولان بوتون انسان‌لاري معين‌لشديرير. ساکين مي، عصبي مي اولدوغونو، اوزونده‌کي خوشبخت‌ليک درجه‌سيني، اوستونده نئجه بير گئييم اولدوغونو، ساچ رنگيني، جنسيتي‌ني، آديني سوي آديني، حتتا ايرقي‌ني بيله آنيندا ثبت ائده بيلير.
سيستئک هر کسي ايزله‌يير، تانيشديق‌لاري ساير انسان‌لاري معين‌لشديرير و ايکي هفته بويونجا تعقيب‌ده قالا بيلير. اوسته‌ليک سيستئم ساده‌جه اوزونو گؤردويو انسان‌لاري دئييل، آرخاسي دؤنوک و چوخ اوزاقدا اولان آدام‌لاري دا تعريف‌له‌يه بيلير.
 بونو دا شخص‌ين حرکت‌لريندن آنلايير.هر کسين يئريمه شکلي، قول و قيچ هماهنگ‌ليغي‌نين فرقلي اولدوغو بيلگي‌سي اوزه‌ريندن حرکت ائدن سيستئم، گون ايچه‌ري‌سينده توپلاديغي بيلگي‌لري بير حووض‌دا توپلايير. داها سونرا ساده‌جه آرخادان گؤرولن بير شخص تثبيت ائديلمک ايسته‌نيلنده، هدف آدام حووض‌دا اولان اؤرنک‌لرله قارشي‌لاشديريلير و ائش‌لشديرمه باشلايير.
بو آن چين‌ده قوللانيلان بو تئکنولوژي، چوخ ياخين زامان‌دا بوتون دونيايا ياييلاجاق. چونکي بو تئکنولوژي، گونئي‌دوغو آسيا و اورتادوغو اؤلکه‌لري باشدا اولماق‌لا، بعضي آوروپا اؤلکه‌لرينه اخراج ائديلمه‌يه حاضير حالدادير

منبع :