تيلسيم کيتابلارين آچيب تؤکدو قاباغينا. ايبراهيمي دوز بير آي روزيگار يانيندا ساخلاييب تيلسيم اؤيرتدي. بير آي تامام اولاندا درويشليباس ايبراهيمي گؤتوروب گلدي همين يئره، دئدي: ايبراهيم، يئددي داغ آلماسي منيم قارداشيمين باغيندادي. چوخ ايگيدلر گئديب تلف اولوبدو، او آلمادان گؤتوروب گله بيلمه‌ييبلر. آمما سن گئديب گؤتوروب گله‌جکسن. بوردان قوش اولوب اوچوب گئتمه‌ليسن. آلتي داغ آشارسان يئددينجي داغين دؤشونده او باغي تاپيب دوشرسن يئره. ايکي آغاجدان ماشا دوزلديب آلمالاردان دريب، چيخيب گل. قورخما، آغاجدا آلمالار ديل اولوب دئيه‌جکلر کي: “مني درديلر”سس گله‌جک: “کيم دردي”. دئيه‌جک کي، “آغاج”، “آغاج آغاجي درمز”. بو کيمي سؤزلر ائشيده‌جکسن، قولاق آسما، چيخ گل! ايبراهيم تيلسيمي اوخويوب اولدو بير قوش، قاناد چاليب قالخدي گؤيه، گليب چاتدي همين يئره. گؤردو کي، بورا يئددي داغين دؤشودو. آمما بورادا بير باغ وار ايدي کي، گل گؤره‌سن. گيريب باغا، آغاجدان تئز ماشا دوزلديب اوچ آلما دردي. آلمالار ديل اولوب دئدي: - درديلر. - کيم دردي؟ - آغاج. - آغاج آغاجي درمز. ايبراهيم بونلارين سؤزونه باخمادي. قوش اولوب قالخدي گؤيه. بيردن يادينا دوشدو کي، درويش اوچون آلما گؤتوره‌جکدي، آمما آلما اوچ ايدي. ايبراهيم دئدي: الله وورموشدو درويشي. ايبراهيم گؤيله گئديردي، درويش ده اوتوروب ايبراهيمين يولونو گؤزله‌ييردي. بو طرفدن ايبراهيم يولو کسمه ووروب، کسمه يوللا اؤزون يئتيردي شهره. شهرين قيراغيندا جيلدين ديَيشيب اؤزون يئتيردي پادشاها. پادشاه گؤردو ايبراهيم گليب چيخدي، آلمالاري دا اؤزو ايله گتيردي. بوغازي‌نين يولو قورودو. ايبراهيم آلمالاري پادشاها وئريب بيرباش گلدي پرينوشون يانينا. ايکي عاشق قول-بويون اولوب بورادا قالماقدا اولسونلار، ائشيت پادشاهدان. پادشاه وزيري چاغيرتديريب دئدي: - وزير، تدبير! ايبراهيم گليب چيخدي، آلمالاري دا اؤزو ايله گتيردي. وزير دئدي: گل يوللا ايبراهيمي نيل قولونا. اورادا بير چاي وار، او چايين ايچينده يانان اسکيلر وار کي، گئجه-گوندوز اژداهالار او اسکي‌نين قارووولونو چکير. ايبراهيم گئديب سلامات قاييتماز. پادشاه راضي اولوب، ايبراهيمي چاغيرتديريب دئدي: ايبراهيم، گرک نيل قولونا گئديب يانان اسکيلردن منيم اوچون گؤتوره‌سن. ايبراهيم راضي اولوب بو صفر پرينوش خانيمين يانينا گئتمه‌ييب، گيريب قوش جيلدينه قالخدي گؤيه. يئتيريب اؤزونو نيله، همين قولو تاپدي. گؤردو کي، نئچه پارچا اسکيدي سويون آلتيندا يانير، آمما بورادا ايکي اژداها يا- 58 تيبدي. ايبراهيم ايکي سروز ائنيب يئره قانادين سويا ووردو. اوچونجوده اولوب دورنا، ديمديگيني اوزاديب اسکي‌نين بيرين گؤتوروب گلدي. ايبراهيم گؤيله گليردي، آز قالميشدي اؤز شهرلرينه چاتا. درويشليباس يئرله گئديردي گؤروب ايبراهيمي، قوش اولوب قالخدي گؤيه ايبراهيمي توتا. ايبراهيم باخيب دالا، گؤردو کيدرويش گلير. تئز اؤزون يئتيريب گؤيدن يئره اولوب بير سيچان گيردي دئشييه. درويش گؤردو کي، ايبراهيم اولدو سيچان، ايسته‌دي ائنه يئره ايبراهيم پيس باشلاميشدي، بيلدي توتولاجاق اولدو توستو چيخدي دئشيکدن، بير شير اولوب داياندي. درويش پلنگ اولوب گلدي ايبراهيمين برابرينه. دوردولار ووروشماغا. ايبراهيم شير جيلديندن چيخيب اولدو بير جئيران، باشلادي قاچماغا. درويش اولوب تازي ايبراهيمي توتماق ايسته‌دي. ايبراهيم گؤردو کي، توتولاجاق، بير تيلسيم اوخويوب اولدو بوستان تاغلاريندا بيتن قارپيز-قووون. درويش اولوب بير باغبان الينه آلدي بيچاق، باشلادي قارپيز-قووونو کسمه‌يه. ايبراهيم باخيب گؤردو کي، قوجا درويش بوتون قارپيزلاري کسيب قورتاردي، تئز اولوب قوش، قالخدي گؤيه. درويش اولوب بير قيرغي، باشلادي ايبراهيمي اوولاماغا. ايبراهيم اولوب بير اوووج داري سپيلدي چؤلون دوزونه، بير گيله‌سين آتيب کولون ديبينه گيزلندي. درويش دئدي: - ايبراهيم، اؤلن گونوندو. درويش اولوب بير جوجه‌لي تويوق، باشلادي داريني دنله‌مه‌يه. ايبراهيم بير تيلسيم اوخويوب، اولدو تولکو، چيخيب کولون ديبيندن، ياپيشدي درويشين بوغازيندان، بوغوب اؤلدوردو. ايبراهيم درويشي جهنمه واصيل ائله‌ييب، اسکيني گؤتوروب بيرباش گلدي پادشاهين يانينا. پادشاه ايبراهيمي گؤرن کيمي دئدي: - ايبراهيم، اسکيني گتيردين؟ ايبراهيم دئدي: - بلي، گتيرديم. پادشاه ايبراهيمين اليندن تنگه گليب دئدي: - جللاد وورون ايبراهيمين بوينونو! ايبراهيم بو سؤزو ائشيدن کيمي اولوب گورزه ايلان، سريليب پادشاهين بوينونا پادشاهي چالدي، وزيري ده جهنمه واصيل ائله‌ييب، دوروب گلدي پرينوشون يانينا. پرينوش ايبراهيمي گؤرن کيمي قولون ساليب بوينونا دئدي: - نئجه گلدين؟ ايبراهيم بوتون احوالاتي پرينوشا دانيشدي. پرينوش چوخ سئويندي. يئددي گون، يئددي گئجه ايبراهيم توي ائله‌ييب پرينوشو آلدي ايبراهيم اؤز آتاسيني دا يانينا آليب خوش گون کئچيرمه‌يه باشلاديلار.
سحر دوروب ايبراهيمه بير دست پالتار گئيديريب، پول وئريب گؤندردي حاماما، ايبراهيم گئيينيب کئجينيب، گلدي پرينوشون يانينا.
يلسيم کيتابلارين آچيب تؤکدو قاباغينا. ايبراهيمي دوز بير آي روزيگار يانيندا ساخلاييب تيلسيم اؤيرتدي.