آخير سوزو مرکز دئيير

بولگه لر سرويسي:شاه دوورونده مرکزين دوره کندلرين بيرينده بير پاسگاهدا خيدمتيميزيدي. ائلچي بئي پاسگاهيميزين باشجي سي تعيين اولونوب، دوکتور جئري پاسگاهيميزين بهداري سينا يئتيشير، منده پاسگاهيميزين وکيلي ديم(گوروهباني ديم). بير اون گون اولاردي بير کندلي پاسگاها ساري اوز دوندرمه ميشدي، اؤزوموزه اوتوروب چايلاشيرديق. بيردن کندين رشبرلريندن بيري اون دانا فتير دستانا –اون بش کند يومورتاسي، بيرده کيلو ياريمليق ساري ياغ الينده ،پاسگاهين حيه تينه قدم قويدي. ياواش- ياواش بيزده تاماشا ائديريک، گليب اوتوردي، اونلاري ائلچي بئي يه تقديم ائيله دي، سونرا جيبيندن بير شکايت چيخارديب ايکي اللي ميزين

آذربايجان حكائيه سي
بولگه لر سرويسي:شاه دوورونده مرکزين دوره کندلرين بيرينده بير پاسگاهدا خيدمتيميزيدي. ائلچي بئي پاسگاهيميزين باشجي سي تعيين اولونوب، دوکتور جئري پاسگاهيميزين بهداري سينا يئتيشير، منده پاسگاهيميزين وکيلي ديم(گوروهباني ديم). بير اون گون اولاردي بير کندلي پاسگاها ساري اوز دوندرمه ميشدي، اؤزوموزه اوتوروب چايلاشيرديق.
بيردن کندين رشبرلريندن بيري اون دانا فتير دستانا –اون بش کند يومورتاسي، بيرده کيلو ياريمليق ساري ياغ الينده ،پاسگاهين حيه تينه قدم قويدي.
ياواش- ياواش  بيزده تاماشا ائديريک، گليب اوتوردي، اونلاري ائلچي بئي يه تقديم ائيله دي، سونرا جيبيندن بير شکايت چيخارديب ايکي اللي ميزين اوستونه قويدي.
 ائلچي بئي ين ساوادي اولمادان، دوکتور جئري تورکي باشارمادان ،مجبورن من اوخودوم .اوردا يازيلميشدي: من کربلايي احد اوغلي مشهدي زينال ،آرواديم سکينه قيزي گولثومدن شکايتيم وار! بو گونلر منه ساري باخمايير! پاسگاه موديريندن خواهيشيم وار، بو باره ده بير فيکير قيلالار. ائلچي بئي خبر آلدي: نئجه يعني باخمير؟
 مشهدي زينال دئدي: نئجه سي يوخدي کي باخميردا !ائله آچيم هر زادي دئييم؟ائلچي بئي يه اللريمين ايشارتيله  دوشوندوردوم کربلايي احد اوغلي مشهدي زينال نه دئيير!
ائلچي بئي بير آز اييليب مشهدي زينال عمي يه ساري اونا ياواشجا دئدي:بير گوزل هولو عمه م وار ايشيندي ؟مشهدي زينال دئدي: يوخ. ائلچي بئي ،دئدي: اوندان سونرا بير خالا خانيمدا وارها؟او ،دئدي: يوخ جانيم منيم کي اونلاردان چوخ گوزل –جاني سولودي .ائلچي بئي سوروشدي: بس دردين نه دير ؟
مشهدي زينال عمي دئدي :ايش منده دي داها او سوزدا ،منده بير شئي يوخدي !ائلچي بئي دئدي :بس شيکايتين ؟زينال عمي جوابدا ياواشجا دئدي:هئچ اولماسا قيديغلاماقا نه گليب؟
 مني بير قيديقلاسين ،هيرسيم سويوسون!ائلچي بئي يومورتالاري –ساري ياغي –دستانالاري ميزين اوستوندن گوتوروب يانينداکي ميز اوسته قويدي سونرا عسگرلر اولمادان منيله –دوکتور جئري ني مشهدي زينال عمي نين ائولرينه اونيله برابر گوندردي ،برک -برک تاپيشيردي: بو ايشي حل ائتمه مه دن پاسگاها قايتمايين .
او زامان يئتيشديق کي مشهدي زينال عمي نين خانيمي بيژووي بيزوولوقا ساليردي، ياشماقي اوزونه چکيب، بيزيم يانيميزدا هاراسان دوروب ،هاميميزا باخدي .آنا -باجيم اولسون، اينصافن گوزل- دوروشوقلي خانيميدي. شيکايتي اوخوياندا ،ياريدا سوزومو ساخلادي، گولثوم خالا ،دئدي :عيبي يوخدي من او ميده شوري قيديقلارام! مني کيم قيديقلاسين؟!
من بير سوز تاپيب، دييه بيلمه ديم. بير اليم قولاقيمين ديبينه گئديب، گولثومه چاسگ قوزاديم، دئديم: گئديب مرکزدن، ائلچي بئي دن سوروشوم، گليم دئييم!!

منبع :