بولگه لر سرويسي:خيراللاه موعلليميله هردن اوتوروب ،دانيشاريق. اوگون بيريئرده يديک ،بو سوزو دئييردي: يوني وئرسيتيده طلبه اولان زامان، بير جوغرافييا اوستادي، نووروزي آدلي واريميزيدي . جلسه لرين بيرينده بير مناسيبته گوره، فيرانسادا باشينا گلن احوالاتدان بير پارچا، دانيشدي. او بئله دئييردي :فيرانسا بورسييه سينده قبول اولموشدوم، اورانين ديليني بير آي مدتدينده گئچيتمک زوروندايديم. ايلک گونو هامي اوزون تانيدديريدي ،دونيانين هر بير بوجاغيندان ،اورتا آسييادان- آفريقادان- اوزاق گوني آسييادان –باشقا يئرلردن واريدي. نوبت بير قوجا خانيما يئتيشدي ،دوردي اوزون تانيدديردي ،سونرا، دئدي: من کانادا مملکتيندن بورايا گلميشه م. بيزيم اوستاد بير اللرين اوفکالادي ، گوله- گوله سوروشدي: خانيم سيزين نئچه ياشينيز وار؟ خانيم، دئدي: اوستاد سيز ايندييه جان بيلمه ميسيز بير خانيمين ياشين خبر آلمازلار؟! امما چون سوردوز، دئييرم :منيم يئتميش دوققوز ياشيم وار! بير هوي دوشدي! گولوشمه دن سونرا ،اوستاد دئدي: آخي بو ياشدا آيري اولکه؟ بوجور بير چتين درس اوخوماق ؟خانيم کي آياق اوسته دورموشدي، داليجا دئدي:عف ائدين اوستاد ،منيم نه زامانيمدي؟ من عمورومون ياريسين ائيله ميشه م ،ياريسي هله قالير ! بو دانيشيقدا ، منيم آنام کنديميزده، ياديما دوشدي .هله او دئديقيم ايلده قيرخ ياشي تامام اولماميشدي، هي دييه ردي:ائولادلاريم ، بير بئکار زامان تاپين، من سيزه وصييه تيمي ائيله ييم ،داها بير عومور مندن قالماييب!اوجور مملکتلريله بيزيم مملکتين گوره سيز نه فرقي اولا بيلر؟!!
خيراللاه موعلليميله هردن اوتوروب ،دانيشاريق. اوگون بيريئرده يديک ،بو سوزو دئييردي: يوني وئرسيتيده طلبه اولان زامان، بير جوغرافييا اوستادي، نووروزي آدلي واريميزيدي .