دوستلوغون سيرري
دوستلوغون سيرري
1395/07/11
بئله روايت ائليير‌لر کي, بير پادشاهين گؤزونون آغي-قاراسي مليک آدلي بيرجه اوغلو وار ايميش.
آذربايجان ناغيللاري
بولگه لر سرويسي:بئله روايت ائليير‌لر کي, بير پادشاهين گؤزونون آغي-قاراسي مليک آدلي بيرجه اوغلو وار ايميش.
بير گون مليک آتا مينيب دنيز قيراغي ايله گئديرميش, بير ده گؤرور کي,اوز مئحتر‌لري ايله قونشو‌لاري کئچل مممد سويون قيراغيندا دالاشير‌لار.مليک بون‌لاري آرالاش‌ديريب دئييرنيينيز آرتيق دوشوب کي, بير-بيرينيزي قيريرسينيز?مئحتر دئيير:- آغا, من گؤردوم کي, دريانين اوزونده بير سانديق او يانا-بو يانالنگر وورور. گيرديم اونو چيخارتماغا, کئچل مممد اوزونو يئتيريب باشلادي کي, سانديغي اولجه من گؤرموشم, ايندي اونون اوستونده دالاشيريق.
مليک چيخارديب بون‌لارين هرسينه بئش مانات پول وئريب سانديغي اونلار‌دان آلدي. بير آز گئدن‌دن سونرا اوز-اوزونه دئدي:- آچيم گؤروم بونون ايچينده نه وار کي, اونو دنيزه آتيب‌لار?اوغلان بو فيکيرله سانديغين آغزيني آچدي. گؤردو ايچينده بير بالاجا داسانديق وار. اونون دا آغزيني آچدي, گؤردو بونون دا ايچينده بير سانديق وار,بئله-بئله اوغلان اوچ سانديق آچدي, آخيرينجي سانديغين آغزين قال‌ديراندا گؤردوايچينده يازي‌لي بير مکتوب وار. مکتوبدا يازيلميشدي: “حر کس حقيقي دوستلوق ائلميين سيرريني اويرنمک ايستييرسه, اوچ قوجا قلچسينه گئتسين”.اوغلان مکتوبو اوخويوب قورتاران کيمي آتاسينين يانينا گئديب دئيير: آتئيي-مئهريبان, منه ايجازه وئر ئوزاق بير سفره چيخيم.پادشاه دئيير:- اوغول, خئيير اولسون, دئ گؤروم سفرين هارا‌دير?اوغلان دينمير. آتاسي يئنه سوال وئرير. اوغلان گؤرور کي, آتاسي ال چکمک ايستمير.
اودور کي, مکتوب احوالاتيني آتاسينا دانيشير. پادشاه گولوب دئيير:- هانسي عقلسيز آدامسا يازيب آتيب, سن ده اونون سؤزو ايله يئرين‌دن اويناييب گئدير‌سن. دوستلوق ائلميين سيرريني مگر بورادا اويرنمک اولماز?اوغلان گؤردو کي آتاسي اونون گئتميينه راضي اولماياجاق, اودور کي, بيرسؤز دئمييب, دوز گلدي سارايين قم اوتاغينا. بورا ائله بير يئر ايدي کي,کيمين دردي قمي اولسايدي گيريب اورادا آغلاييب گؤز ياشي تؤکردي. بواوتاقدا هر نه وارسا قارا رنگديدي. اوغلان دا قارا پالتار گئييب دوز بيرهفته بورادا قالدي. او قدر آغلاييب آه-زار ائلدي کي, گؤزونون ياشين‌دان اليندکي کاغيذين رنگي گئتدي.بو احوالات‌دان سونرا پادشاه ها گؤزله‌دي, اوغلون‌دان سوراق چيخمادي.باشلادي‌لار اونو آختارماغا. آخيردا گليب مليکي سارايين قم اوتاغينداتاپدي‌لار. او ساعت گئديب پادشاها خبر آپاردي‌لار. پادشاه وزيري ده گؤتوروب اوغلونون يانينا گلدي. گؤردو مليکين رنگي قاچيب, آغلاماق‌دان گؤز‌لري شيشيب. پادشاه سوروشدو:- اوغول, نه اولوب, دردين ندير?مليک دئدي:- حقيقي دوستلوق ائلميين سيرريني اويرنمک اوچون ئوزاق سفره گئتمييمه
سن‌دن ايجازه ايسته ديم, وئرمه‌دين. نه قدر ائلديم کي, اوزومواله آلام, گوجوم چاتمادي. اودور کي, گليب قم اوتاغينا گيرديم.آتاسي اوغلونا نه قدر نصيحت ائلديسه, گؤردو کار ائله مير, آخيرداعلاجي کسيلدي, وزيري ايله مصلحتلشيب بو قرارا گلدي‌لر کي, يوز آتلي ايله
مليکي يولا سالسين‌لار. اوزو ده آتلي‌لارا اويرتدي کي, بير آز گئدن‌دن سونراآتلاري سولاماق بحانسيله قاچيب هرنيز بير طرفه داغي‌لارسينيز, آخيردااوغلوم باخيب گؤرر کي تک قاليب, علاجي کسي‌لر, او دا قاييديب گلر.
پادشاه اوغلونا ايجازه وئريب اونو يوز آتلي ايله يولا سالدي. اوغلان ائله بيرآز گئتميشدي کي, بير‌دن کئچل مممه‌ده راست گلدي. اونون قاباغيني کسيب دئدي:- آي مممد, دنيز‌دن تاپديغينيز سانديغين ايچين‌دن بير مکتوب
تاپميشام. او مکتوبدا يازيلان سؤز‌لري اويرنميه گئديرهم. گل منيمله گئدک.کئچل دئدي ياخشي, قوي اوندا گئديم آتا-آناما دئييم گليم.کئچل مممد آتا‌سين‌دان ايجازه آلدي, آناسي اونون خورجونونا بيرآرپا چؤريي قويوب يولا سالدي. کئچل مممد دوز گلدي مليکين يانينا. باشلادي‌لار گئتميه. منزيلبمنزيل يول گئتدي‌لر. بير قدرگئدن‌دن سونرا کئچل مممد باخيب گؤردو کي, آتلي‌لار ائله هئي آزالير,
اما اوستونو وورمادي کي, بلکه مليک احوالاتي بئله گؤروب گئري قاييدا.بير ده مليک دؤنوب گئري باخاندا گؤردو کئچل مممه‌دله ايکيسي قاليب.کئچل مممد دئدي:- قوشونسوز تکجه گئتمکله نه ائليه بيلريک, گل بيز ده قاييداق.مليک دئدي:- کئچل قارداش, گؤرورم قاچماق‌دان اوتري اوره يين نانه يارپاغي کيمي اسير, ايستيير‌سن سن ده قاييت, من تکجه گئدرم.
ياخشي دئييب‌لر, کئچل چوخبيلميش اولار بير آلت‌دان يوخاري باخيب دئدي:
- آغا مليک, يادين‌دان چيخارتما کي, او يئري تاپسام تکجه من تاپاجاغام.اودور کي, من سنينله گئدجيم.بون‌لار باشلادي‌لار گئتميه. آز گئتدي‌لرچوخ گئتدي‌لر, دره-تپه دوز گئتدي‌لر اورادا آينان, ايلنن, بورادا شيرين ديلنن, بير ده گؤردو‌لر کي,چؤرک‌لري قورتاريب.مليک دئدي:- ايندي بيز نئيليک, چؤرييميز قورتاريب, آجين‌دان اولوروک.کئچل مممد دئدي:- آنام خورجونوما بير آرپا چؤريي قويوب, گل اونو يئيک.کئچل چؤريي چيخارتدي, باشلادي‌لار يئميه, مليک عومرونده آرپاچؤريي يئمميشدي اما علاجي يوخ ايدي. آرپا چؤرييني يئييب قورتاران‌دان سونرا باشلادي‌لار يئنه يول گئتميه. گئتحاگئت گليب بير داغا چاتدي‌لار.
داغي آشيب بير گوللوک-چمنليک يئره چيخدي‌لار. بورا ائله بير يئر ايدي کي, باغ-گولوستان بونون يانيندا هئچ نه. بورادا او قدر گول-چيچک واردي کي, هره‌سي مين رنگه چاليردي, اترين‌دن آدام والئه اولوردو. بولبول,توراج, ککليک, قيرقووول بيل‌ديرچين, توووز قوشو, طوطو قوشو, هاميسي بير-بيرينه قاريشميشدي. مارال, جئيران, جويور ده کي, لاپ ايسته دييين قدر. بورادا جان درماني دئسن, واردي. باغين لاپ اورتا‌سيندا بير کرپيجي قيزيل‌دان, بير کرپيجي گوموش‌دن بير ساراي تيکيلميشدي کي, باشي گؤيده بولود‌دان نم چکيردي.اما بورانين دؤرد طرفينده ائله بير قالاچا وار ايدي کي, باخاندا آدامي واحيمه باسيردي.مليک دئدي:- گؤرور‌سن, نه گؤزل يئردي, لاپ اولوب قالماغا دير.کئچل مممد دئدي:- آغا مليک, هله بيلمک اولماز, او قالاچا‌دان منيم گؤزوم سوايچمير.هر ايکيسي ياواش-ياواش قالاچايا طرف گئتدي‌لر. ائله يئنيجه قالاچاقاپي‌لارينا چاتميشدي‌لار کي, بير ده گؤردو‌لر بير گورولتو, نريلتي قوپدو, ائله بيل يئر-گؤي لرزيه گلدي, قالاچانين داروازا‌لاري تايباتاي آچيلدي. قئيب‌دن بير ال گليب ملييي, بير ال ده کئچل مممه‌دي آتدان دوشورتدو, ايکيسي‌نين ده آتيني آپاردي قالاچايا. بون‌لار ائلجه بير آتلاري, بير ده ايکي ال گؤردو‌لر,آدام گؤزه گؤرونموردو. بو ايکي ال آتلاري آپاردي تؤوليه, بون‌لار داآتلارين دالينجا گئتدي‌لر. گؤردو‌لر بو تؤوله بير مئيدان يئکليکده يئردي,يئنه بير نئچه ال گلدي, آتلارا آرپا-سامان تؤکدو. سونرا دا هامان اللرمليکله کئچه‌لي گتيردي‌لر قالاچاداکي باريگاحا.مليک گؤردو کي, بورادا بير جاه-جالال وار, بير زينت وار کي, اوز آتاسينين ايمارتي بونون يانيندا داخمايا اوخشايير. بير آزدان سونرا بون‌لارين اللريني يودو‌لار, دسمال وئردي‌لر.
سونرا سوفره آچيلدي, اورتاليغا قيرخ جوريئمک گتيردي‌لر. هر شئي گلدي, اما هار‌دان گلدي, کيم گتيردي, گؤرونموردو.بون‌لار آج ايدي‌لر دئيه, دويونجا يئدي‌لر. سونرا يئنه ايکي ال گليب سوفرني ييغيش‌ديردي. اللر مليکله کئچلين قولون‌دان طوطوب آپاردي‌لار ياتاق اوتاغينا. قوناق‌لار سويونوب ياتدي‌لار. پادشاه اوغلو مليک چوخ يورولموشدو,هم ده ارکؤيون بؤيوموشدو دئيه, ائله باشيني ياتاغا قويان کيمي گئتدي يوخويا.اما کئچل مممد چوخ عقل‌لي ايدي, فيکيرلشدي کي, بير‌دن بون‌لاري اولدورر‌لر. اودور کي, سرواخت ياتميشدي. گئجه‌دن بير خئيلي کئچميشدي. آردي وار
منبع :