بلکه درينه يونگولجه توخونا بيلر. او سني سئوسه، قويماز کول اولاسان. نئجه کي، مين ايل‌ليک‌لر اؤنجه اللري باغلي آتشه آتيلان ابراهيمي‌آلوو سالامات ساخلادي. آذرين اوغلو يانا بيلمزدي. اونون داخيلينده قيغيلجيم وار ايدي. اود اونو سئويردي. اگر داخيلينده قيغيلجيم وارسا بيرگه آتش‌لنه‌جکسن. بوزا بنزه‌سن قارلا، ايستييه بنزه‌سن گونشله دوست اولاجاقسان. باخ ايچينده نه گزديريرسن؟يول سني‌هارا ايسته‌سن آپارا بيلر. سن‌هارا گئتمک ايسته‌ديييني بيليرسنمي؟ زنجي قادين گئجه‌نين قارانليغينا قاريشيب. بياض انداملي خانيم گونشلي سحرلرين بيرينده دار کوچه ايله‌هاراسا گئدير. ائيواندا بير کيشي سيگارئت يانديرير. قورشاغا قده‌ر سويونموش، گئجه‌نين ايستي‌سيندن سويوموش. آتش بارماغيني يانديرير. او ايسه حيس ائتمير. خانيمين اتک‌لرينه توخونان سرين مئه دونونو يئلله‌دير. ائيواندان باخان کيشي ائوده‌کي قادينيني اونودوب. بياض انداملي بو خانيم‌هارادان گلير؟ سوپورگه‌چي ائيوانيما باخير. دئيه‌سن من هر سحر بو قاديني گؤزله‌ييرم. صاباح اولاجاق، يئنه بو خانيم بورادان کئچه‌جک. گئجه‌لر زنجي قادين کيمي‌گيزله‌نيب، گوندوزلر گؤرونه‌جک. بو گونون سوالي:»بو قادين‌هارادان گلير؟«محلله‌نين آغ ساققاللاري بو قادينا اينانميرلار. دوشونورلر کي، او دا يونگول اخلاقلي قادينلاردان بيري‌دير.زامان ايسه هئچ نه دئمير. سوسور. . .هر سحر عئيني ساعاتدا، عئيني دقيقه ده، عئيني احوالدا ائيواندا گؤرونن کيشي بو خانيمي‌نظرلري ايله کوچه‌نين سونونا قده‌ر اؤتورور. خانيم ايسه هئچ کيمي‌گؤرمور. بلکه کيمسه قونشو کوچه‌ده آفتوموبيليني ساخلاييب؟ هه، او آوتوموبيل بو دقيقه بورادان اوزاقلاشدي. هميشه بو ساعاتدا بورادان کئچير. چوخ گومان کي، بو خانيم قونشو کوچه‌ده بو آفتوموبيلدن ائنيب اؤز ائوينه گئدير – فرضيييه! ساعاتين عقرب‌لري سنين اوچون دؤور ائدير. عئيني له يئر کيمي. بس اونون انرژيسي توکنسه نئجه اولاجاق؟ بير گنج هر گون عئيني سواللارلا قارشي-قارشييا دورور. اونون باشقا دردي يوخدور. يئرين قاتلاريني آراشديرير. نوو، مانتييا. جوغرافييا، گئولوگييا ايله ماراقلانير. عاغلا گلمز تجروبه‌لر کئچيرير ائوينده. ساعات، باتارئيا ايله ايشله‌يير. بس يئر؟ بس سن؟ انرژي.هارداندير بو انرژي؟ نيه اينساني يانديرمير؟ بلکه يانديرير؟ هنديستاندا بير اينسان اؤلدو. بير اولدوز آليشاآليشا يئره سوزولور. بؤيوک تونقال قالاديلار. مرحومو آتشله قوووشدوردولار.اودآلوو-آتش-تونقال. عئيني مفهومون مختليف آدلاري. بلکه ده يوز آدي وار. کيم بيلير؟سن حرکتده اولدوقجا دونيا فيرلانير. دونيا حرکت‌دير. حرکت ده اولماغينلا- ياشاييرسان دئمک‌دير. ساعاتين عقربي‌رقم‌لر اوزه‌رينده يئرييير. زامانين‌هانسي سا نامعلوم، بلکه ده معلوم بير واختي سن آرتيق دونيادا اولماياجاقسان.هاردا اولاجاقسان؟ اولاجاغين يئر، بو يئر قده‌ر ماراغلي‌دير. بلکه نامعلوم اولدوغوندان ماراغلي‌دير؟ بلکه او يئرين گؤزل اولدوغونو بيلسن، داها چوخ تلسه‌جکسن؟ آخيرته گئتمک اوچون ايزوپييادان مطلق کئچه‌جکسن.ايزوپييا. اورادا گونش سنين اختياريندادير.هارادا دايانماسي سندن آسيلي‌دير. سنين فيکرن اونون استقامتيني ده ييشه بيليرسن. بلکه دويونجا ياتماق اوچون گونشي اوزون مدت غروب دا ساخلاياجاقسان؟ دئييلنه گؤره اورالار او قده‌ر گؤزه ل‌دير کي، سن هئچ ياتماق ايسته‌مزسن. گؤزلريني بوينوندان آسيب سينه ن اوسته گزديررسن. حتّي قولاقلاريني بئله الينله قوپارا بيلرسن. سن اورادا حيصه‌لره بؤلونه و يئني دن بيرلشه بيلرسن. بير-لش. تام-لاش. ايکي نسنه قوووشور. بيرله شير. بير اولور.بوداما الينده‌کي ضرب آلتينه برک-برک ووراراق‌روحلاري کؤمه‌يه چاغيرير. بو گون او، اؤله‌جک. ايزوپييايا يول آلاجاق.يول آلاجاق- يول اونو آپاراجاق – او يولا گئده‌جک- يول اولاجاق.بورادا بعضي‌لري آخار چاي اولار. بعضي‌لري شام کيمي‌اريير. بعضي‌لري تورپاق اولار.ايزوپييادا گؤزلريني قاپاسان بئله گؤره‌جکسن. واختيله آرزولاديقلارين سنين حضوروندا منتظر داياناجاق. سن ايسه ان چوخ آرزولاديغيني سئچه‌جکسن. بلکه نه واختسا اوجا داغلاري گؤروب، کاش بو هوندورلويو آشارديم، دئميشدين. ايندي آياقلارين سني ايسته‌دييين يئره آپاراجاق. ال چاتماز زيروه‌لر ال چاتان اولاجاق. کؤرپه‌ليکده آرزولاديغين اويونجاقلار گؤيدن تؤکوله‌جک. ياديندادير، گونشلي گونلرين بيرينده سرينله‌مک اوچون قار ايسته‌ميشدين. باخ، لوپا-لوپا ياغير. ان چوخ آنان اوچون داريخميشدين. او سني ايزوپييادا گليب تاپار. آغ بيرچکلي، نور اوزلو آنان بير آغاجين کؤلگه‌سينده اوتورار. حزين سسي ايله لاي-لاي چالار. سن ايري گؤوده‌لي آغاجا ياخينلاشارسان. آنانين قوجاغيندا اؤزونو گؤررسن. دئمک کي، آنان دا سني گؤرمک ايسته‌ميشدي.بئله کؤرپه. . . اوفاق. . . دينمز شکيلده. . .چونکي گونلرين بير گونو آجيلاميشدين اونو. او دا دؤنوب “ديلين قوروسون” دئميشدي سنه. سونرا يوز دفعه تؤوبه ائتميشدي. سونرا باغيشلاميشدي. اوولکي کيمي‌قايغيني چکميشدي. آما دئدييين سؤزو هئچ اونوتماميشدي. ايندي عئيني قايغي ايله سني يئني دن بؤيوتمک ايسته‌يير. بلکه ياشينين‌هانسي سا چاغيندا سهوه يول وئريب؟ بلکه سنه دوزگون تربييه وئرمه‌ييب دئيه دوشونور؟ سني يئني دن دوغدو، عزيزله‌دي. سونرا راحات گئده‌جک او دونيايا.ايزوپييا آرزولارين‌رئاللاشما مکاني‌دير. سهولريني دوزلتمک اوچون سونونجو شانسين‌دي.هامينين يولو بورادان کئچه‌جک.اورادا اينسانلار انرژي‌لريني بيرلشديره‌رک گونشي باشلارينين اوزه‌رينه قالديرارلار. کؤلگه‌لر محو اولور. ايزوپييادا سن، سنين اختيارينداسان. بوتون آرزوالارين سنين اللرينده‌دير. طبيعت بئله سنه تابع‌دير.بارماغينلا سماني قاريشديريرسان. . .بولودلاري سيلرسن. . . الينله آي چکرسن. . . اولدوز چکرسن. . . سؤز يازارسان. . .هر شئي گؤردويون کيمي‌دئييل. گؤردويوندن ده او طرفي گؤرمه يي باجار. بورادا اينسانلار بير-بيرلرينين ايچيندن کئچرلر. قاپي دؤيمزلر، قاپي آچمازلار. اؤزلرينه چکيليب، باشقالاري اوچون آچيلماغي باجارارلار.بلکه‌ده بياض،هاوالي قادين ايزوپييايا تله‌سيردي؟او، آستا-آستا، کولک دن دالغالانان ساچلاري ايله دار کوچه‌دن کئچير. يونگول پارفوم عطري ائيواندا دايانان کيشيني بيهوش ائدير. او، قوش اولوب ائيواندان آشاغي اوچماق ايسته‌يير. غفلتن قاغايييا دؤنور. خانيمين باشينين اوزه‌رينده دؤوره وورور. بير نفر ايسه، قاغايي لار دنيز کناريندا اولمالي‌دير، دئيير. کيم دئيير کي، قاغايي لار موطلق دنيز کناريندا اولمالي‌دير؟خانيم ايسه دار کوچه‌لرله آدديملايير آدديملايير. . . قاغايي يول بويو اونو مشايعت ائدير. . . ائدير. . . خانيم آرا بير قولونداکي ساعاتا باخير. ساعات سکگيزدير. تام سکگيز. قاغايي اينسان اولوب خانيمين قارشيسيندا دايانير. کيشي اللريني بدني اوزه‌رينده چارپازلايير. خانيم اونون ايچيندن کئچيب ائوين گيريشينه داخل اولور. پيلله‌لر ايله يوخاري قالخير. پيلله‌لر بيتمير. اگر ايسته سه يدي بيتردي. اوزون يول وار قارشيدا. . .نهايت بينانين دامينا چاتير. آياقلاري اسه-اسه هوندورلوکدن آشاغييا بويلانير.گئديم مي؟ گئتمه ييم مي؟ دوشونور. نهايت فيکريني قطعي لشديرير.آغ پالتارلي قادين، بير بياض للک کيمي، بياض قار کيمي‌يئره ياخينلاشير. سوکوت. . .زنجي قادين اوغلو بوداماني اؤلولر دونياسينا يولا سالير. اوغلونون سون دفعه چالديغي ضرب آلتيني داها شيددتله دؤيجله‌يير. قولاق باتيران سس آلتيندا وار گوجو ايله آغلايير.هامي‌اونون دهشتلي سسينه قولاق آسير. قارانليقدا هئچ کيم اونو گؤرمور.بوداما هر گون عئيني محله‌دن کئچن آناسيني گؤرور. يازيغي گلير. اونون ان بؤيوک آرزولاريندان بيري آناسيني بياض گؤرمک ايدي. ائله ده گؤروردو. هر گون پيلله‌لري قالخان و اؤزونو آتماق ايسته‌ين قادين سون آندا فيکريني ده ييشيب ائوه دؤنوردو. بو دفعه ايسه دؤنمور. بوداما ايزوپييادان همين دار کوچه‌يه بويلانيب ظريف آدديملارلا ايره‌ليله‌ين آناسينا باخير. بير قاغايينين اونون باشينين اوزه‌رينده دؤوره ووردوغونو گؤرور. آناسيني انتيحاردان ساخلايا بيلمير. نه قدر چاليشسا دا، بو دونيايا کئچه بيلمير. ساده جه دوعا ائدير. آناسينين يئره ساکيت، آغري سيز دوشمه‌سي اوچون، بياض قارا دؤنمه‌سي اوچون دوعا ائدير. بئله ده اولور. بوداما آغاجين کؤلگه‌سينده اوزون-اوزادي اوتوروب کؤکسونده بالاسيني اوخشايان، اونا لاي-لاي چالان بياض قادينا باخير. و ايکينجي دفعه دونيايا گلرکن زنجي دوغولماديغي اوچون شوکر ائدير.گؤي اوزونه گونش چکير. سونرا ان سئويملي اويونجاقلاريني کؤرپه‌يه وئرير. آناسينين اللريندن اؤپور. قادين اونو تانيماسا دا، او تانيير. آناسي ايلا اولدوغونا سئوينير. ايزوپييا. هم اوزاق‌دير، هم ده ياخين. بلکه سن دفعه‌لرله اونون ايچيندن کئچميسن. حيس ائتمه ميسن. بلکه همين آندا نه‌لريسه ده ييشه بيلردين. ده ييشمه‌دين. هر شئي اللرينده ايکن، قاچيردين. حياتين سو کيمي‌بارماقلارينين آراسيندان آخيب تؤکولدو. نفس قده‌ر آني اولدو. بيتدي. چوخ کئچمير کي قوجاليرسان. چوخ کئچمير کي ياتاغا محکوم اولورسان. چوخ کئچمير کي، گنج لييينده ائتدييين سهولري دوشونورسن. آلداتديغين قيزي. سئودييين اوغلاني. اوزونه غضب له سيلله ووردوغون اوغلونو. بس‌دير، ال چک، دئدييين آناني آلداتديغين اينساني. آلدانديغين مقاملاري. يولو کئچرکن بيلرکدن تاپداديغين قاريشقاني. سنه ال آچان و اوووجلاري بوش قاييدان‌ديلنچيني. اوزون ايللر اوزه‌رينده اوتوردوغون، سونرا اونوتدوغون اي ايسکامياني. skamyan? ياريمچيق کيتابيني. سئويرم دئمه‌دييين قيزي. سئويرم دئمه‌دييين اوغلاني. . . چوخ شئيي ده ييشه بيلردين. ده ييشمه‌دين. آما بو مکانين وارليغينا اينان. ايزوپييا، سهولريني دوزلتمک اوچون سونونجو شانسين‌دير. يارارلان.تنگ نفس ائوه قاييدان کيشي ائوينده اونوتدوغو قاديني تاپمير. بوتون ائوي گزير. بوتون قاپيلاري آچير، اونو تاپمير! قاديني گئدن گؤرموشدولر. دئييرلر لاقئيدليک دن چوخ بئزميشدي. هر سحر اوتاغيندان يوخا چيخميش سئوديييني آختاريردي. سئودييي کيشيني باشقا بير خانيمين آردينجا گئدن گؤرموشدو. ائوه پريشان دؤنرکن آوتوموبيلدن ائنن اينسان اونا چيچک وئرميشدي. اصلينده گوللرين سبب کاري گؤروشه گلمه‌ديييندن، بير باشقا خانيما وئريلميشدي. دئمک کي قيسمت اونون ايدي. چيچک‌لري آلدي. قونشو کوچه‌دن هر گون عئيني ساعاتدا، عئيني واختدا کئچن آوتوموبيله ميندي. بو دفعه هميشه‌ليک گئتدي.بوداما هر شئيي گؤروردو. اونو ايسه قاغايي لار گؤروردو.
يانما! آتش سويوقدور!قورخدوغوندان سني يانديرار. کبريت چؤپونون اوزه‌رينده گزيشن آلووا‌ديقتله باخ، ايسته‌سن بارماغيني يانديرماز.