دوستلوغون سيرري

قارا اممامه‌لي, قارا ابا‌لي,قارا باشماق‌لي اوچ قوجا ايچري گيردي. قوجا‌لارين بيري‌نين الينده کيتاب, بيري‌نين الينده قارا اسا, بيري‌نين الينده ده قارا قبزه‌لي قيلينج وار ايدي.

آذربايجان ناغيللاري
بولگه لر سرويسيکئچل گؤردو اوتاق قاپيسي تايباتاي آچيلدي.
 قارا اممامه‌لي, قارا ابا‌لي,قارا باشماق‌لي اوچ قوجا ايچري گيردي. قوجا‌لارين بيري‌نين الينده کيتاب, بيري‌نين الينده قارا اسا, بيري‌نين الينده ده قارا قبزه‌لي قيلينج وار ايدي. الينده قيلينج اولان قوجا دئدي:- نه دئييرسينيز, بون‌لاري قيلينج‌دان کئچيريممي? قورخورام گئديب سيرريميزي يايا‌لار.علي کيتاب‌لي قوجا دئدي:- او ياتان جاوان اوغلان پادشاه اوغلودو. اولدور‌سن آتاسي سن‌دن اينتيقام آلار. بو بيري ده کئچل مممه‌د‌دير, اونا دا هله اولوم يوخدو.علي اسا‌لي قوجا دئدي:- بس بون‌لاري نئيليک? علي کيتاب‌لي قوجا دئدي:- ايندي کي, بون‌لار بيزه پناه گتيريب‌لر, ياخشيسي بودور کي, اونلارا کؤمک ائدک, يازيقدي‌لار.
ائله قوجانين سؤز آغزين‌دان قورتاران کيمي کئچل مممد يئرين‌دن قالخيب دوشدو اونون آياق‌لارينا. باشلادي يالوارماغا کي, ائي قوجا  بيز‌دن کمکيني اسيرگمه, گئديريک اصيل دوستلوق ائلميين سيرريني اويرنميه.بيزه بير يول گؤسترين.قوجا دئدي:- ائي اوغلان, سن کي بئله يالواريرسان, اوندا من دئييم ياديندا ساخلا. سحر صوبح تئز‌دن دوروب, آتلاري مينيب يولون ساغ طرفي ايله گئدرسينيز. اولجه قاباغينيزا بير تولکو چيخاجاق. بو تولکو بير سئحرباز قاريدي. اويئددي يولون آيريجيندا اوتوروب گليب گئده‌نين سيرريني اويرنير.نباده اونا سيرر وئرسينيز. اوزو ده تولکو‌دن بير آز آرالانان کيمي دوشوب آتلارينيزين ناليني سؤکوب ترسينه ناللايارسينيز.
 او تولکونون خاصييتيدي,اگر سيز‌دن بير سؤز آلا بيلمسه, ايزينيزه دوشوب آختاراجاق, آتلارينيزي ترسينه نال‌لارسينيز ايزي ايتيريب سيزي تاپا بيلمز.بير آز دا گئدن‌دن سونرا هر توکو مين بير رنگ چالان گؤزل بير قوشا راست اولاجاقسينيز, اونا دا بير آز دن تؤکوب گئدرسينيز, اما نباده اونو ووراسينيز! او دا تام تيلسيمليدي. بو ايکي تيلسيم‌دن قورتاران‌دان سونرا گئديب بير دنيزين کنارينا چيخاجاقسينيز. سيزين ميندييينيز بو آتلار او دنيزي کئچه بيلميجک. آتلارين يحر-يويه‌نيني آچيب بوراخارسينيز مئشيه. سونرا گؤرجکسينيز کي  دريانين قيراغيندا قارا بير داش وار. او قارا داشين آلتيندا بير آت جيلووو وار. او جيلووو گؤتوروب بير ئوجونو آتارسيز دنيزه. اما اونو دا دئييم کي, او داشين بالاجاليغينا باخما, اونون آغيرليغي مين پوددور, نه قدر ائله‌سن, يئرين‌دن ترپه‌ده بيلمز‌سن.داشين يانيندا دوروب دئير‌سن:- ائي قارا داش, سن گؤي‌دن دوشدون, يئر سنه کؤمک دوردو, سن ده منه کؤمک دور. سؤزو دئين‌دن سونرا داشي قال‌ديرارسان, اوندا داش يونگوللشجک, جيلووو گؤتورر‌سن. بير ده گؤرجک‌سن کي, دنيز‌دن اوچ آياق‌لي بير آت چيخدي. آتيليب مينرسينيز همين آتا. ائله کي, آتا مينيب او طرفه کئچدينيز, بير بئله قارا داش دا او تايدا وار. يئنه جيلووو آتين باشين‌دان چيخارديب قارا داشين آلتينا قويارسينيز. آتلا ايشينيز اولماز. آت قورودا گئده بيلمير, يئنه قاييديب دنيزه گيرجک. ائله کي, او تايا چيخدينيز,هرنيز دمير‌دن بير چاريق گئييب, الينيزه ده دمير اسا آلارسينيز.
او قدر گئدرسينيز کي, چاريق‌لارين داباني دئشي‌لر, اسانين ئوجو يئيي‌لر,اوندا هامان يئرده دايانارسينيز. سيزه بير قاري راست اولاجاق, اونا پول وئررسينيز, آختارديغينيز يئري او سيزه تاپيب گؤسترر.قوجا‌لار سؤز‌لريني دئييب گئتدي‌لر. کئچل مممد مليکي سيلکلييب اوياتماق ايسته دي. گؤردو او ائله ياتيب کي, ائله بيل اولودو. بير تحر اوغلاني يوخو‌دان اوياتدي. مليک دئدي:- آي ظاليم کئچل, نييه مني ياريمچيق اوياتدين, ائله ياخشي يوخو گؤروردوم کي, سن منيم يئريمه اولسان, هئچ آييلمازدين.کئچل مممد دئدي:- آغا مليک خوش سنين حالينا, ياتيبسان, دونيا‌دان خبرين يوخ. بيلسيدين کي, گئجه قوجا‌لار جانيما نه قورخو سالميشدي‌لار, اوندا اوره يين قوپاردي.مليک دئدي:- نه قوجا, سن نه دانيشيرسان? کئچل مممد گئجه گؤردوک‌لري‌نين  ائشيتديک‌لري‌نين هاميسيني مليکه سؤيله‌دي. اما بيرجه قوشا راست گلمک احوالاتيني ترسينه دانيشدي, دئدي کي, گرک قوشو اوخلا ووراسان.
کئچل قصدن بو احوالاتي آچمادي کي, بير‌دن دئمک اولماز, يولدا مليکله سؤز‌لري چپ گلر, سونرا مليک کئچه‌لي قووار کي, اونسوز دا سير‌لري اوزوم بيليرم. اما کئچل مليکله شرط باغلادي کي, گرک يولدا نه دئسم اونا قولاق آساسان. اوزلري ده عهدپئيمان ائلدي‌لر کي  مؤحکم دوست اولاق. ايکيسي ده بارماق‌لاريني چرتيب قان‌لاريني قاتدي‌لار.مليکله کئچل ائودن چيخدي‌لار کي آتلاريني گتيرسين‌لر, گؤردو‌لر همين ايکي ال آتلاري قاپيدا حاضر ساخلاييب. آتلاري مينيب يول گئتميين بيناسيني قويدو‌لار. قوجا دئدييي کيمي, اولجه قاباق‌لارينا تولکو چيخدي.تولکو آدام کيمي ديل آچيب بون‌لاري نه قدر ديله توتدوسا, بير سيرر اويرنه بيلمه‌دي.
مليکگيل بير آز تولکو‌دن آرالانان کيمي آتلارينين نال‌لاريني سؤکوب ترسينه ناللادي‌لار. بير قدر ده گئدن‌دن سونرا قوشا راست اولدو‌لار.مليک اوخونو يايا قويوب قوشو وورماق ايستينده کئچل قويمادي.مليک دئدي: سن دئميشدين کي, آخيردا راست اولدوغون قوشو اوخلا وورارسان, بس نييه قويمورسان اولمايا سؤزون‌دن دؤندون? کئچل مممد دئدي: يوخ, آغا مليک, من قصدن بير شئيي ترسينه دئميشديم, آرخايين اول.
بون‌لار بير آز دا گئدن‌دن سونرا گليب چاتدي‌لار همين دنيزينقيراغينا. آتلارين يحر-يويه‌نيني آچيب بوراخدي‌لار مئشيه. کئچل مممد قارا داشي قال‌ديريب آلتين‌دان جيلووو چيخارتدي, آپاريب دنيزه سالدي, او ساعت بير ده گؤردو‌لر بير گورولتونريلتي قوپدو کي, ائله بيل يئر-گؤي لرزيه گلدي. دنيز تلاتوم ائلدي, ايچين‌دن اوچ قيچ‌لي بير آت چيخدي. کئچل تئز جيلووو چکدي, آت ايسته دي يئنه دنيزه گيرسين, کئچل جيلووو بوراخمادي. بير چتينليکله ايکيسي ده ترکلشيب آتا ميندي‌لر. آت اوزونو ووردو دنيزه,بير گؤز قيرپيميندا بون‌لاري چيخارتدي او تايا. کئچل مممد جيلوووباشين‌دان آچيب بوراخدي, آت او ساعت گيردي دنيزه, گؤز‌دن ايتدي. کئچل جيلوووبو طرفدکي داشين آلتينا قويدو.آختاريب اوزلرينه دمير اسا, بير ده دمير چاريق تاپدي‌لار چاريق‌لاري گئييب, دمير اساني الينه چکيب چاريغين دابانيني, قيريب يئرين داماريني,دره‌لر‌دن يئل کيمي, تپه‌لر‌دن سئل کيميداغ‌لارين اتيي ايله, يول‌لارين کسه‌سي ايله آز گئتدي‌لر, اوز گئتدي‌لر, دره-تپه دوز گئتدي‌لر بير ده باخيب گؤردو‌لر چاريق‌لارينين داباني دئشيليب, اسا‌لارينين دا ئوجو يئييليب.
 بيلدي‌لر کي, منزيله چاتيب‌لار. او يانا, بو يانا بويلانيب گؤردو‌لر ياخيندا بيرکوما گؤرونور گئتدي‌لر اورا. قاپيني دؤيمک ايستينده قاباق‌لارينا بيرقاري چيخدي. دئيير‌لر قاري‌لار جوربجور اولور. بو, ياخشي قاري‌لار‌دان ايدي.مليک قاريني ساخلاييب دئدي:- قاري ننه, قالماغا يئريميز يوخدو, بو گئجلييه بيزي قوناق ساخلايا بيلر‌سنمي? قاري دئدي:- آي اوغول, دوزونو بيلمک ايستييرسينيزسه, قالماغا يئريم وار, اما يئميه چؤرييم يوخدو.مليک دئدي:- آي قاري ننه, ضرر يوخدو, تکي يئر اولسون, يئمک تاپماق آساندي.مليک جيبين‌دن بير قييمت‌لي لل چيخارديب وئردي قارييا, دئدي:- قاري ننه, آپار بو للي خيردالا, بير آز آييننان-ئويوننان آل گتير,
يئيک.قاري للي گؤرن کيمي گؤز‌لري آز قالدي کللسينه چيخسين, سئوينسئوينه دوز گئتدي شهرده بير تاجير وار ايدي اونون يانينا. للي وئريب دئدي:- قارداش, آل بونا بير آز يئمکايچمک وئر, قالانيني دا خيردالا قايتار.تاجير لله باخيب گؤردو بو ائله قييمت‌لي داشدي کيبونو خيردالاسا پولونو قاري تکجه آپارا بيلميجک. اودور کي, دئدي:- قاري ننه, گئت بير حامبال گتير, پولونون آرتيغيني آپار.
قاري بو سؤزو ائشيدنده ائله بيلدي کي, تاجير اونو اله سالير, اما اوره يينده دئدي:- گئديب گتيررم, گؤرسم تاجير مني آلداديب, اوندا اونون باشينا بير اويون آچارام کي, آنا‌سين‌دان امدييي سود بورنون‌دان گلر.   قاري گئديب بير حامبال چاغيردي.تاجير حامبالين دالينا بير کيسه پوللا شئي يوکله‌دي. قاري گؤردو خئيير آ, تاجير دوز دئييرميش, هامبا‌لي گتيردي ائوينه, يوکو بوشالتدي. حامبال پولونو آليب گئتدي.مليکله کئچل قاريني ديله طوطوب قيليغينا گيردي‌لر.کئچل دئدي:- قاري ننه, بيزيم بير ايشيميز وار, اگر اونو دوزلت‌سن, سنه او قدرلل-جاواحيرت وئرريک کي, ييغيب-ييغيش‌ديرا بيلمز‌سن.قاري دئدي:- اوغول, ائله بو وئردييينيز پول دا بسيمدي. دئيين گؤروم من‌دن نه ايستييرسينيز?کئچل مممد دئدي:بيز اصيل دوستلوغون, صداقتين سير‌لريني اويرنميه گلميشيک. ائشيتميشيک کي, بو ايشلري سئحر‌لي اوچ درويش قلچسين‌دن اويرنمک اولار. ايندي او يئري بيزه گؤستره بيلر‌سنمي?قاري گولوب دئدي:سيزي منيم يانيما گؤندرن درويش‌لرين اولدوغو يئر آختارديغينيزقلچه‌نين اوزودور.مليک دئدي:- قاري ننه, بس ائله ايسه همن درويش‌لر بيزي نييه سنين يانيناگؤندردي‌لر?
قاري دئدي:- اوغول‌لاريم, اونو من ايندي دئيه بيلمرم, سيز درويش‌لري بير ده گؤرجکسينيز, اوندا خبر آلارسينيز, اونلار بو سير‌دن سيزي آگاه ائدر‌لر.                                     آردي وار

منبع :