اؤلوم ائوي

اوزومه باخمادان: ـ علئيکيم، بويورون.

من بو کنده… سؤزومون آراسينا گيريب دئمه‌گينه کؤنولسوز اولاراق: ـ هه بيليرم دونن گئجه خانين ائوينه گليبسن.خان ! بس بونا گؤره‌هامي‌مندن چکينير. ائله اونون اوچون ده منيم بورايا گلمه‌گيمين خبري بو قدر تئز هر يئره ياييليب !ـ منيم بورادا کيمسه‌م يوخدور علاج‌سيزليقدان او ائوه داشينميشام. من بورادا بير ايش تاپيب بير آز پول ييغيب شهره قاييتمالييام. اکينچيليک زاد اليمدن گلمير آما ايگنه وورماق، يارا باغلاماق زاد اليمدن گلير لاپ بئله مال حکيمليگيندن ده بير شئي‌لر بيليرم اولورسا من بورا دا سيزه يارديمجي کيمي‌ايشله‌ييم.
جيب تئلفونونو ماسانين اوستونه قويوب قاشلارينين دوگونونو آچدي آما آنليندا کي قيريشلار ايتمه‌دي. قارا شَوه مونجوغا بنزر گؤزلريني منه تيکيب ياريمچيق بير گولوش دوداغينا قاچيراراق:سن دئييرسن بلکه بورا‌هارادي ؟ بورانين او قدر گليري يوخدو کي پول ييغاسان، هئچ منيم خرجيم چيخير کي. من ده مجبورييت اوزوندن بوردايام آلتي آيدان سونرا پئنسياچي(بازنشسته) اولاجاغام.بورا هئچ آيدا دا بير خسته گلمير بو کندلي‌لر اولماسا من آجيمدان اؤله‌رم.
سيز ايذين وئرين من بورادا اوغراشيم گؤرک نه اولور بلکه باشقا بير ايش تاپديم.ـ منيم سؤزوم يوخدور نه واخت بورا گليرسن گل من ده تک‌ليکدن چيخارام، آما بوردان سنه پول چيخماز باشقا ايش آختار.چوخ ساغ اول، چوخ ساغ اول. بس من صاباح ساعات نئچه ده بورادا اولوم؟
ماسانين آرخاسيندان آياغا قالخيب منله گؤروشدو ال‌لرينين هر بيري منيم ايکي اليم بويدا اولاردي اؤزو ده گؤوده‌لي اوجا بوي بير آدام’ايدي.‌هاچان گلسن گه او قدر ده اؤنملي دئييل(گوله‌رک) چونکو بوردا خسته يوخدو.دئدين آدين نه دي؟آرازام. بس سيز ؟صمد. کندلي‌لر صمد عمي‌دئيير.صمد جيددي گؤرونسه ده دانيشيغيندان بير ده گؤزلريندن بللي اولوردو اوره‌گي يوموشاق آدام‌دير. اونو او قدر کاريزمالي حيس ائتديم کي من ده ايسته‌ييرديم اونو صمد عمي‌چاغيريم آما اوتانديم.صاباحا قدر حله‌ليک صمد بي.حله‌ ليک.صمد عمي’دن آيريليب کيلينيکادان ائشيگه چيخديم ياواش _ ياواش‌هاوا قاراليردي گلديگيم يولو قاييدارکن کند’ده کي ائولره فيکير وئرديم‌هاميسينين بؤيوک حيطي،‌هاميسيندا دا ياشلي _ ياشلي آغاجلار، چيچک‌لر، يام_ياشيل چمن‌لر هم ده آغاجلارين هر بيريسينده ان آزي ايکي _ اوچ دنه قوش يوواسي وار ؛ بس او بويدا عيمارتين آغاجلاريندا نه‌دن هئچ بير قوش يووا سالماييب! بو فيکيرلرله باشيمي‌قاتميشديم بيردن بير اوشاغين سسي’ايله اؤزومه گلديم. اوشاق عيمارتين دؤنگه‌سيني اوزو يوخاري قاچاراق آغلاييب يارديم ايسته‌ييردي. هردن ييخيليردي آرخاسينا باخيب دوروب يئنيدن قاچيردي. بللي’ايدي اوره‌گي آز قالير آغزينا گلسين آما دورمادان قاچماغا جان آتير. دؤنوب آرخاما باخديم قورخونج نه‌سه يوخ’ايدي، اولمايا مندن قورخوب قاچير ! آرخادان سسله‌يه‌رَک اونا ساري قاچديم آنجاق منيم سسيمه هئچ تپکي گؤسته‌رمه‌دن قاچيب عيمارتين حيطينه گيردي من ده اونون آرخاسينجا حيطه گيرديم. اوشاغين عيمارتين دال طرفينه گئتديگيني گؤروب قاچاراق اؤزومو اورايا يئتيرديم. تخمينيم دوز چيخميشدي عيمارتين آرخاسيندا دا بؤيوک بير حيط وار’ايدي عيني کنده طرفده کي کيمي‌چئوره‌سي بارماق‌ليق’لي و بير قاپي کي اورادان چيخان اؤزونو مئشه‌نين اورتاسيندا تاپاردي. اوشاق قاچيب مئشه‌نين ايچينده گؤزدن ايتدي.‌هاوا آرتيق قارالميشدي مئشه‌’ده کي آغاجلار آداما قورخونج گليردي اونون اوچون ده اوشاغين آرخاسينجا گئتمه‌ييب ائوه قاييتديم.
هئچ اشياءلاريم ياديما دوشموردو بس اونلار نئجه اولموشدو. ايکي تاغلي بؤيوک قاپيني آچيب ايچه‌ري گيرديم جيب تئلفونومون فنريني يانديريب سالونون ائلئکتريک کليديني تاپيب چيراغي يانديرماق ايسته‌ديم آما ائله بيل ائلئکتريک کسيلميشدي مطبخين قاباغيندان کئچيرديم سانکي آرخادان بيري منه گولوب ديواردا کي شکيل‌لره ساري يئريدي. ايشيغي يئريمک سسي گلن يئره توتدوم، کيمسه يوخ’ايدي آنجاق آدديملارين سسي حله ده گليردي قورخومدان ال _آياغيم تيتره‌مه‌گه باشلادي. توپورجه‌گيمي‌زورلا ايچه‌ري اؤتوروب کنده گئدرکن جيبيمه قويدوغوم پيچاغي اليمه آليب سسين آردينجا گئتديم سون شکيلدن سونرا آنام توخويان خالچا، آتامين چکديگي رسيم‌لردن بيري و سوندا منيم شکليم ديواردا’ايدي. اوره‌گيم ائله چيرپينيردي آز قاليردي دؤشومو ياريب ائشيگه آتيلسين.
يئنه ده آدديم سسي باشلاندي آدديملار بير آز مندن اوزاقلاشيب داريسقال پيلله‌کن‌لرله ايکينجي قاتا قالخدي. بوغازيم قوروموشدو ائله بيلديم يوخو گؤرورم قولومون توکونون بيريني چکديم کي يوخدا اولسام آييلام آما يوخ، يوخو دئييلدي. ايسته‌مه‌دن سسين آردينجا ايکينجي قاتا قالخديم. دونندن بو عيمارتده اولدوغوما باخماياراق بيرينجي دفعه اولاراق بورايا گلميشديم. پيلله‌کن‌لرين آغزيندان باشلاييب قارانليقدا ديبي گؤرونمه‌ين اوزون بير سالونا آياق قويدوم. هر ايکي طرفيمده اوز به اوز اولان باغلي قهوه رنگلي قاپيلار وار. غريبه’دير بورانين‌هاواسي آشاغي قاتدان چوخ سويوق’دور توک‌لريم بيز_بيز اولدو. آدديم سسي هله داوام ائدير من ده اونون آردينجا چوخ احتياط’لا يئريييرم. سالونون سونو گؤرونن زامان سس کسيلدي اورادا دا اوز به اوز اولان ايکي اوتاق وار آنجاق ساغ طرفده کي قاپينين رنگي چهرايي، سول طرفده کي’ايسه قيرميزي دير! آدديملارين سسي مني بورايا نه‌دن گتيردي؟ يوخسا بو عيمارتين غريبه‌ليگي’ايله علاقه‌لي نه‌سه وار ! من بو اتاقلارا گيرمه‌لي’يم آما‌هانسينا؟ بونلاري دوشوندوگومده بيردن چهرايي قاپي ياواش_ياواش آچيلماغا باشلادي. روحوم بدنيمدن چيخاجاق کيمي‌يئنه ده اوره‌گيم آز قاليردي دؤشومو يارسين. قورخومدان باشيم دؤنوردو، گوجله اؤزومو اياق اوسته ساخلاييب پيچاغين ساپيني اليمده سيخيب تئلفونومون ايشيغيني اؤنومه ساليب اوتاغا ساري يئريديم بير آدديم ايچه‌ري گيرميشديم تئلفونومون ايشيغي سؤندو. آرتيق هئچه زادي گؤرمه‌ديم. ايسته‌ديم قاييدام سالونا قاپي ائله برک اؤرتولدو دئديم ايندي چرچيوه‌سيندن چيخيب باشيما دوشه‌جک. موبايليم’لا پيچاغيم اليمدن چيخيب نم‌هارا توللاندي.
اولدوغوم يئرده ديزلريمين اوستونده اگله‌شديم. اوتاقدان اوغلان اوشاغينين گولمک سسي قالخدي. بير تهر اؤزومو اله آليب دوشگون سسيمي‌زورلا بوغازيمدان چيخارديم:کيمسن؟هئچ بير يانيت گلمه‌دي تکجه گولوش سسي يوکسَلدي. قورخودان يوخسا سينيردان اولدوغونو بيلمه‌ديم آما باغيرديم:کيمسن ؟ جواب وئر !يئنه ده هئچ بير يانيت گلمه‌دي يالنيز گولوشون سسي داها يوکسه‌ليب ابليس واري گولوشه دؤندو. کيمسه ياواش_ياواش منه ياخينلاشيب باشيما دولاناراق مني آجيغا مينديرمک اوچون گولوردو. سسي ائله بئينيمه دوشموشدو آز قاليرديم دلي اولام ال‌لريمي‌برکدن قولاغيما باسيب بوتون گوجومله گؤزلريمي‌يومدوم.
‌هاي_کوي سسينه گؤزلريمي‌آچديم. گونشين شوعالاري پنجره‌دن اوتاغا دولموشدو.بير آن اؤزومو سرسم کيمي‌حيس ائتديم. اوتاقدا کي ياتاغين آياغينا سؤيکه‌نيب قالميشديم. گئجه‌کي ايبليس واري گولوشلر ياديما دوشدوکده ال_آياغيم تيتره‌ييب کئييدي. اولدوغوم بوجاقدان اوتاغي گؤزدن کئچيرديم. ائوين آشاغي قاتينيندا هر شئيين اوز قايداسيندا و دوزنلي اولماسينا باخماياراق بو اوتاقدا هر شئي قاتما_قاريشيق’ايدي. اوتاغين ديواريندا آشاغيدا گؤردوگوم خورما ساچلي اوغلان اوشاغينين شکلي وار’ايدي. دئمه‌لي بورا اونون اوتاغي دير. او آياق سسي مني نه‌دن بورايا چکدي؟ يئنه ده پنجره دن‌هاي_کوي سسي گلدي، چتينليکله آياغا قالخيب پنجره‌نين آرخاسينا يئتيرديم اؤزومو. اوتاغين پنجره‌سي عيمارتين آرخاسيندا کي مئشه‌ليگه آچيليردي. گؤز ايشله‌ديکجه يام_ياشيل آغاجلاردان باشقا بير شئي گؤرونموردو آنجاق اونلارين آراسيندان يارديم_يارديم دئيه سس‌لر ائشيديليردي. تئز اوتاغين بير طرفينه دوشن موبايليملا پيچاغيمي‌اليمه آليب عيمارتين آرخاسينا قاچديم.
شوبهه ائتمه‌دن اؤزومو مئشه‌يه ووروب سسين گلديگي يؤنه دوغرو قاچديم. سس‌لر آيدينلاشديقجا موتورلو ميشار سسي يوکسه‌ليردي. اوچ آدام منه ساري قاچيردي. اونلارين ايکيسي قيز بيري ايسه اوغلان’ايدي. آرخالاريندان اوزونون بير طرفي چاپيلميش، پال_پالتارلاري قانلي اولان وامپيره بنزر بيري موتورلو ميشارين آغزيلا‌هاوادا نه‌ييسه کسمه‌گي ايفاده ائده‌رَک اونلارين دالينا دوشموشدو. قاچانلار منه ياخينلاشدي اوغلان منه قاچ_قاچ دئيه باغيردي اونو دينله‌مه‌ييب دايانديم.
اوغلان قيزلارين بيرينين اليندن وتموشدو قاچاراق منيم يانيمدان کئچدي‌لر. اونلاردان آزجا گئري قالان قيزين آياغي بير کؤتوگه ايليشيب ييخيلدي. اوز_گؤزونده قورخونو گؤرمک اولوردو دوغروسو من ده قورخموشدوم. اونون ييخيلارکن باغيرماسينين سسينه يانيمدان کئچن‌لر ده دايانيب آرخالارينا باخديقدا قورخودان دونوخوب قالديلار. وامپيره بنزر کيشي قاه_قاها چکيب آياقلاندي. قيزا ساري يوگوروب اليندن ياپيشيب يئردن قالديرديم سونرا وار گوجومله قاچين دئيه باغيرديم. يئنه ده هر کس قاچماغا داوام ائتدي. بير آزدان سونرا عيمارتين بارماقليقلاري گؤروندو اورايا_اورايا دئيه سسلنديم. اؤنوموزده گئدن قيزلا اوغلان حيطه گيرَر_گيرمز چمن‌لرين اوستونه ييخيلديلار آردلاريندان اليني مؤحکم توتدوغوم قيزلا من ده حيطه وارديق. او دا اونلار کيمي‌نفس دارليغي اوجباتيندان يئره دوشدو. آرتيق ميشار سسي گلميردي دئمک گونليگيميز ساغالميشدي. بير آن شيرکتده اولدوغوم اوچ ايل مدتجه هر گون ايدمان ائتديگيمه سئوينديم. اونلار کيمي‌منيم نفسيم دارليق ائتميردي. اليندن ياپيشيب قاچيرديغيم قيز گؤزلريمين ايچينه باخاراق گولومسه‌ييب ساغ اول دئدي.
منسه اونا اليمي‌اوزالديب ديمز دئييب اليندن ياپيشيب قالديرديم آيريجا اونون يولداشلاريني دا قالديريب گلين ائوه گئتمه‌لييک دئييب قاباغا دوشدوم. اونلار دا آرديمجا گلديلر. عيمارتين ايکي طاغلي بؤيوک قاپيسيندان ايچه‌ري گيرديک. منيم ايلک دفعه بو عيمارته گيرديگيم کيمي‌اونلار دا چاشقين_چاشقين اطرافا باخيرديلار.
بويورون دئيه مئبئل‌لري گؤسته‌رديم. اوچوده بير طرفده اوتوردولار من ده قارشيلاريندا ايله‌شديم.اوغلان ـ بورا سنيندي؟يوخ اوغلان ـ بوردا نه گزيرسن هئچ اؤزومده بيلميرم بير_بيرلرينه باخيب گولوشدولر.سيز کيمسيز؟اوغلان ـ من احمدم سونرا اليني ياپيشيب قاچيردان قيزي گؤسته‌ردي بو آداخليم زينب و بو دا باجيم نرگيز. بس سن؟آراز نرگيز گولومسه‌ييب: بورا سنين دئييلسه ! اوندا بوردا نه گزيرسن ؟بونو آنلاتماغيم زامان آپارار. بورادا گوونليييک. حله‌ليک بو ائو منيم اختيياريمدا سيز ده قوناغيم سيز، راحات اولون.زينب اليني قارنينا سورته‌رَک: بو کؤهنه ائوده يئمه‌گه بير شئي تاپيلار؟گوله‌رَک: بوللو _سوللو. سيز مطبخده بير شئي حاظيرلايين من ده احمد’له بير آز صحبت ائله ييم.

منبع :