آذربايجان ناغيللاري قيز اوغلانا دئيير:– من سني چوخ سئويرم و ايسته‌ميرم کي بونلارين سرنوشت‌لرينه دوچار اولاسان. بولار کي بوردا اؤلوبلر آتامين سئحريندن باش چيخارتميشديلار. آتام منيم اوچون چوخلي نؤکر گتيريب بورا؛ تا زماني کي بير شئي اورگئشمه‌ييب‌لر آتامين اونلارينان ايشي يوخدي. او زمانکي بير شئيدن باش چيخارديبلار، آتام اونلاري بير بير اؤلدوروب و جنازه‌لري ده بوردادير. مندن سنه امانت، اگر ايستيرسن بوردان ساغ سلامت قورتاراسان، حقيقتي بوينووا آلما. آتام بير مدتدن سونرا سوراغيوا گله‌جک و سندن سووال آلاجاق بو مدتده کي بوردا ايشليرسن آيا بير شئي‌لري اورگئشميسن يا يوخ. سني ايشيکنجه ائلييه‌جک؛ کؤتک و شاللاق ويراجاق؛ مبادا بوينووا آلاسان. اگر بوينووا آلسان سني ده بولار کيمي‌اؤلدوره‌جک. او بو ايشلري گؤرور کي سيرري معلوم اولماسين. من سندن آيري ياشايا بيلمه‌رم. بونا خاطير ايستيرم سنه کؤمک ائلييم.بوردا اوغلانين حواسي جمع اولور. هئچ زاد بوروزا وئرمير تا کي بير گون اوخقاي گلير اوغلانين خدمتينه. هر نه جور سووال سوروشور، جاواب ايستير، اوغلان مونکير اولور کي من بير نؤکرم و سنين قيزيوا خدمت ائيله‌رم؛ هئچ زاد بيلميرم. من هميشه سنين قيزيوين خدمتينده‌يم. تمام کمال هوش و حواسيم جمعدي کي خانيمين فرمايشاتي يئره دوشمه‌سين.هر نه قدر سينجين ائيلر اوغلان بوينونا آلمازکي آلماز. بس بوردا اوخقايين خيالي‌راحات اولار و سونرادان اوننان ايشي اولماز و دئير کي سن ائله ايشيووه ادامه وئر.بيرگون اوغلان اونون يانينا گئده‌ر؛ عرض ادب‌دن سونرا تقاضا ائيلرکي »قوربان، من داريخيرام. آتام آنام گؤيليمه دوشوب؛ اجازه وئر گئديم بير نئجه گون آتام آنامي‌گؤريم.« اوخقاي قبول ائيلر. اوغلاني گتيرر بولاق باشينا، دئير »گئت، مرخصين قورتاردي گل!« اوغلان گئده‌ر آتا آناسينين يانينا. اولار دا چوخ خوشحال اولارلار و بير نئچه گوندن سونرا اوغلان آتاسينا دئيرکي»آتا جان من بير سري سئحر و جادو اؤرگشميشم. من اؤزومي‌اؤکوز و يا دوه و يا آت جيلدينه سالاجاغام؛ سن مني آپاريب بازاردا ساتاجاقسان اما اووساريمي‌ساتميياجاقسان و گئجه ياري من اؤز جيلديمه گيريب، قاييديب ائوه گله‌جييم. سيز نيگران اولمايين.« بئله‌ده اولور. اوغلانين دده‌سي اونون اووساريني توتور، آپارير بازاردا ساتير؛ آنجاق اووسارين ساتمير. اوغلان اووساردان آدام جيلدينه دوشور، گلير ائولرينه. اولار بو ايشله چوخلي پول چيخارديرلار. اوغلان دا آتاسينا تاپشيرير کي مبادا منيم اووساريمي‌ساتاسان. اگر منيم اووساريمي‌ساتسان، داهي من ائليه بيلمه‌رم قاييدام ائوه. داهي سن اوغلووي گؤرمزسن. او موقع آتاسي بونا چوخ اطمينان وئرميشدي کي »سن نيگران اولما«. اوغلان داهي اوخقايين يانينا قاييدمير. بو يولنان چوخلي ثروت قازانيرلار و تصميم توتورلار کتدن شهره ييغيشديرسينلار. شهرده مغازه، يئر، ائو آليرلار و گئنه ده دوباره کنده قاييديرلار.
بولگه لرسرويسي:گونلرين بير گونونده، بير ولايتده بير قوجا و يوخسول کيشي ياشاييردي. گليري ياشاييشيني اؤده‌مه‌ين او قوجا و يوخسول کيشينين بير اوغلو واريدي.
بولگه لرسرويسي:اوغلان گؤرور کي بوردا چوخلي جنازه واردي.