هنر صاحبي اولان قبريستانيميز

بولگه لر سرويسي:گئچن ايل بيزيم آراز انجمن يميزين زحمت لرينه گوره، بويوک ايداره لريميزين - آغساققاللارين يارديم ائتمه لري، گوستريش کورستمه لرينه خاطير،شهريميزين قبريستانيندان بير مين مئتير آيريب، او اولن شاعير-يازيچي-هنرمند شخصلر کي دونياسين دئيشيرلر، اوردا توپراقا تاپيشيرسينلار.

بولگه لر سرويسي:گئچن ايل بيزيم آراز انجمن يميزين زحمت لرينه گوره، بويوک ايداره لريميزين - آغساققاللارين يارديم ائتمه لري، گوستريش کورستمه لرينه خاطير،شهريميزين  قبريستانيندان بير مين مئتير آيريب، او اولن شاعير-يازيچي-هنرمند شخصلر کي دونياسين دئيشيرلر، اوردا توپراقا تاپيشيرسينلار.
بويون ساعات بشده ائله قيرميزي لنتي –يالماني قئيچيله بويکلريميزين، کسمه ييله ايشه باشلاندي، حاضيردي کي اؤز تاپيشيقلارين يئرينه يئتيرسين .بو ايش-مسئولييت،هاميميزين بويوگي آغساققالي حوسينعلي موعلليمه وئريلدي. اوگون بير بهانه يله اؤزومو محممدين توکانيندا اونون يانينا وئرديم، دئديم: حوسينعلي قارداش منيم بويوک آتا ننه م خسته دير، ائله اوگونده ،دئييردي: يوخو گورموشه م !داها بو آي باشينا چيخمارام ،منيم خلعتي مي حاضيرلايين .حتتا ،دئييردي: قبيريمينده فيکرينده اولون. حوسينعلي موعلليم بير تس- تس اوزومه باخيب، دئدي: منه نييه دئييرسن؟ او سن ،او آتا ننه ن، اودا عرزاييل ،منه نه دخلي وار؟ياواشجا، دئديم: نئجه دخلي يوخدي؟ منيم آتا ننه م ائله اؤزو بويوک بير هنر صاحبي دير کي ايندييه جان يعني دوغسان ايل ياشايب! بيرده قالدي او بو کندين ماماسيدي، الينده ايندييه جان بير اوشاق اولمه يب ،هنرمند شخص لردن ساييلير.
بير اوزومه باخيب بير آز يوموشاندي ،اوندا سوزومون داليسين توتوب ،دئديم :اولنده شامادا گلرسيز بيزه! بير باشين سالميشدي آشاغا ،بيردن قوزادي ،ايسته دي منه بير يامان آتسين، ياخجي اولدي کي جيب تيلفونو زنگ آتدي.بير الين چينيمه قويوب  قوزاندي ،توکانين قاپيسينا طرف گئديب، ائله چشم دييه- دييه تيلفونو خاموشلادي ،سونرا مني چاغيريب، دئدي: تيلفون ائيله ين اتحاييه رئيسيدي ،دئيردي: قبريستانيزدا بير يئر حاضيرلايين، بيزيم شهرين  عککاسي وفات ائديب .بونو دييه ندن سونرا حوسينعلي موعلليم منه ده بير تاپيشيريقلار وئردي: ايسکندر چونکي اتحادييه رئيسي دئيب ،اوشاقلارهاردادي بير يئره توپلا،  اوردا گره ک چوخ گوزل قاباقلارينا چيخماق لازيمدي.
 آخشامي هنر صاحبي اولان قبريستاندايديق، چوخ گوزل بير يئرده عککاس قارداشيميزي توپراقا وئرديک.
آمما بير شئي مني برک تعجبلنديردي ،ايکي آي بو قبريستاندان گئچمه ييب، قبريستان ياپ دول ها دولدايدي! اوخويا -اوخويا قبيرلرين اوستون بئله دولانيرديم  بيرينده گوردوم  يازيب: آراميگاه شادروان محممد ابدالي گوزل سويودوجو(بستني) دوزلدن، آراميگاه شادروان شوجه لي غلام فرهنگي چوخ ساکيت، ايشله ره قاريشمايان، ساواشمايان، باريشديرماق هنرينه صاحيب اولان ،آراميگاه شادروان محممدعلي برزگر گوزلجه  چورک پيشيريب خالقا يئتيره ن،آراميگاه شادروان توکذبان قيزيميز، باجاريقلا ،اؤز هنريله قديم توز باسميش شعيرلري تاپيب، اؤز هنريله اؤز آدينا بيزيم قارنيميزا توکنلرين روحو قرين رحمت اولسون
بئله کي گئديرديم گوزل -گوزل هنرصاحبي اولانلار رديفله اوردا ياتميشديلار کي ديريليقلاريندا قويمازديلار اوستله رينه توز قونسون، هممشه اينگليس پارچاسيلا اوزله رينه خوت –شالوار، ايندييا پارچاسيندان اؤزلرينه شال گردن ،اوچ يوز مين تومنليق لاک ديرناقلارينا هنريله مصرف ائدرديلر! قاسيم ميوه ساتان ،قصصاب جبيشده اوردا قويلانميشدي ،اونلارين اوردا قويلانمالارينا بير يئره فيکريم ايشله مه دي. ائله بو ساياقدا اوخويا- اوخويا گئديرديم ،داليدان حوسينعلي موعلليم ،دئدي: آي ايسکندر او آتا ننه ن اولسه ده، اولمه سه ده گتير صاباح بوردا قويلاياق، گئتسين! بير يئر قالير اودا قوتارسين !بو قاپيني باغلاياق جهنم اولسون گئدسين!!

منبع :