آژان قولي

بولگه لر سرويسي:آخشام چاغي ايشدن گليرديم؛ دربندين باشيندا گؤزوم محلله‌نين گؤپچولرينه ساتاشدي. گؤپون بازاري دام داغدي. صاديرات دئييل کي 50 مين قانوني اولسون؛ جينسين بير ايل گؤمروک‌ده قالا، آخيردا دا تيتديا؛ تؤکه‌سن ائشييه.

بؤيوک‌آغا افندي

بولگه لر سرويسي:آخشام چاغي ايشدن گليرديم؛ دربندين باشيندا گؤزوم محلله‌نين گؤپچولرينه ساتاشدي. گؤپون بازاري دام داغدي. صاديرات دئييل کي 50 مين قانوني اولسون؛ جينسين بير ايل گؤمروک‌ده قالا، آخيردا دا تيتديا؛ تؤکه‌سن ائشييه. يئريديم ياخينا گؤردوم آژان قولي چوپور حوسينه دئيير:– او بير زاد دئييل کي؛ اولار آغا اولار! من اونناندا رهلي‌سينه راست گلميشم . الله سيزه ده قيسمت ائله‌سين. بيلدير يايدا آرواد اوشاغينان گئديرديک مئشه‌ده. تهرانين او تازا دوزه‌لن ترميناليندا قديمي همکلاسيلاريمين بيرينه راس گلديک. باخماکي بيز بير پوخ اولماديق، آنجاق آغا خلبان‌ايدي؛ خلباني گئيينميشدي؛ الينده سامسونيت کيف، دودي عينک ده ووروموشدو. مني اوزاقدان تانيميشدي، خوش بئش اون بئشدن سونرا سوروشدي: آغا قولي هارا تشريف آپاريرسيز ؟دئديم: الله قبول ائلسه گئديريک مئشه‌ده زيارته. بيردن گؤردوم گئده‌نين گؤزلري چيراخ کيمي ياندي. دئدي: آقولي سني الله يئتيريب، منيم ده پروازيم مئشه‌ده‌دير، آمما تب لرز آز قالير اؤلدورسون. ايستيرم خواهيش ائلييم طياره‌ني سن سوره‌سن. دئديم: والله من هر جور ماشين سورموشم؛ ايرمي ايلدي ده پايه يکم وار، آمما اينديه‌جه طياره سورمه‌ميشم. خلبان دئدي: سن زليخ حسن‌جن يوخسان؟ اودي با دادسراني تک جانينا دولانديرير، گونده يوز نفره حؤکم وئرير. سن قوخما، من سني تانيماسيديم دئمزديم کي. بيرآز او دئدي، بير آز من دئديم؛ من اؤلوم دئدي، داي سؤزون يئره سالا بيلمه‌ديم. گئتديک فورودگاها، اوتوردوق طياره‌ده. دوستوم طياره‌نين دنده منده‌سين منه گؤرستدي، دئدي: بوننان يانديراللار، بوننان قالخاللار، بوننان دا قوناللار يئره. يازيق تب ايچينده يانيردي، قيپ قيرميزي قيزارميشدي. ائله سؤزو آغزيندا قورتارماق همن، يوخو توتدي. دئديم: الله سنه توککول. بيرآز دنده مندني اللشديرديم. ائله کي هاواسي گلدي اليمه، يواش – يواش استارت ووردوم. طياره ياندي. آخي طياره ماشين دئييل کي بيردن زيرت استارت ووراسان. اؤزونون قيليغي وار. دئديم داي هرچي بادا باد، اياغيمي قويدوم کيلاجا، دندني عوض ائله‌ديم. ائله يولا دوشموشدوم گوردوم آرواد آز قالير سکته ائله‌سين. ره –روفو قاچميشدي، ديلي توتار توماز دئدي: سن الله آقولي ميياقات اول ها، وورارسان اويان بويانا دوستوندان خجالت اولاريخ. دئديم: آرواد سن قورخما، منه ده قولي دييللر. چوپور حوسين بير گوز ووردي، يئتيم قولام حسينه دئدي: آغا قولي ايندي يئرده سن يه گؤيده ؟ آژان قولي دئدي: لله‌شين الله کؤمکليغينان طياره‌ني قالخيزيب، ايندي گؤيده گئديرم، امما بيلميرم کي هارا گئديرم.
جامي چکديم اشاغييه، پنجره‌دن باخديم گؤردوم ائله بيل شومال يولوينان گئديريک. خلباندا کاسيبين بختي ياتان کيمي ياتميشدي. يئريز بوش هرياني دولانديم. دريانين اوستوندن گئدنده لاپ انديم آشاغييا، بير اوندا گؤردوم آرواد باشين پنجره‌دن چيخارديب ائشييه، باخير دريايا. بيردن دئدي: آقولي باخ سودا باليقلارا . دئديم: باخ کيف ائيله، من اولاردان چوخ گؤرموشم. بير اوندا گؤردوم آزقاليرام وورام بير گمييه؛ فوري دنده عوض ائه‌لديم قالخديم اوسته، بير آزدان سونرا آرواد دئدي: آغا قولي ائله بيل يئتيشديک مئشه‌ده؛ اودو با آغانين گونبزلري گؤروشور. آقايا بير سلام وئرديم. يئددي دؤره دولانديم آغانين باشينا,؛ يواش – يواش يئنديم آشاغييا، اؤزومو يئتيرديم باندين اوستونه. قورخا – قورخا اوتدوم يئره. ايندي گل بييول خلباني يوخودان اويات، بيه دورو ! آغاني نه موکافاتينا يوخدان اوياتديم . دئديم: دوستوم، داي منيم ايشيم قورتولدي، بوندان سونرا اؤزون بيلرسن. يولداشيم دئدي: دئمه‌ديم سنين ايشيندي. الين آتدي جيبينه، ايکي دانا شخ بئش مينليق چيخارتدي قويدي منيم جيبمه. خداحافيظلشديق، دوشدوک يولا. آرواد دئدي: آقولي من بيلميرديم سن بوجور واريد خلبان‌سان! دئديم: بالا من کفتار مير اسماعيل جان يوخام؟ اوچ دؤرد دانا يالاننان سققل قويوب، ايندي استانداردي.باقال مير بؤيوک آغا توکانين چينينده دورموشدي، قولاق آسيردي. اوجادان دئدي: ماليات دئييل کي کاسيب لاردان آلالار دولتلي‌لر قالا؛ سؤزدو دئيير دا.

منبع :