اصلان ايله انسان نغيلي
اصلان ايله انسان نغيلي
1401/02/10
بولگه لر سرويسي: کيشي دئدي:-اختياريز وار قربان. من ندير اينجيتمک ندير؟!
چئويردي: سما
بولگه لر سرويسي: کيشي دئدي:-اختياريز وار قربان. من ندير اينجيتمک ندير؟!
کيم بونو سيزه ديييپ؟ بيزدن هر کيم قوْرخوپ دئمک اوزو قوْرخاقدير يوْخسا من بوتون حيوانلارا ارادتيم وار. من اوْنلارا خدمت ائيلرم. اصلا بيزيم ايشيميز خدمت ائيلمکدير فقط جماعتده انصاف يوْخدور، آدامي قدريني بيلميرلر. بس سيز نيه جماعتين سوزونه اينانيرسيز؟ سيزدن گوزله‌مزديم، سيز هاميدان باشسيز، گرک هاميدان چوْخ آييق ساييق اوْلاسيز.اصلان دئدي:-من گوردوم فيل، اينک، دَوه و آت هاميسي سندن شکايت ائديرلر، ميمونلارلا چاققاللار ايسه سندن قوْرخورلار، دييرلر انسان بيزي يازيق ائيله‌ييپ.
کيشي دئدي: عزيز جانيرا آند اوْلسون سيزه يانليش بيلگي وئريپلر. همن يئکه‌پَر خاصيّتسيز فيل منيم محبتلريمدن اوتانسين گرک. بيز بو وحشي حيواني اوْرماندان شهره گتيريريک، انسانلارلا تانيشديريريق، اوْنا يئمک وئريريک، حيوانلار باغچه‌سينده اوْنو ساخلاييپ اوْنا قوللوق ائديريک. همن دَوه‌ني بير ساخلاييپ
قوْرويوروق، اوْنا قالاجاق يئر وئريريک، ائو دوزَلديريک. يونلري‌نين اوزانماسي‌نين نه فايداسي وار؟ بير دوه‌لرين يونو ايله گيييمسيز انسانلارا پالتار حاضرله‌ييريک. آتا گوموشدن، قيزيلدان اوْوسار ياپيريق، گلين کيمي بَزه‌ييريک. آيريجا، بيز زوْرلا بيريندن ايش چکميريک کي. اينَگي، ائششَگي آپاريپ اوتوروروک چوله اوزلري قاييديپ گليرلر دوز گيريرلر طويله‌يه.بيري اورکدن راضي اوْلمازسا نَدن قاييديپ گلسين کي؟! سيز اوْنلارين.سوزلريني تک‌طرفلي ائشيتميسيز. باخين، بورادا بير آت وار، اينديجه اوْنو بوراخاجام. اوْرمانا گئدرسه، سيز هر نه بويورساز قبولومدور. ملاحظه بويورون، بيز اصلان و قاپلان بئلينه هيچ يوک قوْياريق‌مي؟ يوْخ. گويلوز اوْلماسا بيز زوْر ائتمه‌ريک کي. هيچ منيم گوجوم بير فيلي اينجيتمگه چاتار مي؟ بير يومروق آتسا محو اوْلارام.اصلان دئدي:-گورونور ياخشي باشاريرسان دانيشاسان.کيشي دئدي:-دانيشماق شرط دگيل کي. بيز ايشيميزي دوْغرو ياپيريق. اينانين بيزيم ايستَگيميز ساده‌جه خدمت ائيلمکدير. حتّي بو گون بويله بير فکره دوشموشدوم کي، قوللوغوزا گلم و سيزه بير ائو تيکمَگي اونَرم. آخي سيز حيوانلارين سَروَريسيز، بويو?وسوز. بوْينوموزدا چوْخ حقّيز وار.اصلان سوْروشدو:-ائو نئجه بير شيءدير؟
کيشي دئدي:-اجازه ويرسز همن ايندي دوزَلدَرم، سيز ده بيز انسانلارين نه قدر خوْش نيّتلي، اييي قلبلي اوْلدوغوموزو گوررسيز. بويورون نئچه دقيقه آغاج کولگه‌سينده دينجيزي آلين.کيشي شاگرديني چاغيردي:-آي اوْغلان، اوْ تخته‌لري، چکيشي، ميخلاري گوتور گتير بورايا!
اوْغلان دولگرليک (نجّارليق) اسبابلاريني حاضرلادي، کيشي ده تئز بير بويوک قفس دوزلتدي و اصلانا دئدي:-بويورون! بو بير ائودير. فايده‌سي بودور کي، کيمسه‌نين سيزه مزاحم اولماماسيني ايستيه‌نده گيررسيز بو ائوين ايچينه، قاپيسيني دا باغلارسيز و راحت راحت ياتارسيز. يا دا اوشاقلاريزي بورادا ساخلارسيز. بو ائوده ايکن ياغيش باشيزا ياغيپ سيزي ايسلاتماز، يا گونش سيزي يانديرماز. داغدان بير داش ديغيرلانيپ دوشرسه، سيزين اوزَرينيزه دوشمز يا يئل ووروپ بير آغاجين يوداغيني سينديرسا سيزين باشيزا دوشوپ سيزي اينجيتمز. سيزين کيمي حيوانلار سلطانينا بير ائوين اوْلماسي چوخ واجبدير.البته هر جور ائو دوزَلتمک اوْلار؛ کيچيک ائو، بويوک ائو. ايندي سيز بويورون بو ائوين ايچينه گوروم سيزين اندازه‌لريزه اويورمو.اصلان ها فکرلشدي گوردو انسان ائيله ده قوْرخمالي بيري دگيل، چوْخ دا مهرباندير. بونا گوره ده هيچ اورکمه‌دن، قوْرخمادان گئديپ گيردي قفسين ايچينه. کيشي تئز گئديپ قفسين قاپيسيني باغلادي، دئدي:-سيزين بوردا تشريفيز اوْلسون من انسانين صنعتيني سيزه گوستريم.
کيشي شاگردينه دئدي:-ديوار داليندا اوْ? دياندير، آفتابه‌ني ده گتير بورايا.سوْنرا اوزو گلدي قفسين يانينا و اصلانلا قوْنوشماغا باشلادي:-هن، بو کي دييرلر انسان ائيله‌دير، بويله‌دير، فلاندير بهماندير بونا گوره‌دير کي انسانين جسمي چوخ گوجلو اوْلماسا دا بئيني حيوانلاردان ياخشي چاليشار. سيز انساني چوخ حقير بيليپ ده گلميسيز باشي‌نين دريسيني سوْيماغا، انتقام آلماغا! دوْغرودور کي سيزين ديشلريز و جايناقلاريز وار و تهلکه‌ليدير ده آنجاق انسانين دا يوز جوره اختراعلاري وار کي اوزونه فايده‌لي، دشمنلرينه ضررليدير. اينديجه من بالاجا بير آفتابه ايله سنين باشيوا ائيله بير بلا گتيرَرم کي، عمرون وار ايکن اونوتمازسان و بير داها انتقام فکرينه دوشمزسن.
کيشي بونو ديييپ اوجا سسله باغيردي:-آي اوْغلان اوْ آفتابه‌ني گتير!کيشي آفتابه‌ني آلدي و قاينار سويو توکدوو اصلانين اوست باشينا. اصلان باغيريپ چاباليردي امّا هر نه ائيردي قفسدن چيخا بيلميردي. ائله کي اصلانين هر يئري قابار چالدي کيشي دئدي:-باخ، من سني بو قفسده ساخلاييپ باشيوا هر اوْيون گتيره بيلرم امّا ائتميرم. حتّي قفسين قاپيسيني دا آچيرام کي گئديپ اوْرمانداکي حيوانلارا خبر آپاراسان بير داها انسانلارلا بوْي اولچوشمه‌سينلر. پيس فکرلر ائيله‌سن ده بيل کي آفتابه‌دن داها پيس يوز جور آيري اسبابلاريم وار. قانين اوز بوْينووادير.
کيشي قفسي آچدي آصلان تو دابانا قوّت قاچدي، داليسينا دا باخمادي. اصلان گئتدي گيردي اوْرمانا. بدني‌نين يانيقلاري‌نين عذابيندان اولوردو. ايکي اوْچ دانه آير اصلان اوْنو گوروپ حال قضيّه‌ني سوْروشدولار. اصلان ماجراني تعريفلَدي:-بو ايشلري انسان باشيما آچدي.
اصلانلار دئديلر:-سن بوْش يئره انسانلا دانيشميسان کي اوْ دا سني آلداديپ. انسان سني تکباشيوا گوروپ بو اوْيونو باشيوا گتيريپ. اوْندان انتقام آلماليييک. بيرليکده اوْلسايديق گوجوْ چاتمازدي. دوشون يوْلا گئديپ اوْنونکون اوْنا وئرک.-بس گئده‌ليم.اوندن اوچ تازه نفس اصلان، آرخادان دا يانان اصلان دوشدولر يوْلا قاچا قاچا گليپ همن مزرعه‌يه يئتيشديلر. کيشي گيرميشدي ائوه، شاگردي ده يير ييغيش ائيلمکده ايدي کي، بيردن اصلانلاري گوردو . اوْغلان بيلدي قور قوْلايدي (اوضاع خرابدير).تئز قاچيپ ديرماشدي بير آغاجا، اوْتوردو لاپ اوست بوداقدا.
اصلانلار دئديلر، ايندي نئيله‌يک؟يانان اصلان دئدي:-من انساندان قوْرخورام. من دايانيرام بو آغاجين ا?تَگينده سيز ديرماشين چي?نيمه، چيخين بير بيريزين اوستونه و اوْنون حسابينا يئتيشين.
اصلانلار يااللّه ديييپ ديرماشديلار بير بيري اوستونه. اوْغلان گوردو اصلانلار آز قالير اوْنا يئتيشسين، قاچاق يوْلو را يوْخدور. بير فکر گلدي عقلينه، کيشي‌نين سوزو دوشدو يادينا، باغيردي:-آي اوْغلان او آفتابه‌ني گتير بورا!
بونو ائشيتجک يانان اصلان باش گوتوروپ قاچماغا باشلادي، آستا قاچان نامرددي! اوْ بيري اصلانلار دا اونون داليسيجا قاچا قاچا سوْروشدولار:-نه اوْلدي؟ نيه قاچدين بيردن بيره؟اصلان دئدي:-من بيلديگيمي سيز بيلميرسيز. من گوردو?ومو سيز گورمه‌ميسيز. من انسانلارين فئليني بيليرم. “آفتابه‌ني گتير بورا” دييَنده ايشين بيتيبدير آرتيق! انسانلار بيزدن چوْخ بيليرلر و چوْخ بيله‌نين گوجو ده چوْخ اوْلار.
منبع :